Danyel 5:7 - Hdi

⁷ Ka gwaɗatá mgham nda lwi dagala dagala: « Hagigiɗaghawa gwal dzugwa zlazləra, nda ɗəghaha, nda gwal tsatsa skwi ya, » kaʼa. Ka mgham nda tsa gwal nda ɗifil ma ghəŋa taŋ ma Babila ya mantsa: « Mndu ya ta laviŋta dzaŋaftá na skwi vindaf lu na, mnihaha ta klatá ghəŋa ni, dzaʼa suɗanava suɗa yu ta lguta mamgham mgham, dzaʼa suɗanam suɗa yu guli ta ziɗa dasu ma lwi. Dzaʼa nzakway guli ka mahkəna vla nzaku ma na ga mgham na, » kaʼa.

Danyel 5:7 ပူးပေါင်းရင်းမြစ်များ

Zlrafta 41:8

Tsaɗata vli, ta ndan Firʼawna. Ka hagaktá tsi ta inda ɗəghaha ni, nda inda gwal nda ɗifil ma ghəŋa taŋ ma Masar. Ka rusanaftá tsi ta həŋ ta tsa suniha ni ya. Sew haɗ mndu ta laviŋta paslanaptá tsa suniha ni ya wa.

Asta 3:1

Tahula luta tsa skwiha ya, ka ŋlanaftá mgham Ahasverus ta Haman zwaŋa Hamədataʼ mndəra la Agag. Ka vlaŋtá tsi ta vla mamali mali ta ghəŋa mnduha mgham ka mali ka mali ta nzaku kawadaga nda tsi.

Sabi 7:11

Ka hagaktá Firʼawna ta gwal nda ɗifil ma ghəŋa taŋ nda ɗəghaha tani. Tsa ɗəghaha ma Masar ya, ka magatá hahəŋ guli ta ŋa taŋ manda va tsaya nda má ɗəgha ɗəgha taŋ.

Danyel 1:20

Ka mamu sana skwi ta ɗawaŋta mgham, tsaw tsa skwi ya, ta zbay ta ɗifil nda mahizl katsi ná, malaghu mala zɗakwa ŋa taŋ zlghatá wi ghwaŋ səla ta ŋa gwal vza mandaŋ, dzugwa zlazləra, ya ta haɗika ga mghama ni.

Danyel 1:4

Tsa galaɓayha ya ná, gwal kul haɗ maslivinza ta həŋ katsi. Nda mbaza ka həŋ ma kuma, nda nza ka həŋ ka gwal nda ɗifil ma ghəŋa taŋ, ka gwal nda mahizl ma ghəŋa taŋ, nda ya ka gwal nda sna ta tsislaptá skwi katsi guli, ŋa pərɗafta taŋ ta ksanatá slna ta mgham, ka taghanafta ka ta həŋ ta gwaɗa la Babila nda skwiha ma ɗelewerha taŋ tani, » kaʼa.

Danyel 2:2

Ka mgham mantsa: « Hagigiɗaghawa haga ta gwal vza mandaŋ, nda gwal dzugwa zlazləra, nda ɗəghaha, nda slayaŋha, ka mnihata həŋ ta tsa suna ɗa ya, » kaʼa. Ka sliʼadaghatá tsa mnduha ya ta kəma mgham.

Danyel 2:27

Ka Danyel ta kəma mgham mantsa: « Haɗ gwal nda ɗifil ma ghəŋa taŋ, gwal dzugwa zlazləra, nda gwal vza mandaŋ, nda gwal tsatsa skwi, dzaʼa laviŋta rusanaftá mgham ta tsa skwi nda ɗifa ɗawaŋ tsi ya wa.

Danyel 2:48

Tahula tsa, ka ŋlanaftá mgham ta Danyel. Ka mbəhatá tsi nda skwiha dagala dagala, ta ɗinuta katakata. Ka fatá tsi ka guvna ta ghəŋa inda haɗika Babila. Faha ka mali ta ghəŋa inda gwal nda ɗifil ma ghəŋa taŋ ma Babila guli.

Danyel 2:6

Ama ka mniɗiŋ mna kuni ta tsa suna ɗa ya, nda klatá ghəŋa ni tani katsi, dzaʼa mbəhaghuna mbəha yu katakata, dzaʼa vlaghuna vla yu ta sgit dagala. Mantsa tama, mniɗiŋwa mna ta tsa suna ɗa ya, mniha kuni guli ta klatá ghəŋa ni, » kaʼa.

Danyel 4:14

Tsa skwi kura lu ya ná, gwal ta nghapta ta wa lilwa ta klagatá lwa ni. Tsa skwi hbaf lu ya guli ná, gwal nda ghuɓa ta mnafta, ŋa snaŋta inda skwi nda hafu mida kazlay Lazglafta Dagala ta nzanaghatá inda ga mgham ta gə mnda səla kəʼa. Tsatsi ta vla ga mgham ŋa mndu ya ta kum tsi, tsatsi ta ŋlanaftá mndu ya kul haɗ ghəzliwa ni.

Danyel 5:11

Mamu sana mndu ma ga mghama gha nda sulkuma lazglaftaha nda ghuɓa mida. Ma fitika nzakwa da gha ta nda hafu ná, si ta tsalay tsa mndu ya ta gwaɗa, mamu mahizl da tsi, mamu ɗifil da tsi manda ɗifila lazglaftaha. Tsaya kəl da gha mgham Nevuhadnetsar ka fatá ka mali ta ghəŋa gwal vza mandaŋ, nda gwal dzugwa zlazləra, nda ɗəghaha, nda gwal tsatsa skwi.

Danyel 5:15

Kɗakwa lu tsa ta hlagaghatá gwal nda ɗifil ma ghəŋa taŋ katakata, nda ɗəghaha tani ta kəma ɗa, má ŋa dzaŋiɗiftá na vindi na, ka pasliɗipta klatá ghəŋa ni. Ama ka traptá həŋ.

Danyel 5:16

Ka snaŋtá yu ta gwaɗa ta kagha. Laviŋ lava kagha ta snaŋtá klatá ghəŋa skwi. Ta tsalay kagha ta skwiha ya nda bla, ka lu. Ndanana, ka laviŋ lava ka ta dzaŋiɗiftá na vindi na, ka mnihatá klatá ghəŋa ni katsi, dzaʼa suɗavagha suɗa yu ta lguta mamgham mgham, dzaʼa suɗagham suɗa yu guli ta ziɗa dasu ma lwi, dzaʼa vlagha vla yu ta mahkəna vla nzaku guli, » kaʼa.

Danyel 5:29

Gi ka Belsatsar mantsa: « Suɗanavawa suɗa ta Danyel ta lguta mamgham mgham, suɗanam kuni ta ziɗa dasu ma lwi. Lawa da mnay kazlay na dzaʼa nzakway Danyel ta mahkəna vla nzaku kəʼa guli, » kaʼa.

Mbsak 22:17

Dzaʼa vlagha vla yu ta glaku katakata, dzaʼa maga gha maga yu ta inda skwi dzaʼa mnihata ka. Kdəkkdək sawi, ka ksiʼiɗifta ka ta na mnduha na!” » kaʼa.

Mbsak 22:7

Ka laghu la galata mnduha la Muwav, nda la galata mnduha la Midyaŋ tama nda klatá skwi ŋa vza mandaŋ. Ɓhadaghata taŋ da Bilgham, ka mnanaftá həŋ ta gwaɗaha Balak.

Mbsak 24:11

Ka si manda na tsi ya, la ta haɗika gha! Dzaʼa vlagha vla yu ta glaku dagala ka yu sizlay, ama wana kwalaghuta Yawe ta vlaghatá tsa glaku ya, » kaʼa.

1Sam 17:25

Ka la Israʼila ta mnay mataba na: « Nda ngha kuni ta ya mndu ta gavagaghata ya ra? Ta gavagaghata da zlurgwa la Israʼila. Ka dza dza mndu katsi, dzaʼa nanaf na mgham ka gadghəl katakata. Dzaʼa vlaŋ vla ta makwa ni, haɗ la taŋ ma tsa mndu ya dzaʼa pgha dzumna ma Israʼila wu, » ka həŋ.