Danyel 5:23 - Hdi

²³ Mbaɗa ka ka pgha ghəŋ nda Mgham ta luwa. “Hlagiɗighawa hla ta leghwaha ni si ma həga ni ya,” ka ka nda kwalvaha. Ka sə kuni ta ghuzu tida, nda kagha tani, nda mnduha gha dagala dagala tani, nda miʼa gha tani, nda miʼa sanaghaha gha tani. Ta ghəŋa tsa guli ná, ka fə kuni ta laha ka zləzləva lazglaftaha ya tsaf lu nda kfura tseda, nda ya nda dasu, nda ya nda ghuva tili, nda ya nda kfur, nda ya nda udzu, nda ya nda pala tani. Tsa lazglaftaha ya ná, ngha a həŋ ta vli wu, sna a həŋ ta sləməŋ wu, sna a həŋ ta skwi ɗekɗek guli wa. Lazglafta ta ŋanatá hafa gha ma dzva ni, nda inda tva nzakwa gha tani ya ná, vlaŋ a ka ta glaku wa.

Danyel 5:23 ပူးပေါင်းရင်းမြစ်များ

Zlrafta 14:19

Ka tfanaghatá tsi ta wi ta Abram, kaʼa nda tsi mantsa: « Ka tfanagha tfa Lazglafta Dagala, ya ta zlagigiŋtá luwa nda haɗik ta wi ta Abram.

Zlrafta 2:7

Ka tsaftá Yawe, Lazglafta ta mndu nda gəninika haɗik, ka vuslanamtá tsi ta hafu nda ma htsiŋ, kəl mndu ka zlraftá nzakway nda hafu.

2Mgh 14:10

Mantsa nzakwa ni, zaza ka ta la Idum, ka vlaghatá tsaya ta gla ghəŋ. Ghubara ta ghəŋa gha, ka nzata ka mintgha gha. Kabgawu dzaʼa famta ka ta ghəŋa gha da slna tulekaku ya dzaʼa klaghaktá zaɗaku, nda la Yuda tani na? » kaʼa.

Danyel 11:12

Manda zuta lu ta tsa ghuɓa gwal vulu nda ga mazlay ya, dzaʼa ghərɓay mgham nda ga maghura ta ghərɓaku. Dzaʼa rwana rwa ta dəmbuʼata mnduha, kulam nda tsa, haɗ tsa mbrakwa ni ya dzaʼa nzəɗavata wa.

Danyel 8:11

Ka lagha tsa duli ya da liŋtá mali mataba gwal vulu ta luwa. Ka hlanatá tsi ta tsa pla ghəŋ ta plə lu inda fitik ŋa Lazglafta ya, ka dmanaftá tsi ta vli ni nda ghuɓa.

Slna gwal ghunay 17:25

Psaŋ a ta katu da mnda səla ŋa vlaŋtá skwi wa. Haɗ skwi pɗa tsatsi guli wa. Tsatsi ta famta hafu ma inda mndu ta kəl mndu ka hafu. Tsatsi guli ta vlata inda hamata skwi.

1Kwa 8:4

Ta ghəŋa skwi ta nghanatá za sluʼa skwa wuyay, wya tsi: nda sna amu skwi ka bətbət na skwa wuyay ma ghəŋa haɗik kəʼa. Turtuktuk Lazglafta guli.

1Tim 3:6

Ma nza tsa mndu ya ka lfiɗa mndu ma zlghay nda ŋuɗuf, da glə tsi ta ghəŋ, da zləmbamtá tsi ma mndərga tsa guma tsanagha lu ta halaway ya.

Hebru 4:13

Haɗ sana skwi ta ɗifaghuta ta wa ira Lazglafta wa. Nziɗiɗ həŋ demdem ta wa ira ni. Nda ngha ira ni ta inda skwi demdem. Dzaʼa mnay mu ta inda skwi ta kəma ni.

Suna Yuhwana 9:20

Má ŋa mbəɗanafta pɗakwa mnduha kul rwanatá tsa ghuya ɗaŋwaha ya ta nzakwa taŋ ma slnaha taŋ ta magata həŋ ya ná, ka kwalaghutá həŋ. Ka gɗavata həŋ ta tsəlɓu ŋa halaway, nda ya ŋa skwa wuyayha. Hahəŋ ná, ngha a həŋ ta vli wu, sna a həŋ ta sləməŋ wu, haɗ həŋ ta mbaɗa wu, nda dasu tsafta lu ta sanlaha, nda kfur sanlaha, nda ghuva tili sanlaha, nda udzu sanlaha.

Gwal tsa guma 16:23

Ma sana fitik, ka tskavatá maliha la Filisti ka vla skwi ŋa pla ghəŋ dagala ŋa Daguŋ, lazglafta taŋ, nda ya ŋa skala rfu. Ka həŋ mantsa: « Vla vla lazglafta mu ma dzva mu ta Simsuŋ ghuma mu, » ka həŋ.

1Sam 17:26

Ka Dawuda nda tsa mnduha ta sladu ndusa nda tsi ya mantsa: « Nu dzaʼa lu maganatá tsa mndu dzaʼa dzatá na la Filisti na, ŋa klaghutá hula ta ghəŋa la Israʼila ka kuni? Wa va na la Filisti, na mndu kul tsaku fafaɗa ni na, ŋa razay ni ta gwal vula Lazglafta nda hafu mida na? » kaʼa.

1Sam 17:36

Mantsa ya dzata kwalva gha ta rveri, nda ziŋa. Manda tsaya dzaʼa nzakwa tsi nda na mnda la Filisti, na mndu kul tsaku fafaɗa ni na, kabga razanaf raza ta gwal vula Lazglafta nda hafu mida! » kaʼa.