Danyel 5:2 - Hdi

² Lama ghuzu da ghəŋa Belsatsar, kaʼa mantsa: « Lawa hlagaghatá leghwaha dasu, nda ya ka kfura tsedi, hlagaghu da ɗa Nevuhadnetsar ma həga Lazglafta ma Ursalima ya, » kaʼa nda kwalvaha. Kumaf kuma mgham ta sa tsa ghuzu ya kawadaga nda tsa mnduha ni dagala dagala ya, nda miʼa ni tani, nda miʼa sanagha ni.

Danyel 5:2 ပူးပေါင်းရင်းမြစ်များ

2Sam 9:7

Ka Dawuda nda tsi mantsa: « Ma zləŋ ka ta zləŋ. Ta kumay yu ta magaghatá zɗaku dabga da gha Yunataŋ. Dzaʼa vravagha vra yu ta inda haɗika dzidza gha Sawulu. Dzaʼa gɗa gɗa ka ta za skwa zay ta kuwata ɗafa ɗa guli, » kaʼa.

2Mgh 24:13

Ka hlaghatá Nevuhadnetsar ta inda gadghəl ma dzuguva ɗifa skwa gadghəl ma həga Yawe, nda ya ma həga gá mgham. Ka dzaɓiŋtá tsi ta inda huzlaha ka dasu ma həga Yawe si magaf Salumuŋ, mghama la Israʼila ya. Magu maga tsaya taɓta gwaɗa manda ya mna Yawe.

2Mgh 25:15

Ka hlaghatá mali ta ghəŋa gwal ta nghapta guli ta inda huzlaha ka dasu ka dasu nda ya ka kfura tsedi: Ta nzakway ka hutayha, nda leghwaha wutsikanatá skwi.

2Rus 11:20

Tahula tsa, ka klaftá tsi ta Maghaha, zigha Avsalum. Ka yayanatá tsi ta zwani: I Aviya, nda Ghatay, nda Ziza, nda Səlumit.

2Rus 15:16

Ka kliŋtá mgham Asa ta midza ni Maghaha markwa mgham ma nzakwa ni ka markwa mgham, kabga vəl magafta ni ta skwa wuyay Asera ta vla hula ŋa mndu. Ka hliŋtá Asa ta skwa wuyay ni, ka nanafta ka gninika haɗik, ka driŋta ta wa lika Kidruŋ.

2Rus 36:10

Sagha sana vaku, ka klaghatá mgham Nevuhadnetsar da Babila, nda huzla ɗina ɗina ma həga Yawe. Ka famtá tsi ta Tsidkiya dasliʼiŋa Yəhuyakiŋ ka mgham ta ghəŋa la Yuda nda la Ursalima.

2Rus 36:18

Ka hlaghatá tsa mghama Babila ya ta inda huzla ma həga Lazglafta, nda ya dagala tani, nda ya kwitikw tani, nda skwa gadghəl tani ma həga Yawe, nda ya ga mgham, nda ya ga maliha ta maganatá slna.

Izra 5:14

Huzlaha ka dasu, nda ya ka kfura tsedi, si ma həga Lazglafta ma Ursalima ná, ka hlagaptá Nevuhadnetsar ma tsa həga ya ka laghu da pghamta ma həga Lazglafta ni ma Babila. Ka hligiŋtá mgham Sirus ma tsa həga Lazglafta ma Babila ya, ka pghanamta ma dzvu sana mndu ta hgə lu ka Sesbatsar fam tsi ka guvna la Yahuda ya.

Danyel 1:2

Ka vlatá Mgham Lazglafta ta Yəhuyakim mghama Yahuda ma dzva ni, nda sanlaha ma huzlaha həga Lazglafta. Ka hlaghatá Nevuhadnetsar ta tsa huzla ya da haɗika Babila da həga lazglafta ni. Ka pghamtá tsi ma dzuguva ɗifa skwa gadghəl ma həga lazglafta ni.

Danyel 5:11

Mamu sana mndu ma ga mghama gha nda sulkuma lazglaftaha nda ghuɓa mida. Ma fitika nzakwa da gha ta nda hafu ná, si ta tsalay tsa mndu ya ta gwaɗa, mamu mahizl da tsi, mamu ɗifil da tsi manda ɗifila lazglaftaha. Tsaya kəl da gha mgham Nevuhadnetsar ka fatá ka mali ta ghəŋa gwal vza mandaŋ, nda gwal dzugwa zlazləra, nda ɗəghaha, nda gwal tsatsa skwi.

Danyel 5:13

Ka klaktá lu ta Danyel ta kəma mgham. Ka mgham nda Danyel mantsa: « Kagha tsa Danyel sana zwaŋ mataba la Yahuda kasaf lu, ka hlagaghutá da ɗa ta həŋ ma Yahuda ya ra?

Danyel 5:18

Ari rvera ɗa, vlaŋ vla Lazglafta Dagala ta ga mgham, nda glaku, nda sgit, nda mbraku ta da gha Nevuhadnetsar.

Danyel 5:23

Mbaɗa ka ka pgha ghəŋ nda Mgham ta luwa. “Hlagiɗighawa hla ta leghwaha ni si ma həga ni ya,” ka ka nda kwalvaha. Ka sə kuni ta ghuzu tida, nda kagha tani, nda mnduha gha dagala dagala tani, nda miʼa gha tani, nda miʼa sanaghaha gha tani. Ta ghəŋa tsa guli ná, ka fə kuni ta laha ka zləzləva lazglaftaha ya tsaf lu nda kfura tseda, nda ya nda dasu, nda ya nda ghuva tili, nda ya nda kfur, nda ya nda udzu, nda ya nda pala tani. Tsa lazglaftaha ya ná, ngha a həŋ ta vli wu, sna a həŋ ta sləməŋ wu, sna a həŋ ta skwi ɗekɗek guli wa. Lazglafta ta ŋanatá hafa gha ma dzva ni, nda inda tva nzakwa gha tani ya ná, vlaŋ a ka ta glaku wa.

Danyel 5:3

Ka hlaktá lu ta tsa leghwaha ka dasu, hlagaghu lu ma həga Lazglafta ma Ursalima ya. Ka sə i mgham nda gwal dagala dagala, nda miʼa ni, nda miʼa sanagha ni ta tsa ghuzu ya mida.

Danyel 5:30

Ta va tsa rviɗik ya, ka dzatá lu ta Belsatsar mghama la Kaldiya.

Danyel 5:4

Ta say say həŋ ta tsa ghuzu ya, ka fə həŋ ta laha, ka zləzləva lazglaftaha tsaf lu nda dasu, nda ya nda kfura tsedi, nda ya nda ghuva tili, nda ya nda kfur, nda ya nda udzu, nda ya nda pala guli.

Mbsak 7:79

Wya skwiha hladagha tsi: Kliwtir turtuk ka kfura tsedi ta maga kiluʼ nda rita, nda nzəganzəga turtuk ka kfura tsedi ta maga gram tghas dərmək taɓta gra skwi ma həga nda ghuɓa, nda ndaghatá tsa huzlaha ya his his nda hpu kəzlitit hwaɗam lu nda rɗi, ŋa mbəha nimaya,