Danyel 5:19 - Hdi

¹⁹ Dabga tsa glaku vlaŋ Lazglafta ya, si ta ghudzaku inda mnduha, mndəra mnduha ta gwaɗa kavghakavgha ta sagha ta haɗikha da zləŋ ta kəma ni. Ta dza dza ta mndu ya kumaŋ tsi ta dzata, ta zlana zla ta mndu ya kumaŋ tsi ta zlanata nda hafu. Ta ŋlanaf ŋla ta mndu ya kumaŋ tsi ta ŋlanafta, ta vragana vra ta mndu ya kumaŋ tsi ta vraganata guli.

Danyel 5:19 ပူးပေါင်းရင်းမြစ်များ

2Mgh 25:28

Ka gwaɗ Ivilʼmərudah ta gwaɗa zɗaku nda Yəhuyakiŋ, ka vlaŋtá tsi ta glaku, ka malaghutá ŋa sanlaha ma mghamha kawadaga nda tsi ŋaghu lu ma Babila.

Danyel 11:12

Manda zuta lu ta tsa ghuɓa gwal vulu nda ga mazlay ya, dzaʼa ghərɓay mgham nda ga maghura ta ghərɓaku. Dzaʼa rwana rwa ta dəmbuʼata mnduha, kulam nda tsa, haɗ tsa mbrakwa ni ya dzaʼa nzəɗavata wa.

Danyel 11:16

Tsa mgham nda ga mazlay ya, ta gavadaghatá tsi, skwi ya kumaŋ tsi dzaʼa tsi magay, haɗ mndu dzaʼa ŋaŋta da tsi guli wa. Dzaʼa nza nza ta haɗik ya ta ɗinuta. Ma dzva ni mbrakwa zaɗanatá inda skwi.

Danyel 11:3

Dzaʼa sab sa sana mgham nda sna ta vulu. Dzaʼa mutsay ta glaku katakata, dzaʼa magay ta skwi ya kumaŋ tsi.

Danyel 11:36

Dzaʼa magay mgham ta skwi manda ya kumaŋ tsi. Dzaʼa fərtu fərta ghərɓakwa ni. Mal iʼi ka inda lazglaftaha kəʼa ta gray. Dzaʼa mnay ni ta skwi ya kul raku ka mnay ta Lazglafta ta hemanata lazglaftaha. Dzaʼa zay ta ghwa ha ka sagha maravata fitika gufata ŋuɗufa Lazglafta. Mantsa tama, ŋa magay Lazglafta ta skwi manda ya kura tsi ta magay.

Danyel 3:29

Ndana tama, wya ka iʼi ta mnata skwi ŋa magay, ŋa inda mndəra mnduha ta inda haɗikha ta gwaɗa kavghakavgha. “Dər wati ma mndu tsi dzaʼa vzaftá rutsak ta Lazglafta i Sadrak, nda Mesak, nda Ghaveɗnegu ya, dzaʼa ɗatsanap ɗatsa lu ta tsa mndu ya. Dzaʼa nuna həga tsa mndu ya ka maghdzək, kabga haɗ sana lazglafta dzaʼa laviŋta mbanaftá mndu manda va nana wu,” » kaʼa.

Danyel 3:4

Ka gugɗatá mali ta ghəŋa tsa skalu ya nda lwi dagala, kaʼa mantsa: « Ariwa inda mnduha, mndəra mndu ta gwaɗaha kavghakavgha. Ka fata kuni ta sləməŋ ŋa sna gwaɗa dzaʼa mnaghunata lu ŋa magay ghuni:

Danyel 3:6

Ka dər wati ma mndu dzaʼa kwalaghutá zləmbata ka tsəlɓu ŋa ni ya, gi dzaʼa klaf kla lu hada hada ta tsa mndu ya ka vzamta da həga vu ghandand, » kaʼa.

Danyel 4:17

Nda ngha kagha ta tsa fu ta glafta dagala, nda mbra ta zaghu za da ghuvaŋataluwa luwa ya, nda ngha inda mnduha ta ghəŋa haɗik tender guli.

Danyel 4:19

Mantsa nzakwa ni, tsa fu ya ná, kagha ya rvera ɗa. Glaf gla ka, ka nzatá ka nda mbra, ka zaghutá glakwa gha da ghuvaŋataluwa. Ka zaghutá mbrakwa ga mghama gha ta slrəŋa luwa guli.

Danyel 4:22

Dzaʼa ghəzlighis ghəzla lu mataba mnduha, ŋa dzaʼa gha nzata mataba nimtak ma vwah. Dzaʼa zay ka ta kuzuŋ manda slaha. Dzaʼa nzaga nza wuninik ta luwa ta kagha. Ŋa nzakwa gha mantsa ka vaku ndəfáŋ ha ka snaŋta gha kazlay Lazglafta Dagala ta nzanaghatá inda ga mgham ta gə mnda səla kəʼa. Ta vlay guli ta ga mgham ŋa mndu ya kumaŋ tsi.

Yuhwana 19:11

« Haɗ sana skwi laviŋ ka ta ghəŋa iʼi, ka ya vlagha Lazglafta a tsi wa. Tsaya kəl dmakwa tsa mndu ta vlatá iʼi ma dzva gha ya, ka malaghutá ŋa gha dmaku, » ka Yesu nda tsi.

La Ruma 13:1

Ka haniŋhana inda mndu ta ghəŋ mista ŋumna, kabga inda mndu ta ga mgham ná, Lazglafta ta vlaŋtá həŋ, Lazglafta ta fata ŋumna.

Suna Yuhwana 5:9

Ka fə həŋ ta lfiɗa laha. Ka həŋ mantsa: « Nda ra ka ka klafta na defteri na, ka ɓlanaptá ŋizlaha ni, kabga si dza dza lu ta kagha, ka varanaktá ka ta Lazglafta nda usa gha ta inda mndəra mndu ma inda mndəra gwaɗa ta gwaɗ lu, nda inda mnduha, nda inda zivira mnduha.