Danyel 5:16 - Hdi

¹⁶ Ka snaŋtá yu ta gwaɗa ta kagha. Laviŋ lava kagha ta snaŋtá klatá ghəŋa skwi. Ta tsalay kagha ta skwiha ya nda bla, ka lu. Ndanana, ka laviŋ lava ka ta dzaŋiɗiftá na vindi na, ka mnihatá klatá ghəŋa ni katsi, dzaʼa suɗavagha suɗa yu ta lguta mamgham mgham, dzaʼa suɗagham suɗa yu guli ta ziɗa dasu ma lwi, dzaʼa vlagha vla yu ta mahkəna vla nzaku guli, » kaʼa.

Danyel 5:16 ပူးပေါင်းရင်းမြစ်များ

Zlrafta 40:8

« Suni ta faŋnaghata his his, tsaw haɗ mndu ŋa paslaŋnapta wu, » ka həŋ. Ka Yusufu nda həŋ mantsa: « Lazglafta a dzaʼa paslay ra? Rusaɗifwa rusa ta tsa suna ghuni ya, » kaʼa.

Zlrafta 41:15

Ka tsatsi nda Yusufu mantsa: « Mamu suni ta faɗighata, sew haɗ mndu ŋa pasliɗipta wu, ka snaŋtá yu kazlay na ka rusaghaf rusa lu ta suni ná, ta paslay kagha ka həŋ, » kaʼa.

Zlrafta 41:42

Ka klatá Firʼawna ta halagar ta dzva ni, ka fanafta ta dzvu ta Yusufu, ka suɗanavatá liŋ kulefeɗ, hbanamha ta miziɗikwa dasu ma lwi.

Danyel 2:48

Tahula tsa, ka ŋlanaftá mgham ta Danyel. Ka mbəhatá tsi nda skwiha dagala dagala, ta ɗinuta katakata. Ka fatá tsi ka guvna ta ghəŋa inda haɗika Babila. Faha ka mali ta ghəŋa inda gwal nda ɗifil ma ghəŋa taŋ ma Babila guli.

Danyel 2:6

Ama ka mniɗiŋ mna kuni ta tsa suna ɗa ya, nda klatá ghəŋa ni tani katsi, dzaʼa mbəhaghuna mbəha yu katakata, dzaʼa vlaghuna vla yu ta sgit dagala. Mantsa tama, mniɗiŋwa mna ta tsa suna ɗa ya, mniha kuni guli ta klatá ghəŋa ni, » kaʼa.

Danyel 5:29

Gi ka Belsatsar mantsa: « Suɗanavawa suɗa ta Danyel ta lguta mamgham mgham, suɗanam kuni ta ziɗa dasu ma lwi. Lawa da mnay kazlay na dzaʼa nzakway Danyel ta mahkəna vla nzaku kəʼa guli, » kaʼa.

Danyel 5:7

Ka gwaɗatá mgham nda lwi dagala dagala: « Hagigiɗaghawa gwal dzugwa zlazləra, nda ɗəghaha, nda gwal tsatsa skwi ya, » kaʼa. Ka mgham nda tsa gwal nda ɗifil ma ghəŋa taŋ ma Babila ya mantsa: « Mndu ya ta laviŋta dzaŋaftá na skwi vindaf lu na, mnihaha ta klatá ghəŋa ni, dzaʼa suɗanava suɗa yu ta lguta mamgham mgham, dzaʼa suɗanam suɗa yu guli ta ziɗa dasu ma lwi. Dzaʼa nzakway guli ka mahkəna vla nzaku ma na ga mgham na, » kaʼa.

Danyel 6:2

Ka Daryaves mantsa: « Ɗina ka pghata ɗa ta guvnaha dərmək nda hisambsak (120) ta ghəŋa ga mghama ɗa, ŋa paghata ma inda vla ga mghama ɗa, » kaʼa.

Slna gwal ghunay 8:18

Na nghay Simuŋ ta tsa vla Sulkum nda ghuɓa ŋa mnduha ma fanaghata gwal ghunay ta dzvu ta həŋ ya, ka klaftá tsi ta tsedi ka vlay ŋa taŋ.