Danyel 5:14 - Hdi

¹⁴ Sniɗigha sna gwaɗa ta kagha. Mamu sulkuma lazglaftaha ma kagha ka lu. Ta tsalay ka ta gwaɗa, mamu mahizl nda ɗifil katakata da kagha, ka lu.

Danyel 5:14 ပူးပေါင်းရင်းမြစ်များ

Zlrafta 41:15

Ka tsatsi nda Yusufu mantsa: « Mamu suni ta faɗighata, sew haɗ mndu ŋa pasliɗipta wu, ka snaŋtá yu kazlay na ka rusaghaf rusa lu ta suni ná, ta paslay kagha ka həŋ, » kaʼa.

Zlrafta 41:38

Ka Firʼawna nda kwalvaha ni mantsa: « Nana mndu na ná, nda ndəgha nda Sulkuma Lazglafta, dzaʼa mutsəglaf mutsa mu ta mndu manda tsatsi ra? » kaʼa.

Danyel 2:22

Tsatsi ta marigiŋtá skwiha nda la, nda skwiha ya nda ɗifa tani. Nda sna tsatsi ta skwiha nda ɗifa ma grum, mamu tsuwaɗak ta wanaftá tsatsi.

Danyel 4:8

Ka glaftá tsa fu ya, ka mbrafta, ka zaghutá tsi da ghuvaŋataluwa, nda ngha mnduha ta ghəŋa haɗik tender.

Danyel 5:13

Ka klaktá lu ta Danyel ta kəma mgham. Ka mgham nda Danyel mantsa: « Kagha tsa Danyel sana zwaŋ mataba la Yahuda kasaf lu, ka hlagaghutá da ɗa ta həŋ ma Yahuda ya ra?

Danyel 5:15

Kɗakwa lu tsa ta hlagaghatá gwal nda ɗifil ma ghəŋa taŋ katakata, nda ɗəghaha tani ta kəma ɗa, má ŋa dzaŋiɗiftá na vindi na, ka pasliɗipta klatá ghəŋa ni. Ama ka traptá həŋ.

Danyel 6:3

Ta ghəŋa taŋ, ka pghatá tsi ta maliha hkən, tekw Danyel mataba taŋ. Tsa guvnaha dzaʼa kla lwa skwi dzaʼa dzrafta ŋa tsa maliha ya, kada kwala ghwaɗaka skwi ta slanaghatá mgham.