Danyel 4:34 - Hdi

³⁴ Ndana tama, iʼi Nevuhadnetsar ná, ta fa laha yu ka zləzləva mgham dagala ta luwa. Inda skwi ta mag tsi ná, kahwathwata ni nzakwa ni. Tɗukwa tɗukwa inda slna ta mag tsi guli. Mamu nda mbrakwa vraganatá gwal ta gla ghəŋ, » kaʼa.

Danyel 4:34 ပူးပေါင်းရင်းမြစ်များ

2Sam 22:31

Tviha Lazglafta ná, tɗukwa həŋ, gwaɗa ta mnata Yawe ná, nda ra. Nda nza ka zalama inda gwal ta ɗifa da tsi.

1Rus 29:10

Ka rfanaghatá Dawuda ta Yawe ta kəma inda guyatá ghəŋ, kaʼa mantsa: « Rfu ŋa gha daga manda ghalya ha ŋa ɗekɗek, Yawe, Lazglafta Israʼila, dzidza ŋni!

1Rus 29:13

Ndanana, Lazglafta ŋni, ta rfaghagha rfa ŋni, ta zləzləvay ŋni ta hga gha ka sgit dzeʼdzeʼ.

Danyel 12:7

Ka kapaftá tsa mndu ta suɗavatá lguta liŋ ta sladu nda ta ghəŋa zala ya ta dzvuha ni nda ta luwa, ka snaŋta yu ta mnata ni: « Ta waɗa waɗa yu nda hga Lazglafta ta nzakw ŋa kɗekedzeŋ. Tsa skwiha dzaʼa magaku ya ná, dzaʼa nzəɗava nzəɗa ka vaku hkən nda maŋəzlawats. Inda tsa skwiha ya ná, baɗ kɗatá mbrakwa mnduha nda ghuɓa ɗekɗek, dzaʼa hɗamta həŋ, » kaʼa.

Danyel 2:44

Ma tsa fitik dzaʼa gə tsa mghamha ya ta mghama taŋ ya, dzaʼa fafta Lazglafta ta luwa ta ga mgham ya dzaʼa kwal kul zaɗavata ɗekɗek. Haɗ tsa ga mgham ya dzaʼa walaŋta laghu nzakway mista sana mndəra mndu wa. Dzaʼa huʼanap huʼa ta inda tsa ga mghamha ya, ŋa zaɗanata ni ta həŋ. Ama tsatsi, dzaʼa gɗava gɗa ŋa kɗekedzeŋ.

Danyel 4:2

Ma sana rviɗik tama, ta hanuta hana ɗa yu ta ghəzləŋa ɗa, ka faɗighata sana suni ta vlihatá zləŋ. Tsa skwi nghaŋ yu ya ná, kɓiɗif kɓa katakata.

Danyel 4:26

Tahula luta tili ghwaŋpəɗ his, ta dawarakwa ni mgham ta dədəmatá ghəŋa həga ga mghama ni ma Babila,

Danyel 4:3

Mantsa tama, “hagigiɗaghawa haga ta inda gwal nda ɗifil ma ghəŋa taŋ ma Babila, ŋa mnihata taŋ ta klatá ghəŋa tsa suna ɗa ya,” ka yu mnata.

Danyel 4:32

Haɗ ghəzliwa mnduha ta haɗik ta kəma ni wa. Manda skwi ya ndanaŋ tsi ta maga tsi nda bakwa gwal vulu ta luwa, nda mnduha ta haɗik tani. Haɗ mndu dzaʼa huzliŋtá dzva ni wu, dər ŋa mnanata kazlay nahgani na ta mag ka na? kəʼa nda tsi wa.

Danyel 5:18

Ari rvera ɗa, vlaŋ vla Lazglafta Dagala ta ga mgham, nda glaku, nda sgit, nda mbraku ta da gha Nevuhadnetsar.

Danyel 5:21

Ka ghəzlaptá lu mataba mnduha, ka nutá ndana ni manda ŋa nimtak. Kawadaga nda kəɗihha ma mtak kəʼa ta nzaku. Ka zə tsi ta kuzuŋ manda ŋa slaha. Ka nzaku wuninik tida, ha ka snaŋta ni kazlay Lazglafta Dagala ta nzanaghatá ga mgham ta gə mnda səla kəʼa. Ta vlaŋ vla ta ga mgham guli ta mndu ya kumaŋ tsi.

Danyel 6:26

Tahula tsa, ka vindaftá Daryaves ta ɗelewer ka tsaghanaftá inda mndəra mnduha ta inda haɗikha ta gwaɗaha kavghakavgha ta ghəŋa haɗik tender. Kaʼa mantsa: « Ka nza zɗaku katakata ta ghəŋa kaghuni!

Danyel 7:14

Ka vlaŋtá lu ta mbraku, nda sgit, nda ga mgham. Ka lagha inda mnduha ma mndəra mnduha, ta inda haɗikha ta gwaɗa inda gwaɗaha kavghakavgha, da tsəlɓanatá tsəlɓu. Tsa ga mghama ni ya ná, ga mgham ya ta gɗavata ŋa ɗekɗek ya, haɗ ta a kɗavakta ni guli wa, haɗ lu dzaʼa walaŋta zaɗanatá ga mghama ni wa. »

Danyel 7:27

ŋa nzakwa ga mgham, nda mbraku, nda glakwa inda ga mghamha ta ghəŋa haɗik, ka ŋa mnduha nda ghuɓa ka ŋa Lazglafta Dagala. Dzaʼa gɗava gɗa ga mghama tsa mndəra mndu ya ŋa ɗekɗek. Dzaʼa snay inda ga mgham ta gwaɗa da tsi, ka maganatá slna.”

Danyel 9:14

Tsaya tama kəl Yawe ka pghaŋnaghatá tsa zləmnda payaf tsi ya. Kagha Yawe, Lazglafta ŋni ná, tɗukwa kagha ma inda skwi ta mag ka, ama aŋni, ka kwalaghutá aŋni ta faghatá sləməŋ.

Yunusa 1:14

Ka wahu həŋ ta wahu da Yawe, ka həŋ mantsa: « Ari Yawe! Ma zaɗaŋna ka ta ghəŋa dabga na mndu na, kdəkkdək! Ma masaŋnam ka ma dzvu ta usa mndu kul haɗ dmakwa ni, kabga kagha Yawe ná, maga maga ka ta skwi manda ya ta zɗəgaghata, » ka həŋ.

Lukwa 1:33

Dzaʼa gay ta mgham ta ghəŋa la Israʼila ŋa kɗekedzeŋ, kɗavakta a tsa ga mghama ni ya wu, » kaʼa.

Lukwa 18:13

Na tsa mnda tska dzumna ya kay ka nzagaghata kətsaʼu, walaŋ a ta kapaŋtá ghəŋ nda ta luwa wa. Mbaɗa kəʼa ka wuslikay dzvu, ka dza ghuva. Kaʼa mantsa: “Ari Lazglafta, tawa ta hiɗahiɗa ta iʼi ta nzakway ka mnda dmaku na,” kaʼa.

Yuhwana 5:26

Manda ɗaslakwa hafu ta nzaku ma Da ya, manda tsaya vlaŋta tsi ta zwaŋ ŋa mutsakwa hafu ma tsatsi guli.

Vrafta ta zlahu 32:4

Tsatsi ná, kutumba ya, nda tva ni ta maga tsi ta inda skwi, kahwathwata tɗukwa inda tva ni. Tsatsi ná, vərɗa Lazglafta ya, haɗ ta tərɗanata skwi wu, ŋərma ya, tɗukwa tsatsi.

1Tim 1:17

Ka nza sgit nda glaku ŋa ɗekɗek ŋa Mgham kul haɗ ta mtavata, kul haɗ ta nghavata, tsatsi turtuktuk Lazglafta ŋa kɗekedzeŋ. *Amin!

1Tim 6:16

Tsatsi turtukwa ni kul haɗ ta mtavata, ta nzaku ma tsuwaɗak kul laviŋtá mndu ta ɓhanavata. Haɗ mndu ta kəɗ nghaŋta wa. Haɗ mndu dzaʼa laviŋtá nghaŋta guli wa. Ŋa ni glaku, nda mbraku, ŋa kɗekedzeŋ. Amin!

Suna Yuhwana 10:6

Ka waɗata tsi nda hga Lazglafta ta nzaku ŋa kɗekedzeŋ, ta zlaganaptá luwa nda inda skwiha tida tani, ta zlaganaptá haɗik nda inda skwiha tida tani, ta zlaganaptá drəf nda inda skwiha mida tani ya. Kaʼa mantsa: « Ta haɗ gɗglata ta gərɗaku wu,

Suna Yuhwana 11:15

Ka vyata mandəfáŋa duhwala Lazglafta ta ŋa ni ma duli. Ka snaku sana lwiha dagala dagala daga ta luwa. Ka həŋ mantsa: « Mgham Lazglafta ŋni nda Kristani ta ga mgham ta ghəŋa haɗik ndana. Tsatsi dzaʼa ga Mgham ŋa kɗekedzeŋ, » ka həŋ.

Suna Yuhwana 4:10

ta zlambatá tsa galata mnduha hisambsak fwaɗ mida ya ta kəma Lazglafta ta nzaku ta dughurukwa ga mgham. Ta tsəlɓu həŋ ta tsəlɓu ta kəma Lazglafta ya nda hafu ŋa kɗekedzeŋ ya, ta hlapta həŋ ta tsa zewazewaha ma ghəŋa taŋ ya ka pghata ta kəma tsa dughurukwa ga mgham ya. Ka həŋ mantsa:

Suna Yuhwana 4:9

Ta vlə tsa skwiha fwaɗ nda hafu mida ya ta glaku nda zləzlvu, ka rfa Lazglafta ta nzaku nda hafu ŋa kɗekedzeŋ, ta nzaku ta dughurukwa ga mgham ya,