Danyel 4:31 - Hdi

³¹ Tahula luta tsa vaku ndəfáŋ ya tama, ka Nevuhadnetsar mantsa: « Ka kapaŋtá yu ta ghəŋ ka nghadafta nda ta luwa, ka vrəglaktá mahizl da ghəŋa ɗa. Ka rfu yu ta Lazglafta Dagala. Ka fə yu ta laha, ka va zləzləvay. Ka ghubu yu ta Lazglafta ŋa kɗekedzeŋ: Dzaʼa gay ta mghama ni ta inda zamanaha, mbrakwa ni guli ná, dzaʼa nza nza ŋa inda zamanaha.

Danyel 4:31 ပူးပေါင်းရင်းမြစ်များ

Zlrafta 14:18

Ka sab Melkisedek mghama Salem, mnda dra skwi ŋa Lazglafta Dagala, ka klaktá tsi ta buradi nda ima inabi.

Danyel 12:7

Ka kapaftá tsa mndu ta suɗavatá lguta liŋ ta sladu nda ta ghəŋa zala ya ta dzvuha ni nda ta luwa, ka snaŋta yu ta mnata ni: « Ta waɗa waɗa yu nda hga Lazglafta ta nzakw ŋa kɗekedzeŋ. Tsa skwiha dzaʼa magaku ya ná, dzaʼa nzəɗava nzəɗa ka vaku hkən nda maŋəzlawats. Inda tsa skwiha ya ná, baɗ kɗatá mbrakwa mnduha nda ghuɓa ɗekɗek, dzaʼa hɗamta həŋ, » kaʼa.

Danyel 4:24

Tsaya tama, kdəkkdək rvera ɗa, zlghaf zlgha ta na hiɗaku ta vlaghata yu na: Zlanava zla ta ga dmakuha ta gə ka, ka maga ka ta skwi tɗukwa. Zlana ka ta ga krughuvi, ka tawa ka ta hiɗahiɗa ta pɗuha. Ma tsa magay gha mantsa ya, kawayaka skwi dzaʼa sgavagha sga nzakwa gha nda rfu, » kaʼa.

Danyel 4:26

Tahula luta tili ghwaŋpəɗ his, ta dawarakwa ni mgham ta dədəmatá ghəŋa həga ga mghama ni ma Babila,

Danyel 4:30

Gi ma va tsa fitik ya, ka hɗaftá tsa gwaɗa ya ta Nevuhadnetsar. Ka ghəzliŋtá lu mataba mnduha, ka laghu tsi za kuzuŋ manda ŋa slaha. Ka nzaku wuninik tida. Ka nutá swida ni manda zləghəŋa dzala. Ka nutá ɗahəŋha ni guli ɓiyaŋ ɓiyaŋ manda ŋa zarakha.

Danyel 4:32

Haɗ ghəzliwa mnduha ta haɗik ta kəma ni wa. Manda skwi ya ndanaŋ tsi ta maga tsi nda bakwa gwal vulu ta luwa, nda mnduha ta haɗik tani. Haɗ mndu dzaʼa huzliŋtá dzva ni wu, dər ŋa mnanata kazlay nahgani na ta mag ka na? kəʼa nda tsi wa.

Danyel 4:34

Ndana tama, iʼi Nevuhadnetsar ná, ta fa laha yu ka zləzləva mgham dagala ta luwa. Inda skwi ta mag tsi ná, kahwathwata ni nzakwa ni. Tɗukwa tɗukwa inda slna ta mag tsi guli. Mamu nda mbrakwa vraganatá gwal ta gla ghəŋ, » kaʼa.

Danyel 5:20

Ama ka nutá tsi ka mndu ta gla ghəŋ. Ka təŋanaftá tsa gla ghəŋa ni ya ta ŋuɗufa ni, ka sliŋwigiŋtá lu ta dughurukwa ga mghama ni, ka kliŋtá sgita ni.

Danyel 5:28

PARSIŊ ya guli ná, dgavap dga ga mghama gha, ka vlaŋtá lu ta la Mediya nda la Persiya, » kaʼa.

Danyel 6:27

Wya zlahu ta mnata yu: Ma inda vli ta gə yu ta mgham ta ghəŋa ni, inda mndu, ka zləŋa tsi ta Lazglafta Danyel, ka vla tsi guli ta glaku ŋa ni. Tsatsi Lazglafta nda hafu mida, ŋa kɗekedzeŋ nzatá nzakwa tsatsi. Haɗ ga mghama ni ta ɓadzaku wu, haɗ kɗavakta mbrakwa ni wa.

Mata 3:17

« Nana na zwaŋa ɗa ya ɗvu yu, ya ta zɗəgihata katakata, » ka sana lwi snagata daga ta luwa.

Lukwa 12:20

“Rghargha vgha na, kuɗaŋ hafa gha ta na rviɗik gita u na, ŋa wa inda na skwiha papayaf ka na tama?” » ka Lazglafta nda tsi.

Yuhwana 12:28

Da! Maraŋ mara ta glakwa gha, » kaʼa. « Ghada ghada yu ta maraŋtá glakwa ɗa, dzaʼa kɗay yu ta maray guli, » ka lwi gwaɗagata daga ta luwa.

1Tes 5:3

Ma fitika mnay mnduha kazlay: Zɗa nzaku, ta haɗ hwazlaɓaku wu kəʼa ya, gi ma tsaya dzaʼa slakwa ɓadzaku, manda va ya ta sagha fitika dgakwa marakw nda huɗi dluk ya. Haɗ həŋ dzaʼa ndapta mida wa.

Suna Yuhwana 16:7

Ka sana duhwala Lazglafta ma gwir ta snə yu mantsa: « Mantsa ya nzakwa ni Mgham Lazglafta ya ta mbranaghata inda skwi. Ta tsay ka ta guma kahwathwata nda tva ni, » kaʼa.

1Sam 13:14

Ama ndanana, haɗ ga mghama gha dzaʼa gɗavata wu. Zbaf zba Yawe ta mndu taɓta ya ta kum ŋuɗufa ni, ka fatá tsi ŋa nzakway ka mali ta ghəŋa mnduha ni. Dzaʼa magaku mantsa, kabga maga a ka ta skwi mnaghaf Yawe wu, » kaʼa.

1Sam 15:23

Mantsa nzakwa ni, ka gragra kwal kul sna gwaɗa nda dmakwa gwal vza mandaŋ. Ga sidi guli ná, ka gragra nda dmakwa gwal wuya skwi. Manda vziŋta kagha ta snatá gwaɗa Yawe ya, vziŋ vza tsatsi guli ta nzakwa gha ka mgham, » kaʼa.