Danyel 4:22 - Hdi

²² Dzaʼa ghəzlighis ghəzla lu mataba mnduha, ŋa dzaʼa gha nzata mataba nimtak ma vwah. Dzaʼa zay ka ta kuzuŋ manda slaha. Dzaʼa nzaga nza wuninik ta luwa ta kagha. Ŋa nzakwa gha mantsa ka vaku ndəfáŋ ha ka snaŋta gha kazlay Lazglafta Dagala ta nzanaghatá inda ga mgham ta gə mnda səla kəʼa. Ta vlay guli ta ga mgham ŋa mndu ya kumaŋ tsi.

Danyel 4:22 ပူးပေါင်းရင်းမြစ်များ

Zlrafta 11:4

« Mbaɗma ka bafta mu ta luwa mu, nda mghama həga ŋa dzaʼa tsukwa luwa, kada kulta lu ta amu, yaha mu da wutsatá vgha ta ghəŋa haɗik, » ka həŋ.

Zlrafta 28:12

Ka fanaghata suni. Ka nghaŋtá tsi ta madzəɓara daga ta haɗik dikw ka lafi da ksaŋtá luwa. Ka nghaŋtá tsi ta duhwalha Lazglafta ta laf ya laha, ta saha ya laha tida.

2Sam 12:7

Ka mnanaŋtá Nataŋ ta Dawuda, kaʼa mantsa: « Kagha tsa mndu ya! Wya ka Yawe, Lazglafta la Israʼila: “Iʼi ta zbaptá kagha nda ma pghaghaghatá rɗi ŋa nzakwa gha ka mghama la Israʼila, ka kataptá yu ta kagha ma dzva Sawulu.

2Rus 28:9

Mamu sana anaba Yawe hada, Ghudet hga ni. Ka lab tsi da gmaku nda gwal vula la Israʼila ta vragapta ma Samari, kaʼa nda həŋ mantsa: « Nghawa ɓa ta gufatá ŋuɗufa Yawe, Lazglafta dzidzíha ghuni ta ghəŋa la Yuda, ka vlaghunatá tsi ta həŋ ma dzva ghuni. Ka pslatá kuni ta həŋ nda gatá sidi ta ɓhaghata ha ta luwa.

Danyel 2:21

Tsatsi ta mbəɗanaftá fitika skwi, nda skwi ta magaku tani. Tsatsi ta klagiŋtá mghamha ta pala, tsatsi ta faftá həŋ guli. Tsatsi ta vla ɗifil ŋa gwal nda ɗifil, nda snaŋtá skwi ŋa gwal nda mahizl ma ghəŋa taŋ guli.

Danyel 4:11

Ka gugɗatá tsi nda lwi dagala, kaʼa mantsa: Ghudiŋwa ghuda ta tsa fu ya, ka ɗatsiŋta kuni ta zligamaha ni, sləhiŋ kuni ta sluhwaha ni, wutsiŋ kuni ta yakwa ni. Ka gazlata tsa nimtakha ta nzaku mista ni ya, nda tsa ɗyakha ta nzaku ta zligamaha ni ya.

Danyel 4:21

« Wya klatá ghəŋa tsa suna gha ya a rvera ɗa. Wya gwaɗa kura Lazglafta Dagala nda mghama ɗa, rvera ɗa:

Danyel 4:29

Dzaʼa ghəzlighis ghəzla lu mataba mnduha, ŋa nzata gha mataba nimtak ma vwah. Kuzuŋ dzaʼa ka zay manda slaha. Vaku ndəfáŋ dzaʼa nzata ka mantsa ha ŋa snaŋta gha kazlay Lazglafta Dagala ta nzanaghatá ga mgham ta gə mnda səla kəʼa. Tsatsi guli ta vla ga mgham ŋa mndu ya kumaŋ tsi, » kaʼa.

Mata 14:4

kabga ka Yuhwana nda Hiridus na: « Raʼa ka klafta gha ka markwa ghuni wu, » kaʼa.

Suna Yuhwana 18:5

Sliʼapwa sliʼa, kabga fərtu fərta ndikata tsa dmakwa ni ya dikw ta luwa. Zanap a Lazglafta ta tsa ghwaɗaka slna ni ya wa.