Danyel 4:2 - Hdi

² Ma sana rviɗik tama, ta hanuta hana ɗa yu ta ghəzləŋa ɗa, ka faɗighata sana suni ta vlihatá zləŋ. Tsa skwi nghaŋ yu ya ná, kɓiɗif kɓa katakata.

Danyel 4:2 ပူးပေါင်းရင်းမြစ်များ

Danyel 2:1

Ta mahisa vakwa Nevuhadnetsar ta pala, ka fanaghatá suniha. Ka kɓanaftá tsi, ka sulanaftá iri.

Danyel 3:26

Ka lagha Nevuhadnetsar ta wa tgha tsa həga vu ghandand ya. Kaʼa nda lwi dagala nda i Sadrak, nda Mesak, nda Ghaveɗnegu mantsa: « Kwalvaha Lazglafta Dagala, sabwa sa, saghuwa sa! » kaʼa. Ka sab i Sadrak, nda Mesak, nda Ghaveɗnegu ma tsa vu ya.

Danyel 4:17

Nda ngha kagha ta tsa fu ta glafta dagala, nda mbra ta zaghu za da ghuvaŋataluwa luwa ya, nda ngha inda mnduha ta ghəŋa haɗik tender guli.

Danyel 4:24

Tsaya tama, kdəkkdək rvera ɗa, zlghaf zlgha ta na hiɗaku ta vlaghata yu na: Zlanava zla ta ga dmakuha ta gə ka, ka maga ka ta skwi tɗukwa. Zlana ka ta ga krughuvi, ka tawa ka ta hiɗahiɗa ta pɗuha. Ma tsa magay gha mantsa ya, kawayaka skwi dzaʼa sgavagha sga nzakwa gha nda rfu, » kaʼa.

Danyel 4:25

Ka slanaghatá inda tsa skwiha ya ta mgham Nevuhadnetsar.

Danyel 4:34

Ndana tama, iʼi Nevuhadnetsar ná, ta fa laha yu ka zləzləva mgham dagala ta luwa. Inda skwi ta mag tsi ná, kahwathwata ni nzakwa ni. Tɗukwa tɗukwa inda slna ta mag tsi guli. Mamu nda mbrakwa vraganatá gwal ta gla ghəŋ, » kaʼa.

Danyel 5:18

Ari rvera ɗa, vlaŋ vla Lazglafta Dagala ta ga mgham, nda glaku, nda sgit, nda mbraku ta da gha Nevuhadnetsar.

Danyel 6:27

Wya zlahu ta mnata yu: Ma inda vli ta gə yu ta mgham ta ghəŋa ni, inda mndu, ka zləŋa tsi ta Lazglafta Danyel, ka vla tsi guli ta glaku ŋa ni. Tsatsi Lazglafta nda hafu mida, ŋa kɗekedzeŋ nzatá nzakwa tsatsi. Haɗ ga mghama ni ta ɓadzaku wu, haɗ kɗavakta mbrakwa ni wa.

Danyel 7:25

Dzaʼa brufay ni ta ŋasli ta Lazglafta Dagala, ŋa ghuyay ni ta ɗaŋwa ŋa mnduha nda ghuɓa ka ŋa Lazglafta. Dzaʼa zbay ta tva mbəɗanaftá fitika skaluha rfu, nda zlahuha mnduha Lazglafta, ŋa gay ni ta mgham ta ghəŋa taŋ ka vaku hkən nda maŋəzlawats.

Yuhwana 4:48

Ka Yesu nda tsi mantsa: « Ka ta ngha a kaghuni ta mazəmzəm nda skwa ndərmimay wu ná, zlgha a kaghuni kay tama wa! » kaʼa.

Yəhusuwa 7:19

Ka Yəhusuwa nda Ghahaŋ mantsa: « Sagəŋ, vlaŋ vla ta glaku ta Yawe, Lazglafta la Israʼila, ka mnihata ka ta kahwathwata. Mniha mna ta skwi ya maga ka, ma ɗifiha ka, » kaʼa.