Danyel 4:15 - Hdi

¹⁵ Tsaya na suni ta fiɗaghatá iʼi mgham Nevuhadnetsar. Mniha mna ta klatá ghəŋa ni a Beltəsaʼtsar, kabga trap tra inda gwal nda ɗifil ma ghəŋa taŋ ma ga mghama ɗa ta mniɗiŋta. Dzaʼa laviŋ lava kagha, kabga mamu sulkuma lazglaftaha nda ghuɓa ma kagha, » kaʼa.

Danyel 4:15 ပူးပေါင်းရင်းမြစ်များ

Danyel 4:23

Ŋa kɗiŋta tama, wya klatá ghəŋa tsa skwi mnə lu kazlay ka zlanata kuni ta dughwaŋa tsa fu ya nda slrəŋha ni tani kəʼa ya: Ta dzaʼa vraf vra ka ta ga mghama gha, baɗ da gi snaŋta gha kazlay Mnda Luwa ta nzanaghatá inda skwi kəʼa.

Danyel 4:5

Tahula tsa, ka lam Danyel ta hgə lu ka Beltəsaʼtsar manda hga lazglafta ɗa ya guli da sliɗaghata. Mamu sulkuma lazglaftaha nda ghuɓa ma tsatsi. Ka rusanaftá yu ta tsa suna ɗa ya kazlay na:

Danyel 4:6

“Beltəsaʼtsar mali ta ghəŋa gwal vza mandaŋ, nda sna yu kazlay na mamu sulkuma lazglaftaha nda ghuɓa ma kagha kəʼa. Haɗ sana skwi nda ɗifa ta traghaghata wa. Mniha mna ta klatá ghəŋa tsa skwiha nghaŋ yu ma suni ya,” ka yu.