Danyel 4:14 - Hdi

¹⁴ Tsa skwi kura lu ya ná, gwal ta nghapta ta wa lilwa ta klagatá lwa ni. Tsa skwi hbaf lu ya guli ná, gwal nda ghuɓa ta mnafta, ŋa snaŋta inda skwi nda hafu mida kazlay Lazglafta Dagala ta nzanaghatá inda ga mgham ta gə mnda səla kəʼa. Tsatsi ta vla ga mgham ŋa mndu ya ta kum tsi, tsatsi ta ŋlanaftá mndu ya kul haɗ ghəzliwa ni.

Danyel 4:14 ပူးပေါင်းရင်းမြစ်များ

Danyel 2:21

Tsatsi ta mbəɗanaftá fitika skwi, nda skwi ta magaku tani. Tsatsi ta klagiŋtá mghamha ta pala, tsatsi ta faftá həŋ guli. Tsatsi ta vla ɗifil ŋa gwal nda ɗifil, nda snaŋtá skwi ŋa gwal nda mahizl ma ghəŋa taŋ guli.

Danyel 3:4

Ka gugɗatá mali ta ghəŋa tsa skalu ya nda lwi dagala, kaʼa mantsa: « Ariwa inda mnduha, mndəra mndu ta gwaɗaha kavghakavgha. Ka fata kuni ta sləməŋ ŋa sna gwaɗa dzaʼa mnaghunata lu ŋa magay ghuni:

Danyel 4:12

Nziya nza tsi ná, ka zlanata kuni ta dughwaŋa ni, nda slərəŋha ni tani ma kuzuŋ ma vwah. Ka dzərɗanata kuni nda ziɗa kfur nda ya ka ghuva tili ya. Ka nzakwa wuninik ta saha ta luwa tida. Ka za tsi ta kuzuŋ ŋa skwa zay ni manda nimtak.

Danyel 4:23

Ŋa kɗiŋta tama, wya klatá ghəŋa tsa skwi mnə lu kazlay ka zlanata kuni ta dughwaŋa tsa fu ya nda slrəŋha ni tani kəʼa ya: Ta dzaʼa vraf vra ka ta ga mghama gha, baɗ da gi snaŋta gha kazlay Mnda Luwa ta nzanaghatá inda skwi kəʼa.

Danyel 4:29

Dzaʼa ghəzlighis ghəzla lu mataba mnduha, ŋa nzata gha mataba nimtak ma vwah. Kuzuŋ dzaʼa ka zay manda slaha. Vaku ndəfáŋ dzaʼa nzata ka mantsa ha ŋa snaŋta gha kazlay Lazglafta Dagala ta nzanaghatá ga mgham ta gə mnda səla kəʼa. Tsatsi guli ta vla ga mgham ŋa mndu ya kumaŋ tsi, » kaʼa.

Danyel 5:20

Ama ka nutá tsi ka mndu ta gla ghəŋ. Ka təŋanaftá tsa gla ghəŋa ni ya ta ŋuɗufa ni, ka sliŋwigiŋtá lu ta dughurukwa ga mghama ni, ka kliŋtá sgita ni.

Danyel 5:21

Ka ghəzlaptá lu mataba mnduha, ka nutá ndana ni manda ŋa nimtak. Kawadaga nda kəɗihha ma mtak kəʼa ta nzaku. Ka zə tsi ta kuzuŋ manda ŋa slaha. Ka nzaku wuninik tida, ha ka snaŋta ni kazlay Lazglafta Dagala ta nzanaghatá ga mgham ta gə mnda səla kəʼa. Ta vlaŋ vla ta ga mgham guli ta mndu ya kumaŋ tsi.

Mata 3:10

Nda ghada fata wa slpaɗa mista fuha ŋa ratsiŋta nda slrəŋ nda slrəŋ. Inda fu kul zɗaku yakwa ni, dzaʼa tsiŋ tsa lu ka vzamta ma vu.

Mata 7:19

Inda fu kul zɗaku yakwa ni, ta tsiŋ tsa lu ka vzamta ma vu.

Lukwa 3:9

Ɗaswa ka kuni! Nda ghada kapatá slpaɗa ŋa tsiŋtá fu daga ta slrəŋ. Inda fu ya kul zɗaku yakwa ni, dzaʼa tsiŋ tsa lu ka vzamta ma vu, » kaʼa.

Suna Yuhwana 10:3

Ka hurgwatá tsi nda lwi dagala manda hurgwa rveri. Manda hurgwatani, ndəfáŋ ka luwa ŋəzlata.

Suna Yuhwana 18:2

Ka gugɗatá tsi nda lwi dagala dagala. Kaʼa mantsa: « Nda zləmba! Ya nda zləmba Babila ta nzakway ka luwa dagala. Nuna ka luwa nzakwa halaway ndana tama. Hada vla ɗifa inda ghwaɗaka sulkumha nda ghwaɗaka zarakha ta mbiɗu lu.