Danyel 4:1 - Hdi

¹ « Iʼi Nevuhadnetsar, ta nzakwa ɗa yu nda zɗaku ta zutá mghama ɗa ma həga ɗa, ma həga ta gə yu ta mgham.

Danyel 4:1 ပူးပေါင်းရင်းမြစ်များ

1Rus 12:18

Ka sab Dawuda da guya həŋ, kaʼa nda həŋ mantsa: « Ka ŋa zɗaku sagha kuni da iʼi ŋa katihata katsi, dzaʼa guyaku ndana mu, ama ka ŋa nanaftá iʼi ŋa ghumaha ɗa tsi, ya wya haɗ ghwaɗaka skwi maga yu wu, dzaʼa nghay Lazglafta dzidzíha mu, dzaʼa tsaghunagha tsa ta guma! » kaʼa.

Izra 4:17

Wya ká mgham Artahsasta zlghanaftá wa ni ta həŋ: « Ŋa i guvna Rəhum nda Simsay mnda vindi, nda ya ŋa pɗakwa gwal ta ksa slna kawadaga nda həŋ ta nzaku ma Samari nda pɗakwa haɗik ta ɓla ghwa nda təv dɗakwa fitik, ta gaghunagha ga yu ta zgu.

Izra 5:7

Wya ká həŋ vindanaftá tsa gwaɗa ya: « Ari mgham Daryaves, ləŋləŋ ka ka!

Asta 3:12

Ka hagadaghatá lu ta gwal ta vindanatá vindi ta mgham baɗ maghwaŋpəɗ hkəna fitik ma tila mataŋtaŋ. Ka vivindaftá lu ta ɗelewerha manda ya mnaf Haman, ka tsaghanaftá guvnaha, nda sanlaha ma maliha ma inda haɗik, nda inda maliha ta ghəŋa mndəra mnduha. Nda vindi ya ta vində mnduha ma inda haɗik, nda ya nda gwaɗa ta gwaɗ inda mndəra mndu, vivindafta həŋ. Ka tahaftá tsa gwal vindi ya ta dzvu tida nda hga mgham Ahasverus, ka thaftá həŋ tida guli ta ŋizla halagara ni.

Asta 8:9

Ma va tsa fitik ya, baɗ hisambsak hkən mida ma tila mahkən, tila Sivaŋ, ka hagaktá lu ta gwal vindanatá vindi ta mgham. Ka vindaftá həŋ ta inda skwiha manda va ya mnanaf Murduhay ta həŋ, ŋa tsaghanaftá la Yahuda, nda guvnaha, nda sanlaha ma maliha, nda gwal dagala dagala ta ksa slna ma haɗikha dərmək nda hisambsak ndəfáŋ mida ma dzva mgham, sliʼafta ni ma Hindiya dikw da Kus. Ka vivindaftá həŋ ta tsa vindi ya ŋa haɗikha dərmək nda hisambsak ndəfáŋ mida (127). Inda haɗik nda vindi ya ta vindi həŋ, ŋa inda mndəra mnduha ma inda haɗikha, nda gwaɗa ya ta gwaɗ həŋ, ŋa la Yahuda, nda vindi ya ta vində həŋ, nda gwaɗa ya ta gwaɗ həŋ.

Danyel 3:29

Ndana tama, wya ka iʼi ta mnata skwi ŋa magay, ŋa inda mndəra mnduha ta inda haɗikha ta gwaɗa kavghakavgha. “Dər wati ma mndu tsi dzaʼa vzaftá rutsak ta Lazglafta i Sadrak, nda Mesak, nda Ghaveɗnegu ya, dzaʼa ɗatsanap ɗatsa lu ta tsa mndu ya. Dzaʼa nuna həga tsa mndu ya ka maghdzək, kabga haɗ sana lazglafta dzaʼa laviŋta mbanaftá mndu manda va nana wu,” » kaʼa.

Danyel 3:4

Ka gugɗatá mali ta ghəŋa tsa skalu ya nda lwi dagala, kaʼa mantsa: « Ariwa inda mnduha, mndəra mndu ta gwaɗaha kavghakavgha. Ka fata kuni ta sləməŋ ŋa sna gwaɗa dzaʼa mnaghunata lu ŋa magay ghuni:

Danyel 6:25

Ka mgham mnafta mantsa: « Kasagaghawa kasa ta tsa mnduha ta tsanavatá gwaɗa ta Danyel ya, » kaʼa. Ka kasagaghatá lu ta həŋ, nda hahəŋ tani, nda miʼa taŋ tani, nda zwana taŋ tani, ka pghadamta da ghuruma rveriha. Na tsa pghadamta lu ta həŋ ya, gi ta luwa ta luwa ka rveriha tsaʼuwaghutá həŋ, ka ɓalanaptá ghudzifa taŋ, ka dəghaɗutá həŋ, dɗada a həŋ ta haɗik wa.

Danyel 6:27

Wya zlahu ta mnata yu: Ma inda vli ta gə yu ta mgham ta ghəŋa ni, inda mndu, ka zləŋa tsi ta Lazglafta Danyel, ka vla tsi guli ta glaku ŋa ni. Tsatsi Lazglafta nda hafu mida, ŋa kɗekedzeŋ nzatá nzakwa tsatsi. Haɗ ga mghama ni ta ɓadzaku wu, haɗ kɗavakta mbrakwa ni wa.

Danyel 7:14

Ka vlaŋtá lu ta mbraku, nda sgit, nda ga mgham. Ka lagha inda mnduha ma mndəra mnduha, ta inda haɗikha ta gwaɗa inda gwaɗaha kavghakavgha, da tsəlɓanatá tsəlɓu. Tsa ga mghama ni ya ná, ga mgham ya ta gɗavata ŋa ɗekɗek ya, haɗ ta a kɗavakta ni guli wa, haɗ lu dzaʼa walaŋta zaɗanatá ga mghama ni wa. »

Slna gwal ghunay 2:6

Snaŋta taŋ ta ghudzaga tsa skwi ya, ka sliʼadaghatá həŋ ŋərɓisl, ka ndərmim həŋ katakata, kabga inda taŋ ta sna skwi ta gwaɗ gwal zlghay nda ŋuɗuf nda gwaɗa taŋ ya ta gwaɗ həŋ.

La Ruma 1:7

Inda kaghuni ta nzakway ma luwa Ruma, ɗvu ɗva Lazglafta ta kaghuni, ka hgaftá tsi ta kaghuni ŋa nzakway ka ŋa ni. Ka nza zɗakatahuɗa Da mu Lazglafta nda Mghama mu Yesu Kristi ta ghəŋa ghuni.

Afisus 1:2

Ka vlaghuna vla Da mu Lazglafta nda Mghama mu Yesu Kristi ta zɗakatahuɗa ni nda zɗakwa ni tani.

1Tim 1:2

Ŋa kagha Timute, vərɗa zwaŋa ɗa ma zlghay nda ŋuɗuf ta vinda yu. Ka vlagha vla Lazglafta ta nzakway ka Da, nda Mghama mu Yesu Kristi ta zɗakatahuɗa ni, nda tawa hiɗahiɗa ni, nda zɗakwa ni.

1 Piyer 1:2

Lazglafta ta nzakway ka Da ta zabaptá kaghuni manda va ya ghada tsi ta payafta. Ka faghutá tsi ta kaghuni ka ŋa ni nda ma Sulkuma ni nda ghuɓa, ŋa nzakwa ghuni ka gwal ta snanatá gwaɗa Yesu Kristi, ŋa wutsikaghunaftá usa ni ka ghuɓighunista nda tsi. Ka vlaghuna vla Lazglafta ta zɗakatahuɗa ni nda zɗakwa ni tani katakata.