Danyel 3:29 - Hdi

²⁹ Ndana tama, wya ka iʼi ta mnata skwi ŋa magay, ŋa inda mndəra mnduha ta inda haɗikha ta gwaɗa kavghakavgha. “Dər wati ma mndu tsi dzaʼa vzaftá rutsak ta Lazglafta i Sadrak, nda Mesak, nda Ghaveɗnegu ya, dzaʼa ɗatsanap ɗatsa lu ta tsa mndu ya. Dzaʼa nuna həga tsa mndu ya ka maghdzək, kabga haɗ sana lazglafta dzaʼa laviŋta mbanaftá mndu manda va nana wu,” » kaʼa.

Danyel 3:29 ပူးပေါင်းရင်းမြစ်များ

2Mgh 10:27

Ka dzaɓanaptá həŋ ta tsa pala dzugwa lu ya, ka pəsliŋtá həŋ ta tsa həga Baghal ya, ka niŋta ka dra ha gita.

Izra 6:11

Wya skwi ta mnaghunata yu ta ghəŋa kwal kul snatá skwi ya mna yu: Ka kwalaghu kwala mndu ta snatá na skwi ta mnata yu ná, tsəhatá dzaʼuwa ta həga ga taŋ, ka dalamta ma haɗik, ka dzugwuŋtá tsa mndu ya tawa ni. Ka nanaftá həga ni ka vla tska ŋəɗak, kabga kwalaghuta ni ta snata.

Danyel 1:19

Ka ghu mgham ta yiva nda həŋ demdem. Mataba inda taŋ, haɗ ya mutsaf mgham dər turtuk, taɓta i Danyel, nda Hananiya, nda Misaʼel, nda Ghazariya wa. Mantsa tama, ka zlraftá tsa hahəŋ fwaɗ ya ta maga slna ga mgham.

Danyel 1:7

Ka tsatsanaftá tsa mali mataba tsa mapslaha ya ta lfiɗa hgu ta həŋ. Beltəsaʼtsar kagha, kaʼa nda Danyel. Sadrak kagha, kaʼa nda Hananiya. Mesak kagha, kaʼa nda Misaʼel. Ghaveɗnegu kagha, kaʼa nda Ghazariya.

Danyel 2:17

Tahula tsa, ka sliʼaftá Danyel ka laghu dzagha ni. Ka snanamtá tsi ta skwi ta magaku ta graha ni i Hananiya, nda Misaʼel, nda Ghazariya.

Danyel 2:47

Ka mgham nda Danyel guli mantsa: « Mantsa nzakwa ni, malaghu mala Lazglafta ghuni ta inda lazglaftaha. Tsatsi mgham Lazglafta ta ghəŋa mghamha. Ta marigiŋ mara ta skwiha nda ɗifa, kabga kligiŋtá kagha ta tsa suna ɗa nda ɗifa ya, » kaʼa.

Danyel 2:49

Ka ɗawaŋtá Danyel da mgham ta hlaftá i Sadrak nda Mesak, nda Ghaveɗnegu, ŋa valaŋtá slna nzaku ka mali ŋa nghapta ɗina ka haɗika Babila. Mantsa tama, ka hlaftá mgham ta həŋ ka pghata mantsa ya. Ta nzatá Danyel ka mnda vla hiɗaku ta wa tgha ga mgham.

Danyel 2:5

Ka mgham nda tsa ɗəghaha ya mantsa: « Gwaɗa ya mna yu ná, nda mna: Ka mniɗiŋ a kuni ta tsa suna ɗa ya, nda klatá ghəŋa ni tani wu katsi ná, dzaʼa ɗatsaghunap ɗatsa lu, ŋa nuta həga ghuni ka maghdzək.

Danyel 3:12

Mantsa nzakwa ni mghama ɗa, mamu sana mnduha la Yahuda, i Sadrak, nda Mesak, nda Ghaveɗnegu, tsa mnduha valaŋ ka ta slna nzaku ka mali ŋa nghapta ɗina ka haɗika Babila, sna həŋ ta skwi mnaf ka. Haɗ həŋ mista lazglaftaha gha wa. Tsəlɓa a həŋ ta tsəlɓu ŋa tsa skwa gha dzugwana ka dzahumaʼ, ka dasu ya guli wu, » ka həŋ.

Danyel 3:15

Ndanana tama, dzaʼa nda sna kuni guli ta vyəglatá duliha, nda siŋlakha, nda htimbilha kavghakavgha, nda dewdewha, nda inda huzla skalu ta ghudzaga, dzaʼa nda paya vgha ghuni ma tsa fitik ya, ŋa tsəlɓu ŋa tsa skwi dzugwa yu ya suʼu? Ka tsəlɓa a kuni wu, dzaʼa gi vzam vza lu haɗ dzudzukway wu ta kaghuni da həga vu ghandand. Wati ma lazglafta ya dzaʼa klaptá kaghuni ma dzva ɗa na? » kaʼa.

Danyel 3:17

Rvera ɗa, dər vzam vza ka ta aŋni da tsa duda vu ghandand ya ná, mamu Lazglafta ŋni ya ta ksanata ŋni ta slna nda mbraku ŋa katagaŋnapta ma tsa həga vu ghandand ya, dzaʼa katagaŋnapta guli ma dzva gha!

Danyel 3:28

Ka Nevuhadnetsar mantsa: « Zləzləvama zləzləva ta Lazglafta i Sadrak, nda Mesak, nda Ghaveɗnegu! Ta Lazglafta taŋ fafta na kwalvaha na ta ghəŋa taŋ, ka kwalaghutá həŋ ta snatá gwaɗa ɗa. “Dər vlata ŋni ta vgha ŋni ŋa dzaʼa da vu, ka ya dzaʼa ŋni mista sana lazglafta, ka tsəlɓu ŋa ni, ka zlanatá Lazglafta ŋni,” ka həŋ. Ka ghunagatá tsa Lazglafta ya ta duhwala ni ŋa mbanaftá kwalvaha ni.

Danyel 6:28

Tsatsi ta mbay, tsatsi ta zligiŋta. Tsatsi ta zlagigiŋtá mandərmimiha, nda mazəmzəmha ta luwa nda ya ta ghəŋa haɗik, kabga tsatsi ta zluʼagaptá Danyel ma ɗahəŋa rveriha, » kaʼa.

Vrafta ta zlahu 32:31

Ama nza a kutumba taŋ manda kutumba amu wu, dər ghumaha mu ná, nda sna həŋ ta tsaya.