Danyel 3:26 - Hdi

²⁶ Ka lagha Nevuhadnetsar ta wa tgha tsa həga vu ghandand ya. Kaʼa nda lwi dagala nda i Sadrak, nda Mesak, nda Ghaveɗnegu mantsa: « Kwalvaha Lazglafta Dagala, sabwa sa, saghuwa sa! » kaʼa. Ka sab i Sadrak, nda Mesak, nda Ghaveɗnegu ma tsa vu ya.

Danyel 3:26 ပူးပေါင်းရင်းမြစ်များ

Zlrafta 14:18

Ka sab Melkisedek mghama Salem, mnda dra skwi ŋa Lazglafta Dagala, ka klaktá tsi ta buradi nda ima inabi.

1Mgh 8:51

kabga mnduha gha həŋ, skwa za həga gha həŋ, gwal hlagap ka ta həŋ ma Masar ma duda vwa nwaptá kfur!

Izra 5:11

Wya ká həŋ zlghaŋnaftá wa ni: “Aŋni gwal ta maganatá slna ta Lazglafta ŋa ni luwa nda haɗik ŋni. Ta vrəglanafta baftá na həga si kəɗiŋ mgham dagala ma Israʼila ta bafta daga ghalya na ŋni.

Danyel 2:47

Ka mgham nda Danyel guli mantsa: « Mantsa nzakwa ni, malaghu mala Lazglafta ghuni ta inda lazglaftaha. Tsatsi mgham Lazglafta ta ghəŋa mghamha. Ta marigiŋ mara ta skwiha nda ɗifa, kabga kligiŋtá kagha ta tsa suna ɗa nda ɗifa ya, » kaʼa.

Danyel 3:17

Rvera ɗa, dər vzam vza ka ta aŋni da tsa duda vu ghandand ya ná, mamu Lazglafta ŋni ya ta ksanata ŋni ta slna nda mbraku ŋa katagaŋnapta ma tsa həga vu ghandand ya, dzaʼa katagaŋnapta guli ma dzva gha!

Danyel 4:2

Ma sana rviɗik tama, ta hanuta hana ɗa yu ta ghəzləŋa ɗa, ka faɗighata sana suni ta vlihatá zləŋ. Tsa skwi nghaŋ yu ya ná, kɓiɗif kɓa katakata.

Danyel 6:20

Tahula tsa, ka sliʼaftá mgham bit tgha tsaɗakwər vli, ka laghu tsi misimmisim da vla tsa ghuruma rveriha ya.

Danyel 6:21

Ta gavadaghatá tsi ta wa tsa ghurum ya, ka hgə tsi ta Danyel nda taw nda taw. Kaʼa mantsa: « Danyel, kwalva Lazglafta nda hafu mida, laviŋ lava suʼu tsa Lazglafta gha ta dzata ka ta vgha ka maganatá slna ya kay da rveriha ra? » kaʼa.

Danyel 7:25

Dzaʼa brufay ni ta ŋasli ta Lazglafta Dagala, ŋa ghuyay ni ta ɗaŋwa ŋa mnduha nda ghuɓa ka ŋa Lazglafta. Dzaʼa zbay ta tva mbəɗanaftá fitika skaluha rfu, nda zlahuha mnduha Lazglafta, ŋa gay ni ta mgham ta ghəŋa taŋ ka vaku hkən nda maŋəzlawats.

Slna gwal ghunay 16:17

Ka gi mbaɗ tsi mista ŋni nda i Pwal. « Nana mnduha na ná, gwal ksanatá slna ta Lazglafta Dagala ya, tva mbaku ta mnaghunata həŋ! » kaʼa ta dzaʼa nda gugɗay.

Slna gwal ghunay 16:37

Ka Pwal nda tsa gwal ghunadagha lu ya mantsa: « Tsaŋnagha a lu ta guma wu, ka gi slvaptá lu ta aŋni ta kəma mnduha, ka pghamtá aŋni ma gamak, ta aŋni ta nzakway ka mnduha la Ruma ná, gi ndanana ná, sabwa sa kɗekkɗek ka lu nda aŋni ra? Magava a tsaya mantsa wa! Sagha hahəŋ ka ghəŋa taŋ zliŋnista, » kaʼa.

Slna gwal ghunay 27:23

Ta na rviɗik gita ná, ghunigihaghuna Lazglafta ta duhwalha ni. Tsa Lazglafta nza yu ka ŋa ni, nda ya ta maganata yu ta slna ya.

Galat 1:10

Va ni tama ná, ka zɗəganata yu ta mnduha ka yu ta kəl yu ka mnay manda nana re, ari ka zɗəganata yu ta Lazglafta a na? Zɗəganata ɗa ta mnduha ta psə yu ra? Ka zɗəganata ɗa ta mnduha ta psə yu katsi ná, nza a yu ka mnda ksanatá slna ta Kristi nda tsa wa.

Vrafta ta zlahu 4:20

Ama kaghuni, Yawe ta zbaptá kaghuni, ka hlagaptá kaghuni ma Masar, tsa duda vu ŋa nwa kfur ya, ŋa nzakwa ghuni ka mnduha ŋa ŋa ni, manda va na nzakwa ghuni gita na.

Yəhusuwa 3:17

Ka sladaghutá tsa gwal ta dra skwi ŋa Lazglafta, ta kla akwata dzratá wi Yawe ya ma takataka daɓa ghwa nda ghwala ya kul gigiɗavata, ta sliʼadaptá la Israʼila nda səla ta ghwalatá vli, ha ka sliʼadapta inda mndu ta ɓla zala Yardeŋ.

Yəhusuwa 4:10

Ka sladatá tsa gwal ta dra skwi ŋa Lazglafta ta kla akwati ya ma takataka Yardeŋ ha ka magata mnduha ta inda tsa skwiha mnanaf Yawe ta Yəhusuwa ya. Mantsa ya tama, ka mag Yəhusuwa manda va ya mnaf Musa. Tahula tsa, ka tsughwaɗadaptá mnduha ta tsa ghwa ya misimmisim.

Suna Yuhwana 19:5

Ka gwaɗagapta sana lwi ma tsa dughuruk ya. Kaʼa mantsa: « Inda kaghuni kwalvaha ni, kaghuni gwal ta zləzlvay, zwani nda galata mnduha tani, zləzlvawa Lazglafta, » kaʼa.