Danyel 2:47 - Hdi

⁴⁷ Ka mgham nda Danyel guli mantsa: « Mantsa nzakwa ni, malaghu mala Lazglafta ghuni ta inda lazglaftaha. Tsatsi mgham Lazglafta ta ghəŋa mghamha. Ta marigiŋ mara ta skwiha nda ɗifa, kabga kligiŋtá kagha ta tsa suna ɗa nda ɗifa ya, » kaʼa.

Danyel 2:47 ပူးပေါင်းရင်းမြစ်များ

Zlrafta 41:39

Ka Firʼawna nda Yusufu mantsa: « Manda ya maraghaŋ Lazglafta ta inda tsa skwiha ya, ta haɗ sana mndu taɓta kagha nda ghunislak, nda ɗifil ma ghəŋa ni wa.

2Mgh 5:15

Ka vradaghatá Naghamaŋ da mnda Lazglafta nda inda gwal mista ni tani. Lagha ni, ka maraŋtá tsi ta vgha ni ta kəma ni, kaʼa mantsa: « Ndanana, nda sna yu kazlay haɗ Lazglafta ta inda ghəŋa haɗik wu, ba ma Israʼila kəʼa. Ndanana, kdəkkdək tsuʼaf tsuʼa ta mbəhu si da kwalva gha, » kaʼa.

Danyel 11:36

Dzaʼa magay mgham ta skwi manda ya kumaŋ tsi. Dzaʼa fərtu fərta ghərɓakwa ni. Mal iʼi ka inda lazglaftaha kəʼa ta gray. Dzaʼa mnay ni ta skwi ya kul raku ka mnay ta Lazglafta ta hemanata lazglaftaha. Dzaʼa zay ta ghwa ha ka sagha maravata fitika gufata ŋuɗufa Lazglafta. Mantsa tama, ŋa magay Lazglafta ta skwi manda ya kura tsi ta magay.

Danyel 2:19

Ta tsa rviɗik ya, ka maranaŋtá Lazglafta ta tsa skwi nda ɗifa ya ta Danyel girviɗik manda skwi ma suni. Mbaɗa Danyel ka zləzləva Lazglafta ta luwa,

Danyel 2:22

Tsatsi ta marigiŋtá skwiha nda la, nda skwiha ya nda ɗifa tani. Nda sna tsatsi ta skwiha nda ɗifa ma grum, mamu tsuwaɗak ta wanaftá tsatsi.

Danyel 2:28

Ama mamu sana Lazglafta ta luwa ta marigiŋtá skwiha nda ɗifa. Tsatsi ta snanamtá mgham Nevuhadnetsar ta skwiha dzaʼa magaku ma fitikha ta sagha. Tsa skwiha maraghaŋ Lazglafta ma suni ta han ka ta hani ta ghəzləŋa gha ya ná, wya tsi:

Danyel 2:29

Rvera ɗa, manda hanadata gha ta ghəzləŋa gha ná, ka zlraftá ka ta ndandanaku ta ghəŋa skwiha dzaʼa magaku dazlay ta kəma, ka maraghaŋtá tsa mndu ta marigiŋtá skwiha nda ɗifa ya, ta skwi dzaʼa magaku.

Danyel 2:30

Iʼi ná, malaghuta ɗa nda ɗifil ta sanlaha ma mnduha a kəl lu ka mariɗiŋtá tsa skwi nda ɗifa ya wu, ama nda nza ŋa laviŋta mndu ta mnaghaŋta klatá ghəŋa tsa suni ta faghaghata ya, nda ya ŋa snaŋta gha ta skwi ta ndanə ka ma ghəŋa gha.

Danyel 2:37

Rvera ɗa, kagha mgham ta ghəŋa inda mghamha. Lazglafta ta luwa ta vlaghatá ga mgham, nda inda mbraku, nda sgit tani.

Danyel 3:15

Ndanana tama, dzaʼa nda sna kuni guli ta vyəglatá duliha, nda siŋlakha, nda htimbilha kavghakavgha, nda dewdewha, nda inda huzla skalu ta ghudzaga, dzaʼa nda paya vgha ghuni ma tsa fitik ya, ŋa tsəlɓu ŋa tsa skwi dzugwa yu ya suʼu? Ka tsəlɓa a kuni wu, dzaʼa gi vzam vza lu haɗ dzudzukway wu ta kaghuni da həga vu ghandand. Wati ma lazglafta ya dzaʼa klaptá kaghuni ma dzva ɗa na? » kaʼa.

Danyel 3:28

Ka Nevuhadnetsar mantsa: « Zləzləvama zləzləva ta Lazglafta i Sadrak, nda Mesak, nda Ghaveɗnegu! Ta Lazglafta taŋ fafta na kwalvaha na ta ghəŋa taŋ, ka kwalaghutá həŋ ta snatá gwaɗa ɗa. “Dər vlata ŋni ta vgha ŋni ŋa dzaʼa da vu, ka ya dzaʼa ŋni mista sana lazglafta, ka tsəlɓu ŋa ni, ka zlanatá Lazglafta ŋni,” ka həŋ. Ka ghunagatá tsa Lazglafta ya ta duhwala ni ŋa mbanaftá kwalvaha ni.

Danyel 3:29

Ndana tama, wya ka iʼi ta mnata skwi ŋa magay, ŋa inda mndəra mnduha ta inda haɗikha ta gwaɗa kavghakavgha. “Dər wati ma mndu tsi dzaʼa vzaftá rutsak ta Lazglafta i Sadrak, nda Mesak, nda Ghaveɗnegu ya, dzaʼa ɗatsanap ɗatsa lu ta tsa mndu ya. Dzaʼa nuna həga tsa mndu ya ka maghdzək, kabga haɗ sana lazglafta dzaʼa laviŋta mbanaftá mndu manda va nana wu,” » kaʼa.

Danyel 4:17

Nda ngha kagha ta tsa fu ta glafta dagala, nda mbra ta zaghu za da ghuvaŋataluwa luwa ya, nda ngha inda mnduha ta ghəŋa haɗik tender guli.

Danyel 4:25

Ka slanaghatá inda tsa skwiha ya ta mgham Nevuhadnetsar.

Danyel 4:32

Haɗ ghəzliwa mnduha ta haɗik ta kəma ni wa. Manda skwi ya ndanaŋ tsi ta maga tsi nda bakwa gwal vulu ta luwa, nda mnduha ta haɗik tani. Haɗ mndu dzaʼa huzliŋtá dzva ni wu, dər ŋa mnanata kazlay nahgani na ta mag ka na? kəʼa nda tsi wa.

Danyel 5:11

Mamu sana mndu ma ga mghama gha nda sulkuma lazglaftaha nda ghuɓa mida. Ma fitika nzakwa da gha ta nda hafu ná, si ta tsalay tsa mndu ya ta gwaɗa, mamu mahizl da tsi, mamu ɗifil da tsi manda ɗifila lazglaftaha. Tsaya kəl da gha mgham Nevuhadnetsar ka fatá ka mali ta ghəŋa gwal vza mandaŋ, nda gwal dzugwa zlazləra, nda ɗəghaha, nda gwal tsatsa skwi.

1Kwa 14:25

Dzaʼa sab sa skwi ma ŋuɗufa ni ta daɓi ŋa zləmbata ni zlumbruh ka tsəlɓu ta kəma Lazglafta ŋa mnay ni kazlay: Mataba ghuni Lazglafta kahwathwata kəʼa.

Vrafta ta zlahu 10:17

Yawe, Lazglafta ghuni ná, tsatsi Lazglafta ta ghəŋa lazglaftaha, mgham ta ghəŋa mghamha. Tsatsi Lazglafta dagala, ta mbruta ta zləŋ lu nda zləŋa. Haɗ ta gala mndu nda gala wu, haɗ ta tsuʼa sməɗ wa.

1Tim 6:15

Dzaʼa marava mara baɗu fitik ya tsaf Lazglafta. Da tsa Lazglafta ya inda mbraku. Tsatsi Lazglafta turtuktuk. Tsatsi dzuɓaya zɗaku. Tsatsi ta ga Mgham ta ghəŋa mghamha. Tsatsi mgham ta malaptá mghamha.

Yəhusuwa 22:22

« Yawe, Lazglafta ta ghəŋa inda lazglaftaha, Yawe, Lazglafta ta ghəŋa inda lazglaftaha, nda sna tsatsi guli ka kabgawu kəl ŋni ka magata mantsa. Dzaʼa nda sna inda la Israʼila guli. Pgha ghəŋ mag ŋni nda Yawe ra? Krughuvi dagala gana ŋni ra? Ka mantsa tsi, ma zlaŋna tsi nda hafu gita.

Suna Yuhwana 1:5

Ka vlaghuna vla *Yesu *Kristi ta nzakway ka vərɗa masləmtsək ya guli, ta zɗakatahuɗi nda zɗaku. Tsatsi na taŋtaŋa mndu ta sliʼagapta ma mtaku nda hafu. Tsatsi ta ga mgham ta ghəŋa inda mghamha ta ga mgham ta ghəŋa haɗik. Ɗvu ɗva tsa Yesu Kristi ya ta amu. Ka pghiŋtá tsi ta usa ni ŋa varagamapta ma dmaku.

Suna Yuhwana 17:14

Dzaʼa vulay həŋ ta vulu nda Zwaŋa Tuwak, ŋa ŋrapta Zwaŋa Tuwak kawadaga nda mnduha ni gwal hagaf tsi, gwal zabap tsi, gwal ka ŋərma ni ya, ta həŋ. Zwaŋa tuwak mgham ta ghəŋa mghamha, tsatsi mali ta ghəŋa maliha guli, » kaʼa.

Suna Yuhwana 19:16

« Rveri ta ghəŋa rveriha, Mgham ta ghəŋa mghamha, » ká lu vindaftá hgu ta lguta ni nda ya ta rkufa ni.