Danyel 2:45 - Hdi

⁴⁵ Nda ngha ka ta tsa pala ta dgaghutá vgha ka ghəŋa ni ka dɗagata ta ghwá ka dzaɓanaptá tsi ta kfur, nda ghuva tili, nda rɓisl drap lu nda dra, nda kfura tsedi, nda dasu ya. Snanam sna Lazglafta dagala ta mgham ta skwi ya dzaʼa magaku ta kəma. Kahwathwata nzakwa tsa suna gha ya. Tsa klatá ghəŋa ni mnəgaghap yu ya guli ná, skwi ŋa kwala gha dga ghəŋ ta ghəŋa ni ya, » kaʼa.

Danyel 2:45 ပူးပေါင်းရင်းမြစ်များ

Zlrafta 41:26

Tsa slaha ndəfáŋ ɗina ɗina ya ná, vakuha ndəfáŋ ya. Tsa ghəŋa alkama ndəfáŋ ɗina ɗina ya guli ná, vakuha ndəfáŋ ya. Ka skwa turtuk tsa suniha ya.

Zlrafta 41:28

Gwaɗa ta mnanata yu ta Firʼawna ná, maranaŋ mara Lazglafta ta Firʼawna ta skwi dzaʼa tsi da magay.

Zlrafta 41:32

Ka si fanagha fa tsa suni ya ta Firʼawna his səla katsi, nda nza ka skwi ya kura kura Lazglafta ta magay, dzaʼa maga maga misimmisim.

2Sam 7:22

Dagala kagha mghama ɗa Yawe! Haɗ mndu taɓta kagha wa! Kahwathwata haɗ sana Lazglafta ta ghəŋa kagha, manda ya ta gɗata ŋni ta snaŋta wa!

1Rus 16:25

Dagala Yawe, raŋ ra zləzləvu, nda makwitkwit tida ka malaghutá sanlaha ma lazglaftaha,

Nəhemiya 4:14

Ka nda sna kuni ta vyata talakwa, dər ga kuni ya, ka tskakta kuni ta vgha ta vata iʼi. Dzaʼa vulamavula Lazglafta mu ta vulu, » ka yu.

Nəhemiya 9:32

« Lazglafta ŋni, kagha Lazglafta dagala, ta mbruta, makwitkwit ka, ta ŋana ŋa ka kahwathwata ta dzratá wa gha nda zɗakwa gha ŋa ŋni. Ndanana ná, ma nghə ka ka skwi kwitikw ta inda ghuya ɗaŋwa ya ta gruŋnusta nda mghamha ŋni, nda maliha ŋni, nda gwal ta draŋnatá skwi ŋa Lazglafta, nda anabiha ŋni, nda dzidzíha ŋni, nda inda mnduha gha, zlrafta ta fitika mghamha Asur ha ka sagha ta na fitik na.

Danyel 2:24

Tahula tsa, ka sliʼaftá Danyel ka lagha slanaghatá Aryuk, tsa mndu ya fa mgham ŋa zaɗanatá gwal nda ɗifil ma ghəŋa taŋ ma Babila ya. Manda ɓhadaghata ni, kaʼa nda tsi mantsa: « Wya dzvu, ma zaɗana ka ta gwal nda ɗifil ma ghəŋa taŋ ma Babila. Pgha ta iʼi da mgham, dzaʼa mnanaŋ mna yu ta klatá ghəŋa tsa suna ni ya, » kaʼa.

Danyel 2:28

Ama mamu sana Lazglafta ta luwa ta marigiŋtá skwiha nda ɗifa. Tsatsi ta snanamtá mgham Nevuhadnetsar ta skwiha dzaʼa magaku ma fitikha ta sagha. Tsa skwiha maraghaŋ Lazglafta ma suni ta han ka ta hani ta ghəzləŋa gha ya ná, wya tsi:

Danyel 2:29

Rvera ɗa, manda hanadata gha ta ghəzləŋa gha ná, ka zlraftá ka ta ndandanaku ta ghəŋa skwiha dzaʼa magaku dazlay ta kəma, ka maraghaŋtá tsa mndu ta marigiŋtá skwiha nda ɗifa ya, ta skwi dzaʼa magaku.

Danyel 2:44

Ma tsa fitik dzaʼa gə tsa mghamha ya ta mghama taŋ ya, dzaʼa fafta Lazglafta ta luwa ta ga mgham ya dzaʼa kwal kul zaɗavata ɗekɗek. Haɗ tsa ga mgham ya dzaʼa walaŋta laghu nzakway mista sana mndəra mndu wa. Dzaʼa huʼanap huʼa ta inda tsa ga mghamha ya, ŋa zaɗanata ni ta həŋ. Ama tsatsi, dzaʼa gɗava gɗa ŋa kɗekedzeŋ.

Danyel 8:25

Ma tsa viɗakwa ni ya dzaʼa katsafta tsi nanaghatá sanlaha. Ma ndana ni ná, dzaʼa glanaf gla ta ghəŋa ni, ŋa zaɗanata ni ta ndəghata mnduha gwal ta ndanay kazlay na nda katá aŋni kəʼa. Dzaʼa liŋ la ta mgham ta ghəŋa mghamha. Ama dzaʼa zaɗana zaɗa lu ta tsatsi, haɗ dzva mndu dzaʼa ksaŋta wa.

Mata 21:24

Ka Yesu nda həŋ mantsa: « Mamu skwi turtuktuk dzaʼa ɗawaŋta yu da kaghuni guli. Ka zlghiɗif zlgha kuni ta wa ni katsi, dzaʼa mnaghuna mna yu ta vli ta mutsu yu ta na mbraku ta kəl yu ka maga na skwiha na.

Mata 24:35

Dzaʼa lula luwa nda haɗik, ama gwaɗa ɗa ná, walaŋta a ta luta wa. »

Lukwa 17:20

Ka la *Farisa nda *Yesu mantsa: « Yawu dzaʼa sagha fitika ga mghama Lazglafta na? » ka həŋ. Kaʼa nda həŋ mantsa: « Ghur a dzaʼa nghaŋta lu ta sagha ga mghama Lazglafta wa, » kaʼa.

Vrafta ta zlahu 10:17

Yawe, Lazglafta ghuni ná, tsatsi Lazglafta ta ghəŋa lazglaftaha, mgham ta ghəŋa mghamha. Tsatsi Lazglafta dagala, ta mbruta ta zləŋ lu nda zləŋa. Haɗ ta gala mndu nda gala wu, haɗ ta tsuʼa sməɗ wa.

Suna Yuhwana 1:19

Vinda tama ta inda skwi ya nghaŋ ka, nda inda skwi ya ta magaku ndanana, nda inda skwi ya dzaʼa gi sagha tahula tsa.

Suna Yuhwana 19:17

Tahula tsa guli, ka nghaŋtá yu ta sana duhwala Lazglafta ta sladu ta fitik. Ka gugɗata tsi nda lwi dagala dagala. Kaʼa nda inda zarak ta ndaraku ma ghuvaŋata luwa mantsa: « Sliʼakwa sliʼa ka tskavata kuni ŋa za skwa zaya skalu dagala da Lazglafta.

Suna Yuhwana 4:1

Tahula tsa, ka nghaŋtá yu ta gunatá wa tgha ta luwa. Ka snəglaŋta yu ta tsa lwi si ta gwaɗgihata nda lwi dagala manda ghudzaga duli ya kay. Kaʼa nda iʼi mantsa: « Saf sa da hadna ka maraghata yu ta skwi ya dzaʼa magaku tahula tsa, » kaʼa.