Danyel 2:44 - Hdi

⁴⁴ Ma tsa fitik dzaʼa gə tsa mghamha ya ta mghama taŋ ya, dzaʼa fafta Lazglafta ta luwa ta ga mgham ya dzaʼa kwal kul zaɗavata ɗekɗek. Haɗ tsa ga mgham ya dzaʼa walaŋta laghu nzakway mista sana mndəra mndu wa. Dzaʼa huʼanap huʼa ta inda tsa ga mghamha ya, ŋa zaɗanata ni ta həŋ. Ama tsatsi, dzaʼa gɗava gɗa ŋa kɗekedzeŋ.

Danyel 2:44 ပူးပေါင်းရင်းမြစ်များ

Zlrafta 49:10

Ma həga ga Yahuda dzaʼa gɗavata dafa ga mgham. Ma dzva gwal dzaʼa yata lu ma zivira taŋ dzaʼa nzata mbrakwa ga mgham, ha fitika sagha vərɗa mndani, ya dzaʼa snu ndəghata mndəra mnduha ta gwaɗa da tsi.

2Sam 7:13

Tsatsi dzaʼa baɗiftá həga nda hga ɗa, ŋa sladanafta ɗa ŋa ɗekɗek ta dughurukwa ga mghama ni.

2Sam 7:16

Dzaʼa ŋana ŋa mndu turtuk ma zivira gha ta gá mghama gha ŋa ɗekɗek tahula gha. Dzaʼa dihava diha dughurukwa gá mghama gha ŋa ɗekɗek,” » kaʼa.

Danyel 2:28

Ama mamu sana Lazglafta ta luwa ta marigiŋtá skwiha nda ɗifa. Tsatsi ta snanamtá mgham Nevuhadnetsar ta skwiha dzaʼa magaku ma fitikha ta sagha. Tsa skwiha maraghaŋ Lazglafta ma suni ta han ka ta hani ta ghəzləŋa gha ya ná, wya tsi:

Danyel 2:34

Tata nghay nghay ka, ka dgaghutá sana pala ta vgha ka ghəŋa ni ka dɗagata, ka slafta ta papaha tsa skwi dzahumaʼ ka kfur, nda ya ka rɓisl drap lu nda dra ya kay, ka dzaɓanapta.

Danyel 2:35

Ka dzaɓanapta tsi ka skwa turtuk ta tsa kfur, nda tsa rɓisl drap lu nda dra ya, nda tsa ghuva tili ya, nda tsa kfura tsedi ya, nda tsa dasu ya tani. Ka nutá tsa skwiha ya manda sabatbat ta blikwi, ka sagha falak faɗaghata hərzleleʼ. Nghigliŋ a lu ta fefewa taŋ ɗekɗek wa. Ama ka nutá tsa pala ta slafta ta tsa skwi dzahumaʼ ka ghwá dagala ya, ka ndəghanaftá ghəŋa haɗik demdem.

Danyel 2:37

Rvera ɗa, kagha mgham ta ghəŋa inda mghamha. Lazglafta ta luwa ta vlaghatá ga mgham, nda inda mbraku, nda sgit tani.

Danyel 2:43

Tsa laɓatá kfur nda rɓisl drap lu nda dra nghaŋ ka ya ná, mbra a wa. Manda tsaya dzaʼa dzraf dzra mnduha ta wi mataba taŋ nda ma kluvtá makwa, ama mbrəta a tsa dzratá wi taŋ ya wu, kabga guya a kfur ta vgha nda rɓisl drap lu nda dra wa.

Danyel 4:3

Mantsa tama, “hagigiɗaghawa haga ta inda gwal nda ɗifil ma ghəŋa taŋ ma Babila, ŋa mnihata taŋ ta klatá ghəŋa tsa suna ɗa ya,” ka yu mnata.

Danyel 4:34

Ndana tama, iʼi Nevuhadnetsar ná, ta fa laha yu ka zləzləva mgham dagala ta luwa. Inda skwi ta mag tsi ná, kahwathwata ni nzakwa ni. Tɗukwa tɗukwa inda slna ta mag tsi guli. Mamu nda mbrakwa vraganatá gwal ta gla ghəŋ, » kaʼa.

Danyel 6:26

Tahula tsa, ka vindaftá Daryaves ta ɗelewer ka tsaghanaftá inda mndəra mnduha ta inda haɗikha ta gwaɗaha kavghakavgha ta ghəŋa haɗik tender. Kaʼa mantsa: « Ka nza zɗaku katakata ta ghəŋa kaghuni!

Danyel 6:27

Wya zlahu ta mnata yu: Ma inda vli ta gə yu ta mgham ta ghəŋa ni, inda mndu, ka zləŋa tsi ta Lazglafta Danyel, ka vla tsi guli ta glaku ŋa ni. Tsatsi Lazglafta nda hafu mida, ŋa kɗekedzeŋ nzatá nzakwa tsatsi. Haɗ ga mghama ni ta ɓadzaku wu, haɗ kɗavakta mbrakwa ni wa.

Danyel 7:27

ŋa nzakwa ga mgham, nda mbraku, nda glakwa inda ga mghamha ta ghəŋa haɗik, ka ŋa mnduha nda ghuɓa ka ŋa Lazglafta Dagala. Dzaʼa gɗava gɗa ga mghama tsa mndəra mndu ya ŋa ɗekɗek. Dzaʼa snay inda ga mgham ta gwaɗa da tsi, ka maganatá slna.”

Danyel 8:25

Ma tsa viɗakwa ni ya dzaʼa katsafta tsi nanaghatá sanlaha. Ma ndana ni ná, dzaʼa glanaf gla ta ghəŋa ni, ŋa zaɗanata ni ta ndəghata mnduha gwal ta ndanay kazlay na nda katá aŋni kəʼa. Dzaʼa liŋ la ta mgham ta ghəŋa mghamha. Ama dzaʼa zaɗana zaɗa lu ta tsatsi, haɗ dzva mndu dzaʼa ksaŋta wa.

Mata 28:18

Ka gavadaghatá Yesu, kaʼa nda həŋ mantsa: « Inda mbraku ta luwa nda ya ta haɗik tani ná, vliha vla lu.

Yuhwana 12:34

« Dzaʼa nzata ŋa kɗekedzeŋ *Kristi, ka aŋni taghafta ma deftera zlahu ná, waká kagha tama ta mnay kazlay: Dzaʼa kapanaf kapa lu ta *Zwaŋa mndu kəʼa. Wa tsa Zwaŋa mndu ya? » ka tsa dəmga ya.

Hebru 12:28

Ya mantsa tsi ya, rfamarfa ta Lazglafta ta vlamatá ga mgham ya kul haɗ ta ghudzavata. Maraŋma mara ta tsa rfay mu ya nda ma maganatá slna ya ta zɗəganata nda haniŋtá ghəŋ, nda ya nda zləŋay.

Suna Yuhwana 11:15

Ka vyata mandəfáŋa duhwala Lazglafta ta ŋa ni ma duli. Ka snaku sana lwiha dagala dagala daga ta luwa. Ka həŋ mantsa: « Mgham Lazglafta ŋni nda Kristani ta ga mgham ta ghəŋa haɗik ndana. Tsatsi dzaʼa ga Mgham ŋa kɗekedzeŋ, » ka həŋ.

Suna Yuhwana 2:27

Tsa mbraku dzaʼa vlaŋta yu ya ná, tsa mbraku vliha Da ɗa yeya. Ŋa gay ni ta mgham nda saraka kfur ta ghəŋa mnduha. Dzaʼa dzaɓiŋ dzaɓa ta ghwaɗaka mnduha, manda ya ta dzaɓiŋta lu ta siga rɓisl ya.