Danyel 2:39 - Hdi

³⁹ Ma vla gha, ŋa sliʼafta sana ga mgham kul lafi taɓta ŋa gha. Tahula tsa guli, ŋa saba sana mahkəna ga mgham ya graf lu nda ghuva tili ya, ŋa gay tsatsi guli ta mgham ta ghəŋa haɗik demdem.

Danyel 2:39 ပူးပေါင်းရင်းမြစ်များ

Danyel 10:20

Kaʼa nda iʼi mantsa: « Nda sna ka ta skwi kəl yu ka sagha da kagha ra? Ndanana ná, ka vra yu da vulu nda mali ta ghəŋa Persiya. Tahula kɗanata ɗa, dzaʼa sagha sa mali ta ghəŋa la Gres.

Danyel 2:32

Ka dasu dzeʼdzeʼ ghəŋa ni. Ka kfura tsedi na ghuva ni, nda dzvuha ni. Ka ghuva tili na huɗa ni, nda rkufha ni.

Danyel 2:38

Ma inda vli ya nza nza mnda səla, nda nimtakha tani, nda ɗyakha tani ná, ma dzva gha pghamta Lazglafta ta həŋ, ka gay gha ta mgham ta ghəŋa taŋ demdem. Tsa ghəŋ ka dasu ya ná, kagha ya.

Danyel 2:40

Tahula tsa guli, ŋa saba sana mafwaɗa ga mgham təŋ təŋa manda kfur. Nziya nza tsi ná, kfur ta ɓalanapta, ka huʼanaptá dər nahgani tsi. Tsa ga mgham ya guli ná, dzaʼa ɓalanap ɓala ta inda tsa sanlaha ma ga mgham ya manda kfur ta huʼanaptá skwiha.

Danyel 7:23

Ka tsa mndu ta manihata klatá ghəŋa ni ya mantsa: “Tsa mafwaɗa nimtak ya ná, mafwaɗa ga mgham ta ghəŋa haɗik, klatá ghəŋa tsaya. Nda dga tsatsi nda inda sanlaha ma ga mgham. Dzaʼa zuza tsa ga mgham ya ta inda skwiha ta ghəŋa haɗik, ka diŋlanapta, ka ɓalanaptá inda skwi nda səlaha ni.

Danyel 8:20

Tsa maŋazak nghaŋ ka si his duliha ni ya, tsaha ya mghamha Mediya nda Persiya.

Danyel 8:21

Tsa dugzum ka swidi zbək ya ná, tsaya mghama la Gres. Tsa duli dagala ta ɗyagapta ma takataka iriha ni ya guli ná, tsaya taŋtaŋa mgham.