Danyel 2:30 - Hdi

³⁰ Iʼi ná, malaghuta ɗa nda ɗifil ta sanlaha ma mnduha a kəl lu ka mariɗiŋtá tsa skwi nda ɗifa ya wu, ama nda nza ŋa laviŋta mndu ta mnaghaŋta klatá ghəŋa tsa suni ta faghaghata ya, nda ya ŋa snaŋta gha ta skwi ta ndanə ka ma ghəŋa gha.

Danyel 2:30 ပူးပေါင်းရင်းမြစ်များ

Zlrafta 41:16

Ka Yusufu nda Firʼawna mantsa: « Iʼi a wu, Lazglafta ya dzaʼa mnanatá Firʼawna ta klaŋta ghəŋa ni manda ya ta zɗəganata, » kaʼa.

Danyel 1:17

Ka vlaŋtá Lazglafta ta tva snaŋta dganatá skwiha, nda mahizla dzaŋa inda vindi, nda ɗifil ta tsa galaɓayha fwaɗ ya. Ta ghəŋa tsa guli, nda sna Danyel ta paslaptá inda suniha kavghakavgha, nda skwiha ta maravata.

Danyel 2:47

Ka mgham nda Danyel guli mantsa: « Mantsa nzakwa ni, malaghu mala Lazglafta ghuni ta inda lazglaftaha. Tsatsi mgham Lazglafta ta ghəŋa mghamha. Ta marigiŋ mara ta skwiha nda ɗifa, kabga kligiŋtá kagha ta tsa suna ɗa nda ɗifa ya, » kaʼa.

Danyel 2:49

Ka ɗawaŋtá Danyel da mgham ta hlaftá i Sadrak nda Mesak, nda Ghaveɗnegu, ŋa valaŋtá slna nzaku ka mali ŋa nghapta ɗina ka haɗika Babila. Mantsa tama, ka hlaftá mgham ta həŋ ka pghata mantsa ya. Ta nzatá Danyel ka mnda vla hiɗaku ta wa tgha ga mgham.

Mata 24:22

Ka má haɗ ka Lazglafta ta htanaktá tsa fitik ya wu, ma haɗ mndu dzaʼa ndapta wa. Ama kabga gwal ya zabap tsi, ka htanaktá tsi ta tsa fitik ya.

Markus 13:20

Ka má fa a Lazglafta ta htanaktá tsa fitik ya wu katsi, ma haɗ mndu dzaʼa mbafta wa. Ama dzaʼa htanaghuhta ta tsa fitik ya, kabga gwal ɗagap tsi ŋa nzaku ka ŋa ni.

Slna gwal ghunay 3:12

Na nghay Piyer ta tsaya, kaʼa nda tsa mnduha ta tskadaghatá vgha ya mantsa: « Ariwa la Israʼila, kabgawu ta kəl kuni ka ndərmima mbatá na mndu na manda na na? Kabgawu ta kəl kuni ka vuʼa aŋni, manda skwi aŋni ta mbanaftá na mndu na nda mbrakwa ŋni? Ndiʼa ta vgha ŋni nda Lazglafta ta mbanaftá na mndu na ra?

La Ruma 8:28

Nda sna amu guli kazlay: Ŋa ɗinakwa taŋ mida ta maga Lazglafta ta inda skwi ŋa gwal ta ɗvuta, tsa gwal ghadu tsi ta zabuta daga taŋtaŋ ya.

2Kwa 4:15

Inda tsa skwiha ta magaku ya ná, ŋa kata kaghuni nzakwa ni, ŋa sga sliʼadamta mnduha mutsaftá zɗakatahuɗa Lazglafta. Mantsa tama, dzaʼa nda ndəgha mnduha ŋa rfa Lazglafta nda ya ŋa zləzlvay guli.