Danyel 2:21 - Hdi

²¹ Tsatsi ta mbəɗanaftá fitika skwi, nda skwi ta magaku tani. Tsatsi ta klagiŋtá mghamha ta pala, tsatsi ta faftá həŋ guli. Tsatsi ta vla ɗifil ŋa gwal nda ɗifil, nda snaŋtá skwi ŋa gwal nda mahizl ma ghəŋa taŋ guli.

Danyel 2:21 ပူးပေါင်းရင်းမြစ်များ

1Mgh 10:24

Ka zbə inda mnduha ta ghəŋa haɗik ta guyata nda Salumuŋ ŋa nzata ka sna tsa ɗifil vlaŋ Lazglafta ya.

1Mgh 3:28

Ka snaŋtá inda la Israʼila ta tsa tsatá guma mgham ya. Ka zləŋ həŋ nda zləŋa ta mgham, kabga nghadapta taŋ ná, mamu ɗifila Lazglafta ma ghəŋa ni ŋa tsa guma nda tva ni.

1Rus 22:12

Kweŋkweŋ ná, ka vlagha vla Yawe ta ndanu ɗina nda mahizl, ka dihaghata tsi ta ghəŋa la Israʼila, ŋa ŋanatá gha ta zlaha Yawe, Lazglafta gha.

1Rus 29:30

Ta rusay lu ma tsa ɗelewerha ya ta inda gá mghama ni, nda viɗakwa ni, nda skwiha ta slaslanaghata, nda la Israʼila, nda ya nda inda gá mghama sanlaha ma haɗikha ta wanaftá həŋ.

Asta 1:13

Ka gwaɗganatá mgham ta gwal nda ɗifil ma ghəŋa taŋ, gwal nda sna ta skwi, ka ɗawaŋtá hiɗaku da həŋ, kabga inda skwi ta nghanatá mgham ná, gwal ka mbirim ma snaŋtá zlahu, nda tva nzaku ta payay.

Sabi 31:3

Ndəghanaf ndəgha yu nda sulkuma ɗa, ŋa nzakwa ni nda ɗifil, nda mahizl, nda snaŋtá skwi, ŋa snaŋta ni ta maga inda slnaha,

Sabi 31:6

Ta ghəŋa tsa, fanava fa yu ta Uhuliyav zwaŋa Ahisamah ma mndəra la Daŋ ŋa kataŋta. Fanam fa yu ta ɗifil ta inda mnduha nda ɗifil ma ghəŋa taŋ, kada laviŋta həŋ ta maga inda skwi ya mnaghaf yu:

Danyel 1:17

Ka vlaŋtá Lazglafta ta tva snaŋta dganatá skwiha, nda mahizla dzaŋa inda vindi, nda ɗifil ta tsa galaɓayha fwaɗ ya. Ta ghəŋa tsa guli, nda sna Danyel ta paslaptá inda suniha kavghakavgha, nda skwiha ta maravata.

Danyel 10:1

Ta mahkəna vakwa mgham Sirus ta ga mgham ma Persiya, ka lagha sana gwaɗa da Danyel ta hgə lu ka Beltəsaʼtsar. Tsa gwaɗa ya ná, kahwathwata nzakwa ni: Dagala hwazlaɓaku ta mar tsi. Ka snaŋtá ta tsa gwaɗa ta lagha da tsi ya nda ma skwi manda suni.

Danyel 11:6

Tahula laba vakuha mida, ŋa dzrafta taŋ ta wi: Ŋa nzakwa dzratá wi mataba tsa haɗikha his ya ná, dzaʼa vla vla lu ka marakw ta makwa mgham nda ga maghura, ŋa mgham nda ga mazlay. Ama haɗ tsatsi dzaʼa katsafta wu, nzəɗavata a mbrakwa zəʼala taŋ guli wu, nzata a zwana taŋ guli wa. Dzaʼa vla vla lu ta tsatsi guli kawadaga nda mnduha ni, nda da ni, nda mndu ya ta hinistá dzvu ma tsa fitik ya.

Danyel 2:20

kaʼa mantsa: « Zləzləvama Lazglafta dər yawu tsi ŋa ɗekɗek, kabga ŋa ni ɗifil, nda mbraku tani.

Danyel 2:23

Ari Lazglafta dzidzíha ɗa, ta rfay yu ta kagha katakata, ta zləzləvay yu ta kagha, kabga vliha vla ka ta ɗifil, nda mbraku. Ndanana, ka sniɗimtá ka ta skwi ya ɗawaŋ ŋni da kagha, ka snaŋnamtá ka ta suna mgham, » kaʼa.

Danyel 2:9

Ama ka mniɗiŋ a kuni ta tsa suna ɗa ya wu katsi, ta tva turtuk dzaʼa tsaghunaghata yu ta guma ta inda kaghuni. Nza nda nza kuni ka dzrafta tsakalawi ŋa sagha ta kəma ɗa ŋa mnihata ŋa nana iʼi, ka kəzlay ka gagayakwa tsa fitik ya kəʼa. Ŋa iʼi ná, mniɗiŋwa mna ta tsa suna ɗa ya ndanana. Ka mniɗiŋ mna kuni katsi, dzaʼa nda sna yu kazlay na, dzaʼa laviŋ lava kuni ta mniɗiŋta klatá ghəŋa ni guli kəʼa, » kaʼa.

Danyel 4:14

Tsa skwi kura lu ya ná, gwal ta nghapta ta wa lilwa ta klagatá lwa ni. Tsa skwi hbaf lu ya guli ná, gwal nda ghuɓa ta mnafta, ŋa snaŋta inda skwi nda hafu mida kazlay Lazglafta Dagala ta nzanaghatá inda ga mgham ta gə mnda səla kəʼa. Tsatsi ta vla ga mgham ŋa mndu ya ta kum tsi, tsatsi ta ŋlanaftá mndu ya kul haɗ ghəzliwa ni.

Danyel 4:17

Nda ngha kagha ta tsa fu ta glafta dagala, nda mbra ta zaghu za da ghuvaŋataluwa luwa ya, nda ngha inda mnduha ta ghəŋa haɗik tender guli.

Danyel 4:22

Dzaʼa ghəzlighis ghəzla lu mataba mnduha, ŋa dzaʼa gha nzata mataba nimtak ma vwah. Dzaʼa zay ka ta kuzuŋ manda slaha. Dzaʼa nzaga nza wuninik ta luwa ta kagha. Ŋa nzakwa gha mantsa ka vaku ndəfáŋ ha ka snaŋta gha kazlay Lazglafta Dagala ta nzanaghatá inda ga mgham ta gə mnda səla kəʼa. Ta vlay guli ta ga mgham ŋa mndu ya kumaŋ tsi.

Danyel 4:32

Haɗ ghəzliwa mnduha ta haɗik ta kəma ni wa. Manda skwi ya ndanaŋ tsi ta maga tsi nda bakwa gwal vulu ta luwa, nda mnduha ta haɗik tani. Haɗ mndu dzaʼa huzliŋtá dzva ni wu, dər ŋa mnanata kazlay nahgani na ta mag ka na? kəʼa nda tsi wa.

Danyel 7:25

Dzaʼa brufay ni ta ŋasli ta Lazglafta Dagala, ŋa ghuyay ni ta ɗaŋwa ŋa mnduha nda ghuɓa ka ŋa Lazglafta. Dzaʼa zbay ta tva mbəɗanaftá fitika skaluha rfu, nda zlahuha mnduha Lazglafta, ŋa gay ni ta mgham ta ghəŋa taŋ ka vaku hkən nda maŋəzlawats.

Lukwa 21:15

Iʼi, dzaʼa ndanaghunaktá tva gwaɗaha nda ɗifil ŋa ŋarapta ghuni ta ghumaha ghuni, ŋa trapta taŋ ta skwi ŋa mbəɗay.

La Ruma 13:1

Ka haniŋhana inda mndu ta ghəŋ mista ŋumna, kabga inda mndu ta ga mgham ná, Lazglafta ta vlaŋtá həŋ, Lazglafta ta fata ŋumna.

1Kwa 1:30

Lazglafta ta ndiʼaghunaftá nda Yesu Kristi, ka famatá tsi ta Yesu Kristi ka mnda vlamatá ɗifil. Nda ma Yesu namafta Lazglafta ka mndu tɗukwa ta wa ira ni, ka fatá amu ka mnduha ni, ka varagaptá tsi ta amu ma dmaku.

Yakubu 1:17

Inda skwi ya ta ɗinuta, nda inda mbəhu ya kul haɗ sana skwi ta ghəŋa ni ná, ta luwa ta saha tsi, da Lazglafta ta nzakway ka Da ni ma tsuwaɗakha. Haɗ tsatsi ta mbəɗavafta wa, haɗ sana skwi ta zawataku ka grum da tsatsi wa.

Yakubu 1:5

Ka mamu sana mndu mataba ghuni pɗugudunus ɗifil katsi, ka ɗawa tsi da Lazglafta, dzaʼa vlaŋ vla. Ta muvla Lazglafta nda inda mndu, ta vlay nda zɗaku.

Suna Yuhwana 19:16

« Rveri ta ghəŋa rveriha, Mgham ta ghəŋa mghamha, » ká lu vindaftá hgu ta lguta ni nda ya ta rkufa ni.