Danyel 2:2 - Hdi

² Ka mgham mantsa: « Hagigiɗaghawa haga ta gwal vza mandaŋ, nda gwal dzugwa zlazləra, nda ɗəghaha, nda slayaŋha, ka mnihata həŋ ta tsa suna ɗa ya, » kaʼa. Ka sliʼadaghatá tsa mnduha ya ta kəma mgham.

Danyel 2:2 ပူးပေါင်းရင်းမြစ်များ

Zlrafta 41:8

Tsaɗata vli, ta ndan Firʼawna. Ka hagaktá tsi ta inda ɗəghaha ni, nda inda gwal nda ɗifil ma ghəŋa taŋ ma Masar. Ka rusanaftá tsi ta həŋ ta tsa suniha ni ya. Sew haɗ mndu ta laviŋta paslanaptá tsa suniha ni ya wa.

Asta 1:13

Ka gwaɗganatá mgham ta gwal nda ɗifil ma ghəŋa taŋ, gwal nda sna ta skwi, ka ɗawaŋtá hiɗaku da həŋ, kabga inda skwi ta nghanatá mgham ná, gwal ka mbirim ma snaŋtá zlahu, nda tva nzaku ta payay.

Sabi 7:11

Ka hagaktá Firʼawna ta gwal nda ɗifil ma ghəŋa taŋ nda ɗəghaha tani. Tsa ɗəghaha ma Masar ya, ka magatá hahəŋ guli ta ŋa taŋ manda va tsaya nda má ɗəgha ɗəgha taŋ.

Danyel 1:20

Ka mamu sana skwi ta ɗawaŋta mgham, tsaw tsa skwi ya, ta zbay ta ɗifil nda mahizl katsi ná, malaghu mala zɗakwa ŋa taŋ zlghatá wi ghwaŋ səla ta ŋa gwal vza mandaŋ, dzugwa zlazləra, ya ta haɗika ga mghama ni.

Danyel 1:4

Tsa galaɓayha ya ná, gwal kul haɗ maslivinza ta həŋ katsi. Nda mbaza ka həŋ ma kuma, nda nza ka həŋ ka gwal nda ɗifil ma ghəŋa taŋ, ka gwal nda mahizl ma ghəŋa taŋ, nda ya ka gwal nda sna ta tsislaptá skwi katsi guli, ŋa pərɗafta taŋ ta ksanatá slna ta mgham, ka taghanafta ka ta həŋ ta gwaɗa la Babila nda skwiha ma ɗelewerha taŋ tani, » kaʼa.

Danyel 2:10

Ka tsa ɗəghaha ya guli mantsa: « Rvera ɗa, haɗ mnda səla dər turtuk ta na ghəŋa haɗik na, dzaʼa laviŋta zlghaftá wa na skwi ta ɗawu mgham na wa. Va ni ná, haɗ mgham dər turtuk, dər kinawu sgita ni nda mbrakwa ni tani, ta kəɗ ɗawaŋtá mndərga skwi manda nana dər turtuk səla, da gwal vza mandaŋ, nda gwal dzugwa zlazləra, nda slayaŋha wa.

Danyel 2:27

Ka Danyel ta kəma mgham mantsa: « Haɗ gwal nda ɗifil ma ghəŋa taŋ, gwal dzugwa zlazləra, nda gwal vza mandaŋ, nda gwal tsatsa skwi, dzaʼa laviŋta rusanaftá mgham ta tsa skwi nda ɗifa ɗawaŋ tsi ya wa.

Danyel 3:8

Gi ma va tsa fitik ya, ka lagha sanlaha ma mnduha la Kaldiya pgha rutsak ta la Yahuda.

Danyel 4:3

Mantsa tama, “hagigiɗaghawa haga ta inda gwal nda ɗifil ma ghəŋa taŋ ma Babila, ŋa mnihata taŋ ta klatá ghəŋa tsa suna ɗa ya,” ka yu mnata.

Danyel 4:6

“Beltəsaʼtsar mali ta ghəŋa gwal vza mandaŋ, nda sna yu kazlay na mamu sulkuma lazglaftaha nda ghuɓa ma kagha kəʼa. Haɗ sana skwi nda ɗifa ta traghaghata wa. Mniha mna ta klatá ghəŋa tsa skwiha nghaŋ yu ma suni ya,” ka yu.

Danyel 5:7

Ka gwaɗatá mgham nda lwi dagala dagala: « Hagigiɗaghawa gwal dzugwa zlazləra, nda ɗəghaha, nda gwal tsatsa skwi ya, » kaʼa. Ka mgham nda tsa gwal nda ɗifil ma ghəŋa taŋ ma Babila ya mantsa: « Mndu ya ta laviŋta dzaŋaftá na skwi vindaf lu na, mnihaha ta klatá ghəŋa ni, dzaʼa suɗanava suɗa yu ta lguta mamgham mgham, dzaʼa suɗanam suɗa yu guli ta ziɗa dasu ma lwi. Dzaʼa nzakway guli ka mahkəna vla nzaku ma na ga mgham na, » kaʼa.

1Sam 6:2

Ka hagaftá la Filisti ta gwal dra skwi ŋa lazglaftaha taŋ, nda gwal ta ga ɗəgha, ka həŋ mantsa: « Nu dzaʼa mu magay nda na akwata Yawe na? Mnamawa mna ká mu dzaʼa vriŋta dzagha ni, » ka həŋ.