Danyel 12:7 - Hdi

⁷ Ka kapaftá tsa mndu ta suɗavatá lguta liŋ ta sladu nda ta ghəŋa zala ya ta dzvuha ni nda ta luwa, ka snaŋta yu ta mnata ni: « Ta waɗa waɗa yu nda hga Lazglafta ta nzakw ŋa kɗekedzeŋ. Tsa skwiha dzaʼa magaku ya ná, dzaʼa nzəɗava nzəɗa ka vaku hkən nda maŋəzlawats. Inda tsa skwiha ya ná, baɗ kɗatá mbrakwa mnduha nda ghuɓa ɗekɗek, dzaʼa hɗamta həŋ, » kaʼa.

Danyel 12:7 ပူးပေါင်းရင်းမြစ်များ

Danyel 10:5

ka klaŋtá yu ta ghəŋ, ka nghaŋtá yu ta sana mndu nda suɗatá lguta liŋ ta vgha ni, nda hbatá ɓanava dasa Ufaz misti.

Danyel 11:13

Dzaʼa hləglaf hla mgham nda ga mazlay ta sana sludziha ta ndəghuta ka malaghutá katakata ta tsa taŋtaŋ ya. Tahula luta vakuha mida, ŋa vrəgladaghata ni nda tsa ndəghuta sludziha ya, nda huzla vulu ya dagala dagala.

Danyel 12:6

Ka sani ma həŋ nda tsa mndu ta suɗavatá lguta liŋ ta sladu nda ta ghəŋa zala ya mantsa: « Yawu dzaʼa kɗavakta na mandərmimiha na na? » kaʼa.

Danyel 12:8

Iʼi Danyel, nda sna yu ta tsa gwaɗa ya mndani, ama sna a yu ta klatá ghəŋa ni wa. Ka yu mantsa: « Rvera ɗa, kinawu kɗavakta nana skwiha na? » ka yu.

Danyel 4:31

Tahula luta tsa vaku ndəfáŋ ya tama, ka Nevuhadnetsar mantsa: « Ka kapaŋtá yu ta ghəŋ ka nghadafta nda ta luwa, ka vrəglaktá mahizl da ghəŋa ɗa. Ka rfu yu ta Lazglafta Dagala. Ka fə yu ta laha, ka va zləzləvay. Ka ghubu yu ta Lazglafta ŋa kɗekedzeŋ: Dzaʼa gay ta mghama ni ta inda zamanaha, mbrakwa ni guli ná, dzaʼa nza nza ŋa inda zamanaha.

Danyel 4:34

Ndana tama, iʼi Nevuhadnetsar ná, ta fa laha yu ka zləzləva mgham dagala ta luwa. Inda skwi ta mag tsi ná, kahwathwata ni nzakwa ni. Tɗukwa tɗukwa inda slna ta mag tsi guli. Mamu nda mbrakwa vraganatá gwal ta gla ghəŋ, » kaʼa.

Danyel 7:21

Ka va nzata yu ka nghay, ka sliʼaftá tsa duli ya da vulu nda mnduha nda ghuɓa ka ŋa Lazglafta, ka va zə tsi ta ghwa ta ghəŋa taŋ,

Danyel 7:25

Dzaʼa brufay ni ta ŋasli ta Lazglafta Dagala, ŋa ghuyay ni ta ɗaŋwa ŋa mnduha nda ghuɓa ka ŋa Lazglafta. Dzaʼa zbay ta tva mbəɗanaftá fitika skaluha rfu, nda zlahuha mnduha Lazglafta, ŋa gay ni ta mgham ta ghəŋa taŋ ka vaku hkən nda maŋəzlawats.

Danyel 8:14

Kaʼa nda iʼi mantsa: « Dzaʼa lula hawu nda sərɗək dəmbuʼ his nda hkən dərmək (2.300) karaku. Tahula tsa, ŋa ghuɓəglaptá tsa vli nda ghuɓa ya ŋa magəgəltá slna nda tsi, » kaʼa.

Danyel 8:24

Dzaʼa sgaku mbrakwa ni, ama ŋa vərɗa tsatsi a tsa mbraku ya wa. Dzaʼa hwanzaɓiŋ hwanzaɓa ta inda skwi nda mbraku ya ŋa ndraʼuwa nda ndraʼuwa. Dzaʼa zay ta ghwa ma inda skwi dzaʼa tsi magay. Dzaʼa psla psla ta gwal nda mbra nda mbra, nda mnduha nda ghuɓa ka ŋa Lazglafta.

Lukwa 21:14

Wya skwi ŋa famta ghuni ma ghəŋ: Yaha kuni laghu da ndanay ká kuni dzaʼa waraptá ghəŋa ghuni.

Lukwa 21:24

Dzaʼa psla psla lu ta həŋ nda kafay nda za, dzaʼa hlagha hla lu ta həŋ da ga vuʼa mataba mndəra sana mnduha. Dzaʼa tasiŋ tasa gwal kul snaŋtá Lazglafta ta luwa Ursalima, ha ka kɗaghuta fitika gay taŋ ta mgham. »

Vrafta ta zlahu 26:19

kada kapaghunafta tsi ta ghəŋa inda mndəra mnduha ya magaf tsi, ŋa ghubay lu ta kagha, ŋa kulay lu ta kagha, ŋa nzakwa gha ka mndu nda sgit tida, ŋa nzakwa gha ka mndu nda ghuɓa ŋa Yawe, Lazglafta gha, manda ya mna gha tsi ya, » kaʼa.

Vrafta ta zlahu 32:36

Dzaʼa tawa tawa Yawe ta hiɗahiɗa ta kwalvaha ni, ŋa dganatá ni ta guma ta həŋ kazlay tɗukwa kaghuni kəʼa, nghər tsi ta htatá mbrakwa taŋ, ta haɗ pɗakwa mndu dər vuʼa tsi, dər mndu nda pla vgha ni a tsi.

Vrafta ta zlahu 32:40

Wana yu ta kapaftá dzva ɗa nda ta luwa, kazlay na: “Ta waɗa waɗa yu nda hafa ɗa:

Vrafta ta zlahu 7:6

kabga nda fa kaghuni ka ŋa Yawe, Lazglafta ghuni. Tsatsi ta zbaptá kaghuni mataba inda mnduha ta ghəŋa haɗik ŋa nzakwa ghuni ka mnduha ni nda sgit ta həŋ.

1 Piyer 2:9

Ama kaghuni ya, nda nza kaghuni ka mndəra mndu zabap Lazglafta, ka guyata ghəŋa gwal ta vla skwi ŋa Lazglafta, ka gwal faghu Lazglafta ka ŋa ni. Tsatsi ta hagaftá kaghuni ka hlagaghunapta ma grusl, ka pghaghunamta ma tsuwaɗak ta ndərmim lu nda ndərmima, ŋa mna skwi maga tsi ta malaghutá mbraku.

Suna Yuhwana 12:14

Ka vlaŋtá lu ta zlambakha his manda ŋa dzala ta tsa marakw ya, ŋa ndraghata ni da mtak da vli ya payanaf Lazglafta, ŋa kwala nahaɗik ɓhanavata. Hada dzaʼa zunusta lu ta skwa zay ka vaku hkən, fwaɗ ka maŋəzlawats.

Suna Yuhwana 12:6

Ta hwayaghatá tsa marakw ya da mtak, da vli ya payaf Lazglafta, ŋa zunustá skwa zay hada ka fitik dəmbuʼ nda his dərmək nda mkuʼ mbsak.

Suna Yuhwana 13:5

Ka vlaŋtá lu ta tvi gi ka ghərɓə tsi ta ghərɓaku ka raraza Lazglafta. Ka vlaŋtá lu ta mbrakwa magay manda tsaya ka tili fwaɗ mbsak his mida.

Suna Yuhwana 4:10

ta zlambatá tsa galata mnduha hisambsak fwaɗ mida ya ta kəma Lazglafta ta nzaku ta dughurukwa ga mgham. Ta tsəlɓu həŋ ta tsəlɓu ta kəma Lazglafta ya nda hafu ŋa kɗekedzeŋ ya, ta hlapta həŋ ta tsa zewazewaha ma ghəŋa taŋ ya ka pghata ta kəma tsa dughurukwa ga mgham ya. Ka həŋ mantsa:

Suna Yuhwana 4:9

Ta vlə tsa skwiha fwaɗ nda hafu mida ya ta glaku nda zləzlvu, ka rfa Lazglafta ta nzaku nda hafu ŋa kɗekedzeŋ, ta nzaku ta dughurukwa ga mgham ya,