Ama ka ksaŋtá sana mndu ta gara vgha nda mnda səla ta wubisima ɗa. Ka gunglatá yu ta wi, ka gwaɗ yu ta gwaɗa. Ka yu nda tsa mndu ta sladu ta vata iʼi ya mantsa: « Rvera ɗa, ta ghudzaku yu katakata, dabga na suni na ná, ta haɗ mbraku ma iʼi wa.
Kagha Danyel, ka ŋamta ka ta na gwaɗa na ma ghəŋa gha, ka ŋərzlanata ka ta na ɗelewer na ha ka sagha tsa kɗavakta fitik ya. Dzaʼa nda ndəgha gwal dzaʼa hwahwayaku lab nda ya, lab nda ya, ka zba sgavaghata ma snaŋtá skwi, » kaʼa.