Danyel 12:10 - Hdi

¹⁰ Nda ndəgha mnduha dzaʼa ghuɓiŋta nzakwa taŋ, ka ɓanafta, ka sluwapta, ama dzaʼa gɗava gɗa ghwaɗaka mnduha ma maga ghwaɗaka skwiha taŋ. Haɗ ghwaɗaka mndu dər turtuk dzaʼa laviŋta snaŋtá tsa skwiha ya wu, ama dzaʼa nda sna gwal nda mahizl ma ghəŋa taŋ.

Danyel 12:10 ပူးပေါင်းရင်းမြစ်များ

Danyel 11:33

Dzaʼa taghanaf tagha gwal nda ɗifil ma ghəŋa taŋ ta pgha mnduha ta skwi ta ndəghata mnduha. Ama dzaʼa mamu fitik dzaʼa pslata lu nda kafay ta sanlaha mataba taŋ. Dzaʼa driŋta nda dra lu ta sanlaha, dzaʼa pgham pgha lu ta sanlaha da gamak tahula hlaghutá huzla taŋ.

Danyel 11:35

Mataba tsa gwal nda ɗifil ma ghəŋa taŋ ya ná, nda ndəgha gwal dzaʼa rwuta. Dzaʼa nzakway tsa rwakwa taŋ ya ŋa ghuɓiŋtá mnduha, nda ya ŋa sluwapta, nda ya ŋa ɓanaftá həŋ ha ka sagha kɗavakta fitik, kabga kɗavakta ni ná, dzaʼa sagha sa ma fitik ya tsaf lu.

Danyel 12:3

Gwal nda mahizl ma ghəŋa taŋ ya, dzaʼa wuɗaku hahəŋ manda wuɗakwa ghuvaŋata luwa. Gwal ta taghanaftá nzaku tɗukwa ta ndəghata mnduha ya guli, dzaʼa wuɗaku hahəŋ manda tekwatsa ŋa kɗekedzeŋ, haɗ kɗavakta ni wa.

Markus 4:11

« Kaghuni, vlaghuna vla lu ta snaŋtá ɗifa ta gwaɗa ta ghəŋa ga mghama Lazglafta, ama ŋa sanlaha ná, ba nda mahdihdi dzaʼa mnanaŋta lu ta həŋ,

Lukwa 24:25

Ka Yesu nda həŋ mantsa: « Mnduha kul haɗ mahizl ma ghəŋa taŋ, ta daramay nda darama ta zlgha inda skwi mna la anabi!

Yuhwana 18:37

« Tsaw va mgham kagha rke? » ka Pilat nda tsi. « Manda va tsa mna ka ya, Mgham yu. Yaya lu ta iʼi ŋa sagha mnaŋtá kahwathwata ma na ghəŋa haɗik na. Inda mndu ta nzakway ka ŋa kahwathwata ná, ta snay ta gwaɗa ɗa, » ka Yesu.

Yuhwana 7:17

Ka fa fa mndu ta ghəŋa ni ka maga skwi ta kum Lazglafta, dzaʼa nda sna ka ta sagha da Lazglafta na skwi ta tagh yu na tsi, ka ta klaʼata ma ghəŋa ɗa a yu.

Yuhwana 8:47

Mndu ya nda nza ka ŋa Lazglafta ná, ta snay ta gwaɗa Lazglafta. Kaghuni, sna a kuni ta gwaɗa Lazglafta wu, kabga nza a kuni ka ŋa ni wu, » ka Yesu nda həŋ.

1Kwa 6:11

Manda tsaya si nzatá nzakwa sanlaha mataba ghuni ghalya. Ndana tama, Sulkuma Lazglafta mu ta ghuɓaghunata, ka nzatá kuni hezleʼ, ka naghunafta ka ŋərma mndu kabga zlghafta ghuni ta Mghama mu *Yesu *Kristi.

2Kwa 7:1

Zwana ma ɗa, ya mantsa ya ka lu tamaftá imi ta sləməŋ ya ná, suɗapma ghəŋa mu ma skwi dzaʼa ŋəriŋtá vgha mu nda ŋuɗufa mu. Ka kɗanakta mu ta nzakwa mu hezleʼ ma zləŋa Lazglafta.

Titus 2:14

ta vlatá ghəŋa ni ka mtuta ma vla mu ŋa varagamapta ma dmakwa mu, ŋa nzakwa mu ka gwal nda ghuɓa ta kəma ni, kada nuta mu ka mnduha ni ta mama maga ŋərma slnaha inda fitik.

Hebru 12:10

Ta zlahay dadaha mu ta amu ŋa fitik kwitikw, manda ya ta gradapta həŋ kazlay: Ma dzaʼa ɗina mantsa kəʼa. Ama Lazglafta ná, ŋa kata amu ta zlaha tsi ta amu, ŋa mutsay mu ta mayaka mu ma tsa nzakwa ni nda ghuɓa ya.

1 Piyer 1:22

Nda nza kuni ka gwal nda ghuɓa, ma snanata ghuni ta gwaɗa Lazglafta, ŋa ɗvuta ghuni ta zwana ma ghuni nda ŋuɗufa ghuni. Gɗawa gɗa tama ta ɗvuvustá vgha ghuni kahwathwata nda ŋuɗuf turtuk.

1 Piyer 1:7

Tsa skwiha ta dzəgha kaghuni ya ná, nda nza ŋa maraŋtá nzakwa zlghay nda ŋuɗufa ghuni. Ta ɓadzaku na dasu mndani, ama ta fam fa lu ma vu ŋa nghay ka vərɗa ni tsi, ka ki tsi. Mantsa ya nzakwa ni guli nda zlghay nda ŋuɗufa ghuni ta malapta ka dasu ya. Mantsa ya tama, ŋa klaghunaktá tsa zlghay nda ŋuɗufa ghuni ya ta zləzlvu, nda glaku, nda sgit, baɗu tsa fitik dzaʼa zlagapta Yesu Kristi ya.

1 Yuhwana 5:20

Nda sna amu guli kazlay: Sasa Zwaŋa Lazglafta ta ghəŋa haɗik ka vlamatá tsi ta ɗifil ŋa snaŋtá vərɗa Lazglafta kəʼa. Ka ndiʼaftá mu ta vgha nda vərɗa Lazglafta nda ya nda zwaŋa ni *Yesu *Kristi. Tsatsi ná, vərɗa Lazglafta ta vlamatá hafu ŋa kɗekedzeŋ ya.

Suna Yuhwana 16:11

Ka raz həŋ ta Lazglafta ta luwa ta ghəŋa lukwa taŋ, nda ghuya ɗaŋwa taŋ. Ka kwalaghutá həŋ ta paya tva taŋ ma slnaha taŋ.

Suna Yuhwana 19:14

Mbaɗa la sludziha ta luwa ka sliʼi mista ni ta plis ka ŋusliŋ ka ŋusliŋ, nda susuɗata lgutha kulefeɗfəɗa, ka ŋusliŋ ka ŋusliŋ, nda ghuɓa nda ghuɓa guli.

Suna Yuhwana 19:8

Vlaŋ vla lu ta tvi ŋa suɗavatá lgut kulefeɗfeɗa, ta wuɗaku, nda ghuɓa guli, » kaʼa. « Tsa lgut kulefeɗfeɗa ya ná, slna tɗukwa maga mnduha Lazglafta ya. »

Suna Yuhwana 22:11

Ka ghwaɗaka skwi kumaŋ mndu ta magay ya, kɗayni ta maga ghwaɗaka skwa ni. Ka skwi ŋa mbiɗay nda mbiɗa kumaŋ mndu ta magay ya, kɗayni ta magay. Ka nzaku tɗukwa kumaŋ mndu ta magay ya guli, kɗayni ta magay. Mndu ya nda ghuɓa ya, ka kɗa tsi ta nzakwa ni nda ghuɓa, » kaʼa.

Suna Yuhwana 3:18

Hiɗaku ya ta vlə yu ŋa gha ná, skwa da iʼi ta dasu ya sluwap lu ma vu, ka da nzakwa ka, ka gadghəl. Skwa guli ta lguta ŋusliŋ ŋa suɗavata gha, ka bukwanatá hula nzakwa gha ka fərdiʼu. Skwa ta ghwana skwi ta iri ŋa ta ira gha, kada nghaŋta ka ta vli.

1Sam 24:13

Yawe dzaʼa tsa guma mataba kagha nda iʼi! Tsatsi dzaʼa plaghamtá ghwaɗaka skwi ya ta mag kagha ŋa ɗa, ama iʼi, haɗ yu dzaʼa faftá dzva ɗa ta kagha wa.