Danyel 11:27 - Hdi

²⁷ Tsa mghamha his ya ná, ta kuwa turtuk dzaʼa za həŋ ta skwa zay, ama ma ŋuɗufa taŋ ná, zba maganatá ghwaɗaka skwi ta sani skwi ta kum həŋ. Tsakalawi yeya skwi ma wa taŋ. Ka bətbət skwi ta gwaɗ həŋ guli, kabga kɗavakta ni ná, dzaʼa sagha sa ma fitik ya tsaf lu.

Danyel 11:27 ပူးပေါင်းရင်းမြစ်များ

2Sam 13:26

Ka Avsalum mantsa: « Ka si va a kagha ta dzaʼa wu, vlaŋ vla ta tvi ta zwaŋa da ɗa Amnuŋ, ka dzaʼa tsi mista ŋni, » kaʼa. Ka mgham nda tsi mantsa: « Kabgawu dzaʼa kəl tsi ka dzaʼa mista gha na? » kaʼa.

Danyel 10:1

Ta mahkəna vakwa mgham Sirus ta ga mgham ma Persiya, ka lagha sana gwaɗa da Danyel ta hgə lu ka Beltəsaʼtsar. Tsa gwaɗa ya ná, kahwathwata nzakwa ni: Dagala hwazlaɓaku ta mar tsi. Ka snaŋtá ta tsa gwaɗa ta lagha da tsi ya nda ma skwi manda suni.

Danyel 11:28

Dzaʼa vraghu vra mgham nda ga mazlay ta haɗika ni, nda skwa gadghəl katakata. Ma ŋuɗufa ni, dzaʼa ndanay ta gruŋtá mnduha dzratá wi nda ghuɓa. Dzaʼa magay nda həŋ ta skwi ya kumaŋ tsi ma ŋuɗufa ni, ma kɗaku tsi vraghuta dzagha ni.

Danyel 11:29

Maga ta tsa fitik ya, dzaʼa vrəgladagha vra gruŋtá ga mgham nda ga maghura, ama haɗ skwi ta dzaʼa magəglaku manda tsa ta luta taŋtaŋ ya wa.

Danyel 11:35

Mataba tsa gwal nda ɗifil ma ghəŋa taŋ ya ná, nda ndəgha gwal dzaʼa rwuta. Dzaʼa nzakway tsa rwakwa taŋ ya ŋa ghuɓiŋtá mnduha, nda ya ŋa sluwapta, nda ya ŋa ɓanaftá həŋ ha ka sagha kɗavakta fitik, kabga kɗavakta ni ná, dzaʼa sagha sa ma fitik ya tsaf lu.

Danyel 11:40

Ka sagha sa tsa kɗavakta fitik ya, dzaʼa liŋ la mgham nda ga maghura guk nda vulu ta mgham nda ga mazlay. Ama ŋa valafta mgham nda ga mazlay tida nda mwataha plisa ni, nda sludziha ni ta plisha, nda ndəghata kwambaluha tani. Dzaʼa lam la nda sludziha ni da ndəghata haɗikha. Dzaʼa tsughwaɗap tsughwaɗa həŋ ta makuma manda zala ta ndəghuta.

Danyel 8:17

Ka gavadaghatá Gabriyel da tsa vli hada yu ya, ka ksaftá zləŋ ta iʼi, ka zləmbatá yu zlumbruh ta haɗik. Ama kaʼa nda iʼi mantsa: « Sna ɓa zwaŋa mndu, nda ra ka snaŋta gha kazlay na kɗavakta fitik ta mar na skwi nghaŋ ka na kəʼa, » kaʼa.

Danyel 8:19

Tahula tsa, kaʼa nda iʼi mantsa: « Dzaʼa mna gha mna yu ta skwi dzaʼa magaku ma kɗavakta fitik gufatá ŋuɗufa Lazglafta, kabga mamu fitik tsaf lu ŋa kɗavakta ni.

Slna gwal ghunay 1:7

« Nghaghunaŋ a snaŋta ka ta wati luwa, nda ya ka ta wati fitik tsafta Da ta ga mgham ya ta nghanata wa.

Slna gwal ghunay 17:31

kabga fa fa ta fitik ŋa tsanaghata guma nda tva ni ta inda ghəŋa haɗik. Zbap zba Lazglafta ta mndu ŋa maga tsaya ka sliʼaganaptá tsi mataba gwal nda rwa. Manda tsaya maranaŋta Lazglafta ta inda mndu kazlay: Tsatsi vərɗa mnda tsa guma zbap yu, » kaʼa.

1Tes 5:1

Zwana ma ɗa, pahəgla a kuni ta vindaghunafta ka ta wati fitik, nda ya ka ta wati luwa dzaʼa magakwa tsa skwiha ya wa.