Danyel 11:21 - Hdi

²¹ Dzaʼa lam la sana falaya mndu da vla ni, sana mndu ya dzaʼa kwal lu walaŋtá vlaŋta sgita mamgham mgham. Manda gatsuwa dzaʼa lama tsi ka klaghutá ga mgham ma fitika nzakwa haɗik ta ɗughwana ɗughwana.

Danyel 11:21 ပူးပေါင်းရင်းမြစ်များ

Danyel 11:20

Dzaʼa sab sa sana mgham da vla ni, dzaʼa ghunaftá sana mali ŋa tsəka dzumna ŋa vlaŋtá glaku ta ga mghama ni. Ama tahula fitik kwitikw kweŋkweŋ, dzaʼa pslanap psla lu, nda ma gufatá ŋuɗuf a wu, nda ma vəl vulu a guli wa.

Danyel 11:32

Dzaʼa gataf gata tsa mgham ya ta mnduha ka nanaghatá gwal ta zlanavata dzratá wi. Ama gwal nda sna ta Lazglafta taŋ ya ná, dzaʼa gɗava gɗa hahəŋ ta ŋavata nda mbraku.

Danyel 11:34

Ma tsa fitik dzaʼa ghuy həŋ ta ɗaŋwa ya, kiʼa nda kiʼa dzaʼa mutsafta həŋ ta katu. Mataba tsa gwal dzaʼa gwaftá vgha nda həŋ ya ná, nda maɗgwirmaɗgwir magata həŋ.

Danyel 11:7

Dzaʼa nzam nza sana mndu mataba mndəra taŋ ma vla mgham nda ga maghura. Dzaʼa sliʼaf sliʼa da gruŋta nda vulu ta sludziha mgham nda ga mazlay. Dzaʼa lam la da matsaka huzla ni. Dzaʼa psla psla ta tsa sludziha ya nda vulu ŋa zata ni ta ghwa,

Danyel 4:17

Nda ngha kagha ta tsa fu ta glafta dagala, nda mbra ta zaghu za da ghuvaŋataluwa luwa ya, nda ngha inda mnduha ta ghəŋa haɗik tender guli.

Danyel 7:8

Ka nzatá yu ka ngha tsa duliha ya, gi ka zlagaptá sana duli ka lfiɗ, kiʼa nzakwa ni ta ɗyagapta ma takataka tsa sanlaha ya. Ka zlaɗiŋtá lu ta tsa duliha hkən taŋtaŋ ya ŋa ɗyagafta tsa kiʼa ya. Mamu iriha tsa duli ya manda ŋa mnda səla. Mamu wubisima ni ta mna gwaɗa gla ghəŋ dzeʼdzeʼ. »

Danyel 8:23

Lagha tsa ga mghamha taŋ ya ta kɗavakta fitika taŋ, kɗanakha tsa gwal ta maga bisibisi ya ta inda dmakwa taŋ ya, dzaʼa səglapa sa sana mgham kul haɗ ta tawa hiɗahiɗa ɗekɗek, viɗviɗ ka nanaghatá mnduha nda slna ni.

Danyel 8:25

Ma tsa viɗakwa ni ya dzaʼa katsafta tsi nanaghatá sanlaha. Ma ndana ni ná, dzaʼa glanaf gla ta ghəŋa ni, ŋa zaɗanata ni ta ndəghata mnduha gwal ta ndanay kazlay na nda katá aŋni kəʼa. Dzaʼa liŋ la ta mgham ta ghəŋa mghamha. Ama dzaʼa zaɗana zaɗa lu ta tsatsi, haɗ dzva mndu dzaʼa ksaŋta wa.

Danyel 8:9

Ka ɗyagaptá sana zwaŋa duli kiʼa ta sani ma tsa duliha tsa dugzum ya. Ka glaftá tsi griŋ zur nda ga maghura, nda ya nda ma mndəra luwa, nda ya nda təv haɗik ta ɗinuta katakata.

1Sam 3:13

Snanam sna yu kazlay na dzaʼa tsanagha tsa yu ta guma ta la ga taŋ ŋa ɗekɗek dabga krughuva ni, kəʼa: Nda sna kazlay ta raza Lazglafta zwana ni, zlahanagha a ta həŋ wu, kəʼa.