Danyel 11:13 - Hdi

¹³ Dzaʼa hləglaf hla mgham nda ga mazlay ta sana sludziha ta ndəghuta ka malaghutá katakata ta tsa taŋtaŋ ya. Tahula luta vakuha mida, ŋa vrəgladaghata ni nda tsa ndəghuta sludziha ya, nda huzla vulu ya dagala dagala.

Danyel 11:13 ပူးပေါင်းရင်းမြစ်များ

Danyel 11:12

Manda zuta lu ta tsa ghuɓa gwal vulu nda ga mazlay ya, dzaʼa ghərɓay mgham nda ga maghura ta ghərɓaku. Dzaʼa rwana rwa ta dəmbuʼata mnduha, kulam nda tsa, haɗ tsa mbrakwa ni ya dzaʼa nzəɗavata wa.

Danyel 11:14

Ma tsa fitik ya, nda ndəgha mnduha dzaʼa ganavatá sidi ta mgham nda ga maghura. Mataba mnduha gha tani Danyel, dzaʼa sliʼavafta gwal ta maga bisibisi ŋa hɗamtá skwi ya mnaŋ lu manda skwi ma suni ya, ama dzaʼa trap tra həŋ.

Danyel 11:40

Ka sagha sa tsa kɗavakta fitik ya, dzaʼa liŋ la mgham nda ga maghura guk nda vulu ta mgham nda ga mazlay. Ama ŋa valafta mgham nda ga mazlay tida nda mwataha plisa ni, nda sludziha ni ta plisha, nda ndəghata kwambaluha tani. Dzaʼa lam la nda sludziha ni da ndəghata haɗikha. Dzaʼa tsughwaɗap tsughwaɗa həŋ ta makuma manda zala ta ndəghuta.

Danyel 12:7

Ka kapaftá tsa mndu ta suɗavatá lguta liŋ ta sladu nda ta ghəŋa zala ya ta dzvuha ni nda ta luwa, ka snaŋta yu ta mnata ni: « Ta waɗa waɗa yu nda hga Lazglafta ta nzakw ŋa kɗekedzeŋ. Tsa skwiha dzaʼa magaku ya ná, dzaʼa nzəɗava nzəɗa ka vaku hkən nda maŋəzlawats. Inda tsa skwiha ya ná, baɗ kɗatá mbrakwa mnduha nda ghuɓa ɗekɗek, dzaʼa hɗamta həŋ, » kaʼa.

Danyel 4:16

Ɓats nzəɗa Danyel ta hgə lu ka Beltəsaʼtsar ta nzaku dgəma ma ndanu, ka ksaftá zləŋ katakata. Ka mgham nda tsi mantsa: « Beltəsaʼtsar, ma kɓə tsa suni nda klatá ghəŋa ni ya ta kagha, » kaʼa. Ka Beltəsaʼtsar mantsa: « Rvera ɗa, má ka ŋa gwal husaŋ ka ta həŋ kumaŋta yu ta nzakwa na suni na. Klatá ghəŋa ni ya guli ná, má ŋa ghumaha gha má katsi.