Danyel 11:10 - Hdi

¹⁰ Dzaʼa gaf ga zwana mgham nda ga mazlay ta sidi, ka tsakanatá ghuɓa gwal vulu ta ndəghuta katakata. Dzaʼa sliʼaf sliʼa həŋ da vulu, dzaʼa tsughwaɗap tsughwaɗa həŋ ta makuma manda zala ta ndəghuta nda vulu ha da matsaka huzla mgham nda ga maghura.

Danyel 11:10 ပူးပေါင်းရင်းမြစ်များ

Danyel 11:22

Dzaʼa faɗiŋ faɗa ta kəma ni ta sludziha ta nzakway manda mghama zala, ka huʼanaptá həŋ demdem. Mantsa ya guli nda mala mnduha dzratá wi.

Danyel 11:26

Gwal ta zə tsi ta skwi zɗa zɗa ta kuwa turtuk dzaʼa zləmbiŋta. Dzaʼa zlambu zlamba sludziha ni, nda ndəgha gwal dzaʼa rwanata lu sinak.

Danyel 11:7

Dzaʼa nzam nza sana mndu mataba mndəra taŋ ma vla mgham nda ga maghura. Dzaʼa sliʼaf sliʼa da gruŋta nda vulu ta sludziha mgham nda ga mazlay. Dzaʼa lam la da matsaka huzla ni. Dzaʼa psla psla ta tsa sludziha ya nda vulu ŋa zata ni ta ghwa,

Danyel 11:9

Mantsa tama, dzaʼa sliʼafta mgham nda ga mazlay, valanaghatá ga mgham nda ga maghura, ama ŋa vraghuta ni ta haɗika ni.

Danyel 9:26

Tahula tsa luma mkuʼ mbsak his mida ya, dzaʼa dza dza lu ta tsa mgham ta zlagapta pghanagha lu ta rɗi ya. Haɗ mndu dzaʼa mista ni wu. Tahula tsa, ŋa sagha sana mgham nda sludziha ni vlunduɗ zaɗanatá luwa nda vli ya nda ghuɓa. Dzaʼa gi sagha sa kɗavakta ni nda ndaghatá vli da imi. Ama ha kɗavakta ni dzaʼa vulay ta vulu, dzaʼa zaɗana zaɗa ta inda skwi manda ya kura lu.