Danyel 10:16 - Hdi

¹⁶ Ama ka ksaŋtá sana mndu ta gara vgha nda mnda səla ta wubisima ɗa. Ka gunglatá yu ta wi, ka gwaɗ yu ta gwaɗa. Ka yu nda tsa mndu ta sladu ta vata iʼi ya mantsa: « Rvera ɗa, ta ghudzaku yu katakata, dabga na suni na ná, ta haɗ mbraku ma iʼi wa.

Danyel 10:16 ပူးပေါင်းရင်းမြစ်များ

Sabi 4:10

Ka Musa nda Yawe mantsa: « Nawa nawa! mghama ɗa, kdəkkdək, sna a yu ta gwaɗa wu. Dər ɗahawu, dər beʼetsa, dər daga ghalya ha ka sagha ta na fitik gwaɗgana ka ta kwalva gha ná, pərɗaf a yu ta snaŋtá gwaɗa wu. Laviŋ a yu ta guna wi ka gwaɗa wu, ɗukɗukwa ghanika ɗa ka gwaɗa, » kaʼa.

Sabi 4:13

Ka Musa mantsa: « Aya! mghama ɗa, kdəkkdək, ghuna ta sana mndu, » kaʼa.

Danyel 12:8

Iʼi Danyel, nda sna yu ta tsa gwaɗa ya mndani, ama sna a yu ta klatá ghəŋa ni wa. Ka yu mantsa: « Rvera ɗa, kinawu kɗavakta nana skwiha na? » ka yu.

Danyel 4:19

Mantsa nzakwa ni, tsa fu ya ná, kagha ya rvera ɗa. Glaf gla ka, ka nzatá ka nda mbra, ka zaghutá glakwa gha da ghuvaŋataluwa. Ka zaghutá mbrakwa ga mghama gha ta slrəŋa luwa guli.

Danyel 7:15

« Nghay iʼi Danyel ta tsa skwi ya, ka ghudzavaftá yu. Siha sa tsa skwiha ya ta sulkum ta vgha.

Danyel 7:28

Mantsa ya vraghuta tsa gwaɗa ya. Iʼi Danyel taɗa, siha sa tsa skwi ya katakata ta sulkum ta vgha, kɓiɗif kɓa ma ndanu. Ka ɓutá yu kusabrah, ama ka hamtá yu ta inda tsa skwiha ya ma ghəŋa ɗa, » kaʼa.

Danyel 8:15

Ma tsa fitika vitsay iʼi Danyel ta tsa skwi ta magaku, ka psə yu ta snaŋta klatá ghəŋa ni ya, ka sagha sana skwi manda tsatá mndu da sladata ta kəma ɗa.

Danyel 8:17

Ka gavadaghatá Gabriyel da tsa vli hada yu ya, ka ksaftá zləŋ ta iʼi, ka zləmbatá yu zlumbruh ta haɗik. Ama kaʼa nda iʼi mantsa: « Sna ɓa zwaŋa mndu, nda ra ka snaŋta gha kazlay na kɗavakta fitik ta mar na skwi nghaŋ ka na kəʼa, » kaʼa.

Danyel 8:18

Mantsa tama, ma tsa fitik ta gwaɗ Gabriyel ta gwaɗa nda iʼi ya, zlumbruhwa yu ghərmbəzla ta haɗik, ka ksihatá tsi ka sliʼiɗifta.

Danyel 8:27

Ma tsa fitik ya, iʼi Danyel, rabadakw yu. Ka ksutá tsi ta iʼi ka ɗaŋwa kidaghi fitika ɗa. Manda vrakta mbrakwa ɗa, ka laghu yu maga slna ɗa ga mgham, ama ta nda kɓa yu da tsa skwi nghaŋ yu ya, kabga sna a yu ɗekɗek ta klatá ghəŋa ni wa.

Danyel 9:21

Tata maga tsa duʼa ya yu tama, ka ndragaghatá tsa Gabriyel si nghaŋ yu taŋtaŋ manda skwi ma suni ya kay ta vata iʼi, ga hawu ta fitika pla ghəŋ.

Lukwa 1:64

Gi hada hada, ka zlrəglaftá Zakari ta gwaɗa tsəleŋ, ka zləzlva Lazglafta.

Lukwa 21:15

Iʼi, dzaʼa ndanaghunaktá tva gwaɗaha nda ɗifil ŋa ŋarapta ghuni ta ghumaha ghuni, ŋa trapta taŋ ta skwi ŋa mbəɗay.

Yuhwana 20:28

« Kagha ta nzakway ka Mghama ɗa, kagha ta nzakway ka Lazglafta ɗa guli, » ka Tuma zlghanaftá wi.

Yəhusuwa 5:14

Ka tsa mndu ya mantsa: « Haɗ ya mista ni yu wa. Iʼi mali ta ghəŋa gwal vula Yawe, sagha ɗa yeya, » kaʼa. Gi ka zləmbata Yəhusuwa zlumbruh ta haɗik ka vlaŋtá glaku, kaʼa mantsa: « Iʼi ná, kwalva gha yu. Nu ta kum mghama ɗa ta mnay ŋa kwalva ni na? » kaʼa nda tsi.

Suna Yuhwana 1:13

Ma takataka taŋ, mamu sana mndu ta sladu manda tsatá *Zwaŋa mndu, nda suɗatá lgut zutut dikw ta səla ta vgha ni, hbana tsi ma ghuva nda ɓanava magaf lu nda dasu.

Gwal tsa guma 13:8

Ka mag Manuwa ta duʼa da Yawe, kaʼa mantsa: « Kdəkkdək, rvera ɗa, ka səglagha sa tsa mnda Lazglafta ghunagagha ka ya guli slaŋnaghata, ka taghaŋnafta tsi ta skwi ŋa magay ŋni ŋa tsa zwaŋ ya yagar lu! » kaʼa.

Gwal tsa guma 6:13

Ka Gidghuŋ nda tsi mantsa: « Kdəkkdək, rvera ɗa! Ka kawadaga Yawe nda aŋni, kabgawu ta kəl inda na skwiha na ka slaŋnaghata na? Ga inda tsa mandərmimiha ni si ta rusaŋnata dzidzíha ŋni ya na? Ka həŋ na: “Yawe ta hlagaftá aŋni ma Masar,” ka həŋ kiʼe? Amma ndanana na, zlaŋnava zla Yawe, ka vlatá aŋni ma dzva la Midyaŋ! » kaʼa.

Gwal tsa guma 6:15

Ka Gidghuŋ nda tsi mantsa: « Kdəkkdək, rvera ɗa, kinawu ka yu dzaʼa katagaptá la Israʼila na? Gwal nda hta la ini ta uʼa taŋ mataba mndəra la Mənase, zwaŋ gudzekw iʼi guli, mataba gwal ma həga ga da ɗa! » kaʼa.