Danyel 10:1 - Hdi

¹ Ta mahkəna vakwa mgham Sirus ta ga mgham ma Persiya, ka lagha sana gwaɗa da Danyel ta hgə lu ka Beltəsaʼtsar. Tsa gwaɗa ya ná, kahwathwata nzakwa ni: Dagala hwazlaɓaku ta mar tsi. Ka snaŋtá ta tsa gwaɗa ta lagha da tsi ya nda ma skwi manda suni.

Danyel 10:1 ပူးပေါင်းရင်းမြစ်များ

Zlrafta 41:32

Ka si fanagha fa tsa suni ya ta Firʼawna his səla katsi, nda nza ka skwi ya kura kura Lazglafta ta magay, dzaʼa maga maga misimmisim.

2Rus 36:22

Ta taŋtaŋa vakwa gay Sirus mghama Persiya ta mgham ta ghəŋa Babila, ka sliʼanaftá Yawe ta ŋuɗufa Sirus mghama Persiya, ŋa mnaŋta baŋluwa, nda ya nda vindi, ma inda vli ta gə tsi ta mgham, kada hɗamta gwaɗa Yawe ta mnigiŋta nda ma wa anabi Yirməya. Kaʼa mnata mantsa:

Izra 3:7

Ka zlraftá həŋ guli ta vla tsedi ŋa gwal ta ratsa pala nda ya ŋa gwal ta fiɗa udzu nda mbra nda mbra. Ka vlə həŋ ta skwa zay nda skwa say, nda rɗi ŋa la Tsiduŋ nda la Tir, ŋa tsghəganapta tsaha ya nda ta drəf ta udza sedra daga ma Ləvanuŋ ŋa sagha da Yafu. Ka mag həŋ mantsa ya nda vlata mgham Sirus ma Persiya ta tvi.

Izra 4:3

Ama ka i Zərubavel nda Yəhusuwa nda pɗakwa maliha mataba mndəra Israʼila nda həŋ mantsa: « Haɗ skwi ta guyaŋnafta nda kaghuni ŋa bay mu ta həga Lazglafta ŋni kawadaga wa. Aŋni nda ghəŋa ŋni dzaʼa baftá həga Yawe, Lazglafta la Israʼila manda va ya mnaŋna Sirus mghama Persiya, » ka həŋ.

Izra 4:5

Ka mbahatá həŋ ta gwal vla hiɗaku ŋa mgham ŋa zləmbiŋtá tsa slna taŋ ya. Mantsa ya ka həŋ magay ma inda tsa fitik gə na Sirus mghama Persiya ta mgham ya, ha ka lagha ta fitika ŋlafta Daryaves mghama Persiya guli ta pala.

Izra 6:14

Ka kəɗ la galata mndu mataba la Yahuda ta maga tsa slna ba həga ya ta kəma ta kəma nda tsafarata vgha, manda ya mnana i anabi Hagay nda anabi Zakari zwaŋa Iddu ta həŋ. Ka kɗiŋtá həŋ ta baftá tsa həga ya manda va ya mna Lazglafta Israʼila, nda ya manda va ya mna i Sirus, nda Daryaves, nda Artahsasta mghamha Persiya ya.

Izra 6:3

« Ma taŋtaŋa vakwa mgham Sirus ta pala, wya kaʼa mnata: Tsa həga Lazglafta ma Ursalima ya ná, bəglafta ŋa nzakwa ni ka vla vla skwi ŋa pla ghəŋ. Ka vrəglanafta lu ta va tsa tughwa ni ŋa ghalya ya. Mkuʼ mbsak ta flugwi lafa ni ta luwa, mkuʼ mbsak ta flugwi bughwata ni guli.

Danyel 1:17

Ka vlaŋtá Lazglafta ta tva snaŋta dganatá skwiha, nda mahizla dzaŋa inda vindi, nda ɗifil ta tsa galaɓayha fwaɗ ya. Ta ghəŋa tsa guli, nda sna Danyel ta paslaptá inda suniha kavghakavgha, nda skwiha ta maravata.

Danyel 1:21

Ka nzatá Danyel hada ka ksanatá slna ta Nevuhadnetsar, ha ka lagha ta fitika nzakwa Sirus ka mgham ma Babila.

Danyel 1:7

Ka tsatsanaftá tsa mali mataba tsa mapslaha ya ta lfiɗa hgu ta həŋ. Beltəsaʼtsar kagha, kaʼa nda Danyel. Sadrak kagha, kaʼa nda Hananiya. Mesak kagha, kaʼa nda Misaʼel. Ghaveɗnegu kagha, kaʼa nda Ghazariya.

Danyel 10:14

Sagha sa yu da snaghamta klatá ghəŋa skwi dzaʼa magaku nda mnduha gha ma kɗavakta fitik, kabga ta takeʼa sana skwi manda skwi ma suni ta nghanatá tsa fitik ya. »

Danyel 11:2

« Ndanana tama, wya kahwathwata dzaʼa yu mnaghata: Mamu mghamha hkən dzaʼa sabi guli, ga mgham ta ghəŋa Persiya. Tahula tsa, ŋa saba mafwaɗa ni ka gadghəl katakata ta malaghutá inda taŋ. Mutsafta ni ta mbraku nda ma tsa gadghəla ni ya, ŋa sliʼanafta ta inda mndu ŋa vulu nda ga mghama la Gres.

Danyel 12:4

Kagha Danyel, ka ŋamta ka ta na gwaɗa na ma ghəŋa gha, ka ŋərzlanata ka ta na ɗelewer na ha ka sagha tsa kɗavakta fitik ya. Dzaʼa nda ndəgha gwal dzaʼa hwahwayaku lab nda ya, lab nda ya, ka zba sgavaghata ma snaŋtá skwi, » kaʼa.

Danyel 12:9

Kaʼa nda iʼi mantsa: « La, kabga dzaʼa nda ɗifa na gwaɗa na, nda ŋərzla ha ka sagha kɗavakta tsa fitik ya.

Danyel 2:21

Tsatsi ta mbəɗanaftá fitika skwi, nda skwi ta magaku tani. Tsatsi ta klagiŋtá mghamha ta pala, tsatsi ta faftá həŋ guli. Tsatsi ta vla ɗifil ŋa gwal nda ɗifil, nda snaŋtá skwi ŋa gwal nda mahizl ma ghəŋa taŋ guli.

Danyel 4:8

Ka glaftá tsa fu ya, ka mbrafta, ka zaghutá tsi da ghuvaŋataluwa, nda ngha mnduha ta ghəŋa haɗik tender.

Danyel 5:12

Mamu sulkum ta fərtuta mida, nda snaŋtá skwi, nda mahizl ma tsatsi ŋa mnigiŋta klatá ghəŋa suni. Nda sna guli ta tsisligiŋtá gwaɗaha ya nda bla ka snaŋta, nda ya ŋa payaftá skwiha ya nda bla nda bla. Mamu tsaya da tsatsi. Tsaya Danyel, mndu tsanaf da gha mgham ta hga ni ka Beltəsaʼtsar ya. Ka hgak hga lu nda va nana, dzaʼa paslaghap pasla ta tsa skwi vindaf lu ta vata həga ya, » kaʼa.

Danyel 5:17

Ka Danyel ta kəma mgham mantsa: « Ŋana ŋa ta skwa gha ŋa gha, ka ta vlaŋtá sana mndu a ka. Nziya nza tsi ná, dzaʼa dzaŋaghaf dzaŋa yu ta na vindi na, dzaʼa snagham sna yu ta klatá ghəŋa ni guli.

Danyel 6:28

Tsatsi ta mbay, tsatsi ta zligiŋta. Tsatsi ta zlagigiŋtá mandərmimiha, nda mazəmzəmha ta luwa nda ya ta ghəŋa haɗik, kabga tsatsi ta zluʼagaptá Danyel ma ɗahəŋa rveriha, » kaʼa.

Danyel 8:16

Ka snaŋtá yu ta lwa sana mndu ta gwaɗagapta ma takataka zala Ulay. Ka gugɗatá tsi. Kaʼa mantsa: « Gabriyel, mnana mna ta Danyel ta klatá ghəŋa tsa skwi ta nghə tsi ya, » kaʼa.

Danyel 8:26

Mantsa tama, tsa skwi nghaŋ ka manda skwi ma suni ta ghəŋa hawu nda sərɗək ya ná, dzaʼa magaku manda va tsa kahwathwata. Kagha, ka ŋamta ka ma ghəŋa gha, kabga ta diʼiŋ fitika ni, » kaʼa.

Lukwa 1:20

Ndana tama, wana ka dzaʼa nuta ka rgha. Laviŋta a ka ta gwaɗa ha ka sagha fitika magata tsa skwiha ya wu, kabga zlghaf a ka ta tsa skwi dzaʼa magaku ma fitika ni mna gha yu ya wu, » kaʼa.

Suna Yuhwana 19:9

Ka sana duhwala Lazglafta nda iʼi mantsa: « Vindaf vinda kazlay: Rfu da gwal hagaf lu da vla za skwa zaya klay Zwaŋa Tuwak ta makwa » kəʼa. Kaʼa nda iʼi guli mantsa: « Nana gwaɗaha na ná, gwaɗa Lazglafta ya kahwathwata, » kaʼa.