Danyel 1:20 - Hdi

²⁰ Ka mamu sana skwi ta ɗawaŋta mgham, tsaw tsa skwi ya, ta zbay ta ɗifil nda mahizl katsi ná, malaghu mala zɗakwa ŋa taŋ zlghatá wi ghwaŋ səla ta ŋa gwal vza mandaŋ, dzugwa zlazləra, ya ta haɗika ga mghama ni.

Danyel 1:20 ပူးပေါင်းရင်းမြစ်များ

Zlrafta 31:7

Da ghuni ta nənɓaɓtá iʼi. Ghwaŋ səla ni ta mbaɗanaftá nisəla ɗa. Tsaw vlaŋ a Lazglafta ta tvi ŋa magihatá ghwaɗaka skwi wa.

Zlrafta 41:8

Tsaɗata vli, ta ndan Firʼawna. Ka hagaktá tsi ta inda ɗəghaha ni, nda inda gwal nda ɗifil ma ghəŋa taŋ ma Masar. Ka rusanaftá tsi ta həŋ ta tsa suniha ni ya. Sew haɗ mndu ta laviŋta paslanaptá tsa suniha ni ya wa.

Nəhemiya 4:12

Tsa gwal ta ba matsak ya ná, inda taŋ nda fafatá budugwa ta ɓanava taŋ. Ta dzaʼa mista ɗa mista ɗa tsa mndu ta vya talakwaha ya.

Sabi 7:22

Ka magatá ɗəghaha la Masar ta ŋa taŋ manda va tsaya guli nda má ɗəgha ɗəgha taŋ. Nduk nda tsa, ta təŋ təŋa ni ghəŋa Firʼawna. Ka kwalaghutá tsi ta snatá gwaɗa i Musa nda Haruna, manda ya mna Yawe.

Sabi 8:19

Dzaʼa huzlinis huzla yu ta mnduha ɗa ta tsa zləmnda dzaʼa slaghaghata ya. Mahtsim dzaʼa magakwa tsa ŋizla ya,” » kaʼa.

Sabi 8:7

Dzaʼa laghu la kləŋha ta vata kagha nda həgaha gha, nda kwalvaha gha, nda mnduha gha, ŋa pɗata ya ma ghwa Nil kweŋkweŋ, » kaʼa.

Danyel 1:17

Ka vlaŋtá Lazglafta ta tva snaŋta dganatá skwiha, nda mahizla dzaŋa inda vindi, nda ɗifil ta tsa galaɓayha fwaɗ ya. Ta ghəŋa tsa guli, nda sna Danyel ta paslaptá inda suniha kavghakavgha, nda skwiha ta maravata.

Danyel 2:13

Ka vindaftá tsi nda vinda, ka dgiŋta da inda vli kazlay na, zaɗanatá inda gwal nda ɗifil da həŋ kəʼa. Ka zbə lu ta i Danyel nda graha ni guli ŋa pslatá həŋ.

Danyel 2:21

Tsatsi ta mbəɗanaftá fitika skwi, nda skwi ta magaku tani. Tsatsi ta klagiŋtá mghamha ta pala, tsatsi ta faftá həŋ guli. Tsatsi ta vla ɗifil ŋa gwal nda ɗifil, nda snaŋtá skwi ŋa gwal nda mahizl ma ghəŋa taŋ guli.

Danyel 5:17

Ka Danyel ta kəma mgham mantsa: « Ŋana ŋa ta skwa gha ŋa gha, ka ta vlaŋtá sana mndu a ka. Nziya nza tsi ná, dzaʼa dzaŋaghaf dzaŋa yu ta na vindi na, dzaʼa snagham sna yu ta klatá ghəŋa ni guli.

Mbsak 14:22

Haɗ ya ma inda na mnduha ta nghaŋtá glakwa ɗa, nda ŋizlaha maga yu ma Masar, nda ya ma mtak, ghwaŋ səla taŋ ta dzəghaŋtá iʼi, ka kwalaghutá sna gwaɗa ɗa na,