Asta 9:3 - Hdi

³ Ka hinistá inda mghamha ma haɗikha, nda guvnaha, nda mnduha mgham ka mali ka mali, nda gwal ta ksanatá slna ta mgham ta dzvu ta la Yahuda, kabga ta zləŋay həŋ ta Murduhay.

Asta 9:3 ပူးပေါင်းရင်းမြစ်များ

Izra 2:2

Vragaghu vra həŋ kawadaga nda i Zərubavel, nda Yəhusuwa, nda Nəhemiya, nda Səraya, nda Rəʼelaya, nda Murduhay, nda Bilsaŋ, nda Mispar, nda Bigvay, nda Rəhum, nda Baghana. Wya hga la Israʼila kawadaga nda mbsaka taŋ:

Izra 8:36

Ka snanamtá həŋ guli ta zlahuha ya mna mgham ŋa i guvnaha nda sanlaha ma gwal dagala dagala ta tsa haɗik ta ɓla ghwa nda təv dɗakwa fitik ya. Ka hinistá tsaha ya guli ta dzvu ta la Israʼila, mataba skwi ya ta nghanatá həga Lazglafta.

Asta 3:12

Ka hagadaghatá lu ta gwal ta vindanatá vindi ta mgham baɗ maghwaŋpəɗ hkəna fitik ma tila mataŋtaŋ. Ka vivindaftá lu ta ɗelewerha manda ya mnaf Haman, ka tsaghanaftá guvnaha, nda sanlaha ma maliha ma inda haɗik, nda inda maliha ta ghəŋa mndəra mnduha. Nda vindi ya ta vində mnduha ma inda haɗik, nda ya nda gwaɗa ta gwaɗ inda mndəra mndu, vivindafta həŋ. Ka tahaftá tsa gwal vindi ya ta dzvu tida nda hga mgham Ahasverus, ka thaftá həŋ tida guli ta ŋizla halagara ni.

Asta 8:17

Ta skalu la Yahuda nda rfu ma inda haɗik, ma inda luwa, dər ga lagha tsa zlaha mgham ya. Ka dadatá həŋ ta skwa zaya badawa, ka skalu. Nda ndəgha mndəra sanlaha ma mnduha ta mbəɗuta ka la Yahuda, kabga zləŋata taŋ ta la Yahuda.

Asta 8:5

Kaʼa mantsa: « Rvera ɗa, ka si ta kumay ka ta mariɗiŋtá zɗakwa gha katsi, ka ɗina tsi ta nghə ka ta kəma gha, ka tɗukwa tsa ɗaway ɗa ya katsi, ka zɗəgagha zɗa yu katsi, vindaf vinda ta sana ɗelewerha. Ka nzakwa həŋ ŋa mtanatá tsa ɗelewerha vivindaf Haman zwaŋa Hamədataʼ la Agag, ŋa pslatá inda la Yahuda ma inda haɗikha ta gə ka ta mgham ta ghəŋa taŋ ya.

Asta 8:9

Ma va tsa fitik ya, baɗ hisambsak hkən mida ma tila mahkən, tila Sivaŋ, ka hagaktá lu ta gwal vindanatá vindi ta mgham. Ka vindaftá həŋ ta inda skwiha manda va ya mnanaf Murduhay ta həŋ, ŋa tsaghanaftá la Yahuda, nda guvnaha, nda sanlaha ma maliha, nda gwal dagala dagala ta ksa slna ma haɗikha dərmək nda hisambsak ndəfáŋ mida ma dzva mgham, sliʼafta ni ma Hindiya dikw da Kus. Ka vivindaftá həŋ ta tsa vindi ya ŋa haɗikha dərmək nda hisambsak ndəfáŋ mida (127). Inda haɗik nda vindi ya ta vindi həŋ, ŋa inda mndəra mnduha ma inda haɗikha, nda gwaɗa ya ta gwaɗ həŋ, ŋa la Yahuda, nda vindi ya ta vində həŋ, nda gwaɗa ya ta gwaɗ həŋ.

Danyel 3:2

Tahula tsa, ka tsaghanaftá Nevuhadnetsar ta lwi ta inda gwal dagala dagala, nda guvnaha, nda sanlaha ma maliha, nda gwal vla hiɗaku, nda gwal ŋa tsedi, nda gwal ta tsa guma, nda gwal ta ksa slna nda zlahu, nda inda sanlaha ma gwal ta maga slna ma haɗikha, ŋa sagha taŋ da skala tsa skwi dzugwa mgham ya.