Asta 8:9 - Hdi

⁹ Ma va tsa fitik ya, baɗ hisambsak hkən mida ma tila mahkən, tila Sivaŋ, ka hagaktá lu ta gwal vindanatá vindi ta mgham. Ka vindaftá həŋ ta inda skwiha manda va ya mnanaf Murduhay ta həŋ, ŋa tsaghanaftá la Yahuda, nda guvnaha, nda sanlaha ma maliha, nda gwal dagala dagala ta ksa slna ma haɗikha dərmək nda hisambsak ndəfáŋ mida ma dzva mgham, sliʼafta ni ma Hindiya dikw da Kus. Ka vivindaftá həŋ ta tsa vindi ya ŋa haɗikha dərmək nda hisambsak ndəfáŋ mida (127). Inda haɗik nda vindi ya ta vindi həŋ, ŋa inda mndəra mnduha ma inda haɗikha, nda gwaɗa ya ta gwaɗ həŋ, ŋa la Yahuda, nda vindi ya ta vində həŋ, nda gwaɗa ya ta gwaɗ həŋ.

Asta 8:9 ပူးပေါင်းရင်းမြစ်များ

2Mgh 18:26

Ka i Iliyakim, zwaŋa Hilkiya, nda Sevna, nda Yuʼah zlghanaftá wi ta slufa mghama la Asur mantsa: « Wya dzvu, nda gwaɗa Aram mnanata ka ta kwalvaha gha, kabga nda sna ŋni ta tsa gwaɗa ya, ma gwaɗaŋna ka nda gwaɗa Hebru. Nana mnduha ta matsak na ná, nda sana həŋ demdem, » ka həŋ.

2Rus 15:10

Ma mahkəna tili, ta maghwaŋpəɗ hutafa vakwa Asa ta gá mgham, ka tskavatá həŋ ma Ursalima.

Asta 1:1

Ma fitika gay Ahasverus ta mgham ta ghəŋa haɗikha dərmək nda hisambsak ndəfáŋ mida, sliʼafta ni daga ma Hindiya ha ka lab da Kus, luta na gwaɗa na.

Asta 1:22

Ka tsaghanaftá mgham ta ɗelewer ta inda haɗikha ta gə tsi ta mgham ta ghəŋa taŋ, nda vindi ta vində lu ma tsa haɗikha ya, nda ya nda gwaɗa ta gwaɗ mndəra mnduha ma tsa haɗikha ya vivindanafta tsi ta həŋ. « Ka ga inda zəʼala həga ta zəʼala həga ma həga ni, ka gwaɗa tsi ta gwaɗa da ni guli, » kaʼa.

Asta 10:1

Ka fatá mgham Ahasverus ta pla dzumna ka mbraku mbraku ta inda haɗikha ta gə tsi ta mgham ta ghəŋa ni, kulam nda gwal diʼiŋ ta haɗikha ma takataka drəf tani.

Danyel 4:1

« Iʼi Nevuhadnetsar, ta nzakwa ɗa yu nda zɗaku ta zutá mghama ɗa ma həga ɗa, ma həga ta gə yu ta mgham.

Danyel 6:1

Ka zlghaftá Daryaves mnda la Mediya ta ga mgham ta ima ni mkuʼ mbsak his mida.

Danyel 6:25

Ka mgham mnafta mantsa: « Kasagaghawa kasa ta tsa mnduha ta tsanavatá gwaɗa ta Danyel ya, » kaʼa. Ka kasagaghatá lu ta həŋ, nda hahəŋ tani, nda miʼa taŋ tani, nda zwana taŋ tani, ka pghadamta da ghuruma rveriha. Na tsa pghadamta lu ta həŋ ya, gi ta luwa ta luwa ka rveriha tsaʼuwaghutá həŋ, ka ɓalanaptá ghudzifa taŋ, ka dəghaɗutá həŋ, dɗada a həŋ ta haɗik wa.