Asta 7:8 - Hdi

⁸ Ta vragaghatá mgham ma kawgal ma həga ga mgham da həga ma vla za skwa zay ná, ta zləmbadatá Haman ta tsa dughuruk nda slra nzaf Asta tida ya. Ka mgham mantsa: « Kak kak kak kak, waká na mndu na ta kuma ŋəra markwa mgham, ga ini, ta wa ira ɗa na? » kaʼa. Na gi saba tsa gwaɗa ya ma wa mgham, ka gi bukwamtá lu ta kuma Haman nda lgut.

Asta 7:8 ပူးပေါင်းရင်းမြစ်များ

Asta 1:5

Manda hɗatá tsa fitik ya, ka magəglatá tsi ta skwa zaya badawa ma daɓa kawgal ma həga ga mgham ŋa inda hamata mnduha ma vli nda ŋa nda matsaka huzlu ma luwa Susaŋ ka fitik ndəfáŋ, sliʼafta ni ta la galata mndu nduk nda gwal nda hta.

Asta 1:6

Ka habagatá lu nda tɓaŋ ka liŋ kulefeɗ ka ŋusliŋ, nda ya ka dva ghuz ta wupayha ka liŋ ka ŋusliŋ, nda ya ka kubwalkubwal ta gidaŋha ka kfura tsedi, ta guguɗi ka pala kɗiŋizliŋ. Ka paghatá lu ma daɓa tsa həga ya ta dughurukwa dasu nda slara nda slara, nda ya ka kfura tsedi ta fifiɗatá klamha palaha kavghakavgha ɗina ka nghay, ka ghuvazwaŋ ya, ka ŋusliŋ ya, ta wuɗaku ya, ka ŋəra ya.

Asta 6:12

Tahula tsa, ka vraktá Murduhay ta wa tgha ga mgham, ta laghu Haman misimmisim dzagha ni, ka mbsamtá ghəŋa ni da ksata ni da hula.

Asta 7:10

Ka dzugwuŋtá lu ta Haman ta wa tsa udzu si la tsatsi ŋa dzugwuŋtá Murduhay ya. Tahula tsa, ka lɓatá tsa gufatá ŋuɗufa mgham ya.

Markus 14:65

Ka gi taf sanlaha ta sərɗək tida, ka hbanamtá həŋ ta patak ma kuma, ka dəŋəzlay. Ka həŋ nda tsi mantsa: Tsatsaf tsatsa ta tsa mndu ta dzughusta ya, ka həŋ nda tsi. Ka vlaŋtá həŋ ta la kwalvaha, ka dghar tsaha ya guli.