Asta 7:4 - Hdi

⁴ Na nzakwa ni ná, dzawap dzawa lu ta mndəra ini nda iʼi tani ŋa hərɗiŋnista, ŋa pslatá aŋni, ŋa zaɗaŋnata. Tsaya tama, ka si ŋa nzakway ka vuʼa yeya dzawapta lu ta aŋni ná, má dzaʼa haf ha yu ta wa ɗa, kabga haɗ ghəzliwa ni ŋa daŋwazla mgham wu, » ka yu ma dzaʼazlay.

Asta 7:4 ပူးပေါင်းရင်းမြစ်များ

Nəhemiya 5:5

Va mndəra mndu turtuk mu ya kay guli! Nda ghəŋa ni a zwana ŋni nda ŋa taŋ wa. Ama nda nza tkweʼ ka vlata ŋni ta zwana zgwana ŋni, nda kwagha ŋni, ka kwalva. Nda nza sanlaha ma kuʼaha ka vuʼa. Haɗ sana skwi lavgliŋ aŋni ta magay wa, kabga nda nza vwaha ŋni, nda inabiha ŋni ka ŋa sanlaha, » ka həŋ.

Asta 3:13

Ka ghwanaftá həŋ nda hwaya nda hwaya ta mnduha hlaghatá tsa ɗelewerha ya da inda haɗikha mgham. Ma tsa ɗelewerha ya ná, vla vla mgham ta tvi, ŋa hərɗiŋta, ŋa pslata, nda ya ŋa zaɗanatá inda la Yahuda, daga ta galaɓayha ha ka lagha ta halata mnduha, nda zwani tani, nda miʼaha tani ta fitika turtuk. Tsaya fitik baɗ maghwaŋpəɗ hkən ma tila maghwaŋpəɗ his, tila Adar. Baɗ tsa fitik ya dzaʼa zləɗata lu ta inda skwiha taŋ guli.

Asta 3:9

Ka zɗəgana zɗa tsi ta mgham katsi, ka vindafta lu nda vinda ta tvi ŋa zaɗanatá həŋ. Dzaʼa graf gra iʼi ta tsedi ka kiluʼ dəmbuʼ hkən dərmək nda fwaɗa mbsak (340.000) ka vlaŋta ma dzvu ta gwal ksa slna ŋa pghamta taŋ ma akwata ga mgham, » kaʼa.

Asta 7:5

Ka mgham Ahasverus nda Asta, markwa mgham mantsa: « Wa tsa mndu ya na? Ga tsa mndu ya? Tsa mndu ta ndana magatá skwi manda tsaya na? » kaʼa.

Asta 7:6

Ka Asta mantsa: « Mndu ya ta dza kuma nda aŋni, ka ghuma ŋni ná, nana Haman ghwaɗaka mndu na ya, » kaʼa. Ka zlraftá Haman ta ghudzaku ta kəma i mgham nda markwa mgham.

Asta 8:11

Ma tsa ɗelewerha ya ná, vlaŋ vla mgham ta tvi ta la Yahuda dər ma wati ma luwa tsi, ŋa tsakavata taŋ ŋa katá hafa taŋ. Ka vlaŋtá tsi ta tvi ta həŋ ŋa dzata, ŋa hərɗiŋta, ŋa zaɗanatá inda dər wati ma bakwa vula, dər wati ma mndəra mndu tsi, dər ma wati ma haɗik tsi. Laviŋ lava hahəŋ guli ta pslatá miʼa taŋ, nda zwana taŋ, ka zləɗatá həŋ.

Asta 8:6

Kinawu dzaʼa suʼa yu ta ngha mghama zləmnda dzaʼa slanaghatá la ini na? Kinawu dzaʼa ngha yu ta zaɗakwa mndəra ini na? » kaʼa.

Asta 9:25

Ama manda sliʼafta Asta ka lagha ta kəma mgham, ka vindaftá mgham ta ɗelewerha kazlay tsa ghwaɗaka skwi vindaf Haman ta ghəŋa la Yahuda ya ná, ta ghəŋa ni ka skwa ni kəʼa. Mantsa tama, ka dzagwuŋtá lu ta həŋ ta udzuha, tsatsi nda zwana ni tani.

Danyel 6:2

Ka Daryaves mantsa: « Ɗina ka pghata ɗa ta guvnaha dərmək nda hisambsak (120) ta ghəŋa ga mghama ɗa, ŋa paghata ma inda vla ga mghama ɗa, » kaʼa.

Lukwa 12:45

Ala ka ka tsa kwalva ya ma ghəŋa ni mantsa: “Wana nda gərɗa mghama ɗa katək na,” kaʼa ka liŋtá psla sanlaha ma kwalva nda kwalva miʼaha, ka laghu da zazaku nda sasaku ka ghuyaku katsi,

Vrafta ta zlahu 28:68

Dzaʼa vradaghunam vra Yawe nda kwambalu da Masar, nda ta tvi ya si mnaghuna yu kazlay na: “Haɗ kuni dzaʼa walglaŋta nghaŋta wu,” kəʼa ya. Hada, dzaʼa kumay kuni ta skwanapta ghəŋa ghuni ta ghumaha ghuni ŋa nzakw ka vuʼa, nda kurɗuha, ama haɗ mndu dzaʼa kuma skwa kaghuni wu, » kaʼa.

Yəhusuwa 9:23

Ndana tama, nda ksiʼa kuni, dzaʼa gɗavata ma ga vuʼa kuni, kaghuni dzaʼa tsanatá hasuʼu, nda zakanatá imi ta həga Lazglafta ɗa, » kaʼa.

1Sam 22:23

Nza nza kawadaga nda iʼi, ma zləŋ ka, kabga tsa mndu ta zba hafa gha ya ná, ta zbay ta ŋa ɗa guli. Ta vata iʼi ná, haɗ skwi dzaʼa ksaghata wu, » kaʼa.