Asta 4:4 - Hdi

⁴ Ka lagha kurɗuha nda mapslaha da rusanaftá Asta ta skwi ta slata. Ka ghuy tsi katakata ta tsa markwa mgham ya ma vgha. Ka tsghafta tsi ta lgut ŋa suɗavata Murduhay, ŋa suɗiŋta ni ta tsa buhu ta vgha ni ya, ama ka kwalaghutá tsi ta tsuʼafta.

Asta 4:4 ပူးပေါင်းရင်းမြစ်များ

Zlrafta 37:35

Ka sliʼaftá inda zwana zgwana ni nda kwagha ni ka kuma ksanatá ŋuɗuf, ama ka kwalaghutá tsi ta ksanatá ŋuɗuf, kaʼa mantsa: « Nda ima taw ta iri dzaʼa laha yu slanaghatá zwaŋa ɗa ma haɗik, » kaʼa, ka kəɗ tsi ta taway.

2Mgh 9:32

Ka klaŋtá Yehu ta ghəŋ təv finitir, kaʼa mantsa: « Wa ya kawadaga nda iʼi na? Wa ya? » kaʼa. Ka didiɗadaghatá mapslaha his ka hkən a tsi ta vgha nda ta finitir, ka hihɗiŋagapta.

Asta 1:12

Lagha tsa mapslaha ya da mnanata manda ya mnaf mgham, ama ka kwalaghutá Vasti, markwa mgham ta lagha. Ka ɓasaftá mgham ta ŋuɗuf katakata, ka gufaftá ŋuɗufa ni.

Asta 4:3

Ma inda haɗik ma dzva tsa mgham ya, ma vli ɓhadagha tsa zlaha mgham ya, ta ghəŋa taw, nda suma, ta tawa ghəŋ yeya ta mag la Yahuda. Nda ndəgha gwal ta pghatá buhu nda hutiɗif ka ghəzləŋa taŋ.

Asta 4:5

Ka hgaftá Asta ta Hatak sani mataba mapslaha mgham fa tsi ŋa maganatá slna. Ka ghunaftá tsi ŋa ɗawaŋta da Murduhay ta skwi ta magaku, nda ya ka kabgawu kəl tsi ka magaku mantsa ya.

Slna gwal ghunay 8:27

Ka sliʼaftá tsi ka laghu. Tsaw mamu sana mnda la Itiyupi si ta laghu da maga duʼa da Lazglafta ma luwa Ursalima. Tsa mndu ya ná, ka kuɓitik nzakwa ni. Mndu dagala ya ma slna, ma dzva ni inda gadghəla sana marakw, Kandes hga tsa marakw ya ta nzakway ka Mghama la Itiyupi.

1Sam 8:15

Dzaʼa hlay ta zaka nimaya ghuni, nda ŋa inabiha ghuni, ŋa valaŋtá maliha ta maganatá slna nda kwalvaha ni.