Asta 4:11 - Hdi

¹¹ « Sliʼafta ni ta kwalvaha mgham, nduk nda mnduha ma inda haɗikha ta gə tsi ta mgham ta ghəŋa taŋ, nda sana həŋ ta tsa zlahu ya. Inda mndu, nda zgun tani, nda marakw tani, ta lami da daɓa həga mgham kul hgaŋtá mgham ná, dzatá tsa mndu ya. Ala, ka fədanap fa mgham ta dafa dasa ni ta tsa mndu ya katsi, tsaya dzaʼa kəl tsi ka nzata nda hafu. Ama, ta magay na ta tili, ta hgaŋ a mgham ta iʼi ŋa lagha ta vata ni wu, » kaʼa.

Asta 4:11 ပူးပေါင်းရင်းမြစ်များ

Asta 1:19

Mantsa tama, ka zɗəgana zɗa tsi ta mgham katsi, ka fa fa tsi ta zlahu ta sab da tsatsi, ka vindamta lu mataba zlahuha Persiya nda Mediya, ŋa kwal kul mbəɗanafta, ŋa kwala Vasti ləglami ta kəma mgham Ahasverus. Ka klafta mgham ta sgita ga mghama Vasti ka vlaŋtá sani ta malaghutá tsatsi.

Asta 2:14

Ŋa sliʼafta tsa makwa ya ga hawu, ka dzaʼa da mgham. Ga sərɗək, ŋa saba ni ka laghu da sana fila miʼaha ta nghə Saghasəgaz mapsla mgham ta ngha miʼa sanagha ya. Ta haɗ tsa makwa ya ta ləglami da mgham wu, ba ka zɗəgana zɗa tsi ta mgham kasiʼi, ka hgaŋ nda hga a mgham ta tsa makwa ya nda hga ni.

Asta 4:10

Ka ghunəglaftá Asta ta Hatak da Murduhay, kaʼa mantsa:

Asta 4:12

Ka lagha lu mnanatá Murduhay ta tsa gwaɗa Asta ya.

Asta 6:4

Ka mgham mantsa: « Wana ta daɓi tgha na na? » kaʼa. Tsaw lagha la Haman ta daɓi tgha nda mabli ma həga ga mgham, da mnay ŋa mgham, ka dzugwuŋta lu ta Murduhay ta tsa udzu payanaf tsi ya.

Asta 8:4

Ka fədanaptá mgham ta dafa dasu ta Asta, ka sliʼafta tsi, ka sladata ta kəma mgham.

Danyel 2:9

Ama ka mniɗiŋ a kuni ta tsa suna ɗa ya wu katsi, ta tva turtuk dzaʼa tsaghunaghata yu ta guma ta inda kaghuni. Nza nda nza kuni ka dzrafta tsakalawi ŋa sagha ta kəma ɗa ŋa mnihata ŋa nana iʼi, ka kəzlay ka gagayakwa tsa fitik ya kəʼa. Ŋa iʼi ná, mniɗiŋwa mna ta tsa suna ɗa ya ndanana. Ka mniɗiŋ mna kuni katsi, dzaʼa nda sna yu kazlay na, dzaʼa laviŋ lava kuni ta mniɗiŋta klatá ghəŋa ni guli kəʼa, » kaʼa.

1 Piyer 3:7

Kaghuni zəʼalha guli, ɗina ka kuni nzaku nda miʼa ghuni, ka famta kuni ta ɗifil ma ghəŋ, ya gwal nda hta mbrakwa taŋ hahəŋ. Ka vla kuni ta sgit ŋa taŋ, kabga tsa hafu ya ta vlə Lazglafta ka zɗakatahuɗa ni ya ná, nda hahəŋ tani, nda kaghuni tani mida. Ka mantsa ya ka kuni magay na: Ta snay Lazglafta ta duʼa ghuni.