Asta 1:3 - Hdi

³ Ta mahkəna vakwa ni ta pala, ka magatá tsi ta skwa zay gagaʼ, ŋa inda mnduha ni ka mali ka mali, nda kwalvaha ni. Ka tskanatá tsi ta kəma ni ta maliha sludziha ma Persiya nda ya ma Mediya, nda gwal dagala dagala, nda guvnaha ta ghəŋa haɗikha ni.

Asta 1:3 ပူးပေါင်းရင်းမြစ်များ

Zlrafta 40:20

Tahula fitik hkən, ka skalu lu ta fitika yakwa Firʼawna, ka maganatá tsi ta skwa zay ta inda kwalvaha ni. Ta wa ira taŋ, ka kapanaftá tsi ta tsa mali ta ghəŋa gwal ta da skwa say, ka kapanaftá tsi guli ta mali ta ghəŋa gwal ta da buradi.

1Mgh 3:15

Ka sliʼavatá Salumuŋ, tsaw suni ya. Ka vraghatá tsi da Ursalima, ka lagha tsi ta kəma akwata dzratá wa Rveri. Ka vlatá tsi ta skwa pla ghəŋha ŋa dray tsuh tsuh, nda skwa pla ghəŋha zɗaku, ka maganatá tsi ta skwa zay ta kwalvaha ni.

Izra 1:2

« Wya skwi mna Sirus mghama Persiya: Inda vli ta gə lu ta mgham ta haɗik ná, vliha vla Yawe, Lazglafta ta luwa ma dzva ɗa. Vərɗa tsatsi ta zbaptá iʼi kazlay: “Biɗifba ta həga ma Ursalima ta haɗika Yuda” kaʼa.

Asta 1:14

Gwal ta nzakway hɗeka hɗeka nda mgham ná, tsaha ya i Karsenaʼ, nda Setar, nda Admataʼ, nda Tarsis, nda Meres, nda Marsenaʼ, nda Memuhaŋ. Tsaha ndəfáŋ ya, mnduha mgham ka mali ka mali kulaŋ lu ma Persiya nda Mediya faf mgham ta ghəŋ, hahəŋ gwal kəma ma tsa ga mgham ya.

Asta 1:4

Ka maranaŋtá tsi ta həŋ ta glakwa inda skwa gadghəla ga mghama ni, nda glakwa sgita ni ma fitik dərmək nda tghas mbsak.

Asta 2:18

Ka maganatá mgham ta skwa zay dagala ta inda mnduha ni ka mali ka mali, nda kwalvaha ni. Tsa skwa zay ya ná, ŋa ga maghurba Asta nzakwa ni. Ma tsa fitik ya, ka mbiʼanaptá tsi ta vgha ta mnduha ta inda haɗikha nda pla dzumna. Ka mbahatá tsi ta mnduha ka muvla mamgham mgham.

Asta 3:7

Ma taŋtaŋa tili, tsaya tila Nisaŋ, ta maghwaŋpəɗ hisa vakwa mgham Ahasverus ta pala, ka vzə lu ta vindima ta hgə lu ka Pur ta kəma Haman. Ta kumay ta snaŋta ka ma wati fitik, nda ya ka ma wati tili rakwa magata ni ta tsa slna ni ya. Ka dɗaftá tsa vindima ya ta tila maghwaŋpəɗ his, tsaya tila Adar.

Danyel 5:1

Ma sana fitik, ka magatá mgham Belsatsar ta skwa zay gagaʼ ŋa mnduha ni dəmbuʼ gwal dagala dagala. Ka nzatá tsi ka sa ghuzu ta kəma taŋ.

Danyel 5:28

PARSIŊ ya guli ná, dgavap dga ga mghama gha, ka vlaŋtá lu ta la Mediya nda la Persiya, » kaʼa.

Danyel 6:1

Ka zlghaftá Daryaves mnda la Mediya ta ga mgham ta ima ni mkuʼ mbsak his mida.

Danyel 8:20

Tsa maŋazak nghaŋ ka si his duliha ni ya, tsaha ya mghamha Mediya nda Persiya.

Markus 6:21

Ma sana fitik tama, ka mutsafta tsa Hiridiya ya ta tvi ŋa dzatá Yuhwana. Tsa fitik ya ná, baɗu fata Hiridus ta skala havakta fitika yakwa ni ya. Baɗu tsaya, ka hagaftá Hiridus ta mnduha. Tsa mnduha hagaf tsi ya, gwal dagala dagala ta wanafta, nda mghamha ta ghəŋa sludziha, nda gwal klu lu ta haɗika Galili ya.