Afisus 6:9 - Hdi

⁹ Kaghuni daŋahəgaha guli, manda tsaya ka kaghuni magay ŋa kwalvaha ghuni. Ma ŋruhə kuni ta həŋ. Ɗina ka snaŋta ghuni kazlay: Nda kaghuni tani nda hahəŋ tani, daŋahəga ni həga turtuk ta nzakway ta luwa daŋahəga ni həga ghuni kəʼa. Haɗ tsatsi ta gala mndu wa.

Afisus 6:9 ပူးပေါင်းရင်းမြစ်များ

Nəhemiya 5:5

Va mndəra mndu turtuk mu ya kay guli! Nda ghəŋa ni a zwana ŋni nda ŋa taŋ wa. Ama nda nza tkweʼ ka vlata ŋni ta zwana zgwana ŋni, nda kwagha ŋni, ka kwalva. Nda nza sanlaha ma kuʼaha ka vuʼa. Haɗ sana skwi lavgliŋ aŋni ta magay wa, kabga nda nza vwaha ŋni, nda inabiha ŋni ka ŋa sanlaha, » ka həŋ.

Danyel 3:15

Ndanana tama, dzaʼa nda sna kuni guli ta vyəglatá duliha, nda siŋlakha, nda htimbilha kavghakavgha, nda dewdewha, nda inda huzla skalu ta ghudzaga, dzaʼa nda paya vgha ghuni ma tsa fitik ya, ŋa tsəlɓu ŋa tsa skwi dzugwa yu ya suʼu? Ka tsəlɓa a kuni wu, dzaʼa gi vzam vza lu haɗ dzudzukway wu ta kaghuni da həga vu ghandand. Wati ma lazglafta ya dzaʼa klaptá kaghuni ma dzva ɗa na? » kaʼa.

Danyel 3:6

Ka dər wati ma mndu dzaʼa kwalaghutá zləmbata ka tsəlɓu ŋa ni ya, gi dzaʼa klaf kla lu hada hada ta tsa mndu ya ka vzamta da həga vu ghandand, » kaʼa.

La Levi 19:13

Ma tsaghu kuni ta mndu, ma ghala kuni. Ma ŋaghu kuni ta nisəla mndu ta magatá slna ha ka lab ta sərɗək ga mahtsima ni.

Mata 22:10

Ka sliʼafta tsa kwalvaha ni ya ka laghwi ta tvi. Ka tsakaktá həŋ ta inda mndu ya guyuŋ həŋ. Nda ghwaɗaka mnduha tani, nda ŋərma mnduha tani, ka ndəghanaftá həga ma tsa vla kla makwa ya.

Mata 22:8

Tahula tsa, kaʼa nda kwalvaha ni mantsa: “Wana nda paya skwa zaya kla makwa. Tsa gwal si hagaŋ lu ya, raŋta həŋ a zay wa.

Mata 24:48

Ala, ka ghwaɗaka kwalva tsi, “saghata a daŋahəga ni həga ɗa misimmisim wu” kaʼa dzaʼazlay ma ghəŋa ni,

Mata 24:51

Dzaʼa ɗgapɗga daŋahəga ni həga ni, ŋa tsanaghatani ta guma kawadaga nda la ghwaɗak, ŋa taway tsa kwalva ya ta taw, ka hpaɗa sliʼiŋa ni hada, » kaʼa.

Mata 7:12

« Inda skwi má ta kum kaghuni ta magaghunata mnduha ya, maganawa maga kaghuni guli ta hahəŋ, kabga tsaya klatá ghəŋa zlaha Musa, nda gwaɗa la anabi. »

Lukwa 6:31

Ka nu skwi ɗina ta kum kaghuni ta magaghunata mnduha ya, maganawa maga manda va tsaya ta hahəŋ guli.

Yuhwana 13:13

“Mndu ta tagha skwi” ŋa ŋni ka, “mghama ŋni” ka, ka kuni ta hga iʼi. Ta ŋa ghuni tsaya, manda va tsaya yu.

Slna gwal ghunay 10:34

Mbaɗa *Piyer ka zlraftá gwaɗa. Wya kaʼa: « Kahwathwata, ndanana grafta yu kazlay: Haɗ Lazglafta ta gala mndu wu kəʼa.

La Ruma 2:11

Mantsa ya ná, haɗ Lazglafta ta gala mndu wa.

1Kwa 1:2

ta vindi yu ta na ɗelewer na ŋa mnduha Lazglafta ma luwa Kwareŋt, kaghuni ta nzakway ka ŋa Lazglafta nda zɗakatahuɗa Yesu Kristi, hagaf haga ta kaghuni ŋa nzakwa ghuni ka ŋa ni. Hagaf haga guli ta inda gwal ta nzakway ma sana vliha kavghakavgha ta maga duʼa da Mghama mu Yesu Kristi. Tsatsi ná, Mghama mu ya demdem.

1Kwa 7:22

Ka dər ka vuʼa mndu ta hgafta mgham Lazglafta katsi, nda pla vgha tsa mndu ya da Mgham Lazglafta. Manda tsaya, mndu kul haɗ ka vuʼa ta hgafta Lazglafta ná, ka vuʼa *Kristi tsatsi guli.

Vrafta ta zlahu 10:17

Yawe, Lazglafta ghuni ná, tsatsi Lazglafta ta ghəŋa lazglaftaha, mgham ta ghəŋa mghamha. Tsatsi Lazglafta dagala, ta mbruta ta zləŋ lu nda zləŋa. Haɗ ta gala mndu nda gala wu, haɗ ta tsuʼa sməɗ wa.

Kwalus 3:25

Mndu ta maga ghwaɗaka skwi ná, va tsa ghwaɗaka ni ya ŋa ni dzaʼa mutsay, kabga haɗ Lazglafta ta gala mndu nda gala wa.

Kwalus 4:1

Kaghuni daŋahəgaha, ŋanawa ŋa ta kwalvaha ghuni ta tɗukwa ni nda rakwa ni. Ɗina ka snaŋta ghuni guli kazlay: Mamu daŋahəga ni həga kaghuni guli ta luwa kəʼa.

Yakubu 2:13

Baɗu fitika tsa guma ná, haɗ Lazglafta dzaʼa tawa hiɗahiɗa ta mndu ya kul haɗ ta tawa hiɗahiɗa ta sanlaha wa. Ama tawa hiɗahiɗa ta ga mgham ta ghəŋa guma.

Yakubu 2:8

Ka sna sna kuni ta zlaha Lazglafta, manda ya nda vinda kazlay: Ɗvu ɗva ta mnda səla manda va ghəŋa gha kəʼa ya ná, maga maga kuni ta skwi ɗina.

Yakubu 5:4

Wya plana a kuni ta nisəla gwal ta ksaghunatá slna ma vwah wa. Ŋranafŋra kuni ta ŋuɗufa taŋ. Ta wahu həŋ. Ka snanaghatá tsa waha taŋ ya ta Lazglafta Mgham ya ta mbruta.

1Sam 15:17

Ka Samuyel mantsa: « Aŋ mndani, haɗ hayhaya ɗa wu ka kagha si ta ngha ghəŋa gha, nza a ka ka mali ta ghəŋa mndəra la Israʼila wu ra? Zbap a Yawe ta kagha nda ma pghaghatá rɗi ŋa nzakwa gha ka mgham ta ghəŋa la Israʼila wu ra?