Afisus 6:8 - Hdi

⁸ Dər má ka Kwalva ka, dər má ka kwalva a ka wu, ka maga maga ka ta slna ɗina, dzaʼa mutsay ka ta nisəla gha da Mgham.

Afisus 6:8 ပူးပေါင်းရင်းမြစ်များ

Mata 16:27

Wya dzaʼa sasa *Zwaŋa mndu kawadaga nda duhwalha ni ma glakwa Da ni, ŋa dganafta ni ta nisəla inda mndu taɓta magatá slna ni ma mndu.

Mata 20:7

Ka həŋ nda tsi mantsa: “Haɗ mndu ta klaftá aŋni ŋa maga slna wa,” ka həŋ. Kaʼa nda həŋ mantsa: “Lawa kaghuni guli da maga slna ma vwaha ɗa,” kaʼa.

Mata 5:12

Rfawa rfa ta rfu, ka nzata kuni waɗah, kabga mamu nisəla ghuni dagala ta kəzla kaghuni ta luwa. Manda va tsaya ganapta lu ta iri ta anabiha ta tiŋlaghutá kaghuni. »

Mata 6:1

« Ɗasuwa ka kuni ta mag kuni ta skwi tɗukwa, yaha kuni da magay ŋa ghubaku ta wa ira mnduha. Ka mantsa tsi ná, mutsafta a kuni ta nisəla ghuni da Da ghuni ta nzakway ta luwa wa.

Mata 6:4

Tsaya dzaʼa kəl tsa mbəha gha ya ka nzakway ka skwi nda ɗifa. Dzaʼa plagham pla Da gha Lazglafta ta ngha skwi ta mag ka ma ɗifa ya. »

Lukwa 14:14

Dzaʼa nza nza ka nda rfu kabga haɗ fitik dzaʼa plaghamta həŋ manda va tsaya wa. Lazglafta dzaʼa plaghamta baɗu fitik dzaʼa sliʼagapta tɗukwa mnduha nda hafu, » kaʼa.

Lukwa 6:35

Kaghuni ya ná, ɗvuwa ɗva ta ghumaha ghuni, magawa maga ta zɗaku ŋa taŋ. Ɓlawa nzawa ŋa mnduha, ma faf kuni ta ghəŋ ta vraghunamta, dzaʼa mamu nisəla ghuni dagala, dzaʼa nzakway kuni ka zwana Lazglafta Dagala, kabga tsatsi ná, zɗa ghəŋa ni nda mnduha kul haɗ ta rfa mndu, nda gwal ta sidi tani. »

1Kwa 12:13

Amu demdem, dər la *Yahuda tsi, dər la *Grek a tsi, dər mndu ka vuʼa tsi, dər mndu kul haɗ ka vuʼa a tsi, magamafmaga lu ta batem ŋa nzaku ka sluʼuvgha turtuk ma Sulkum turtuk. Ka mutsaftá mu demdem ta va tsa Sulkum turtuk ya, manda skwi sava mu nda sa.

2Kwa 5:10

Inda amu demdem ná, dzaʼa lagha la mu ta kəma *Kristi ŋa tsamaghatá guma, ŋa zlghay inda mndu ta nisəla slna ni ya maga tsi ma nzakwa ni ta ghəŋa haɗik. Ka ɗina slna ni maga tsi, dzaʼa zlghay ta nisəla ni, ka ɗina a slna ni maga tsi wu dzaʼa zlghay ta nisəla ni guli.

Galat 3:28

Ma tsaya tama, ta haɗ skwi ta dganatá la *Yahuda nda la *Grek wu, haɗ skwi ta dganatá vuʼa nda mndu kul nzakway ka vuʼa wu, haɗ skwi ta dganatá zgun nda marakw wa. Kaghuni demdem, ka skwa turtuk kuni ma ndiʼatá vgha ghuni nda Yesu Kristi.

Kwalus 3:11

Ndanana tama, ta haɗ mnay kazlay: La *Grek yehaya, la *Yahuda yehaya, gwal nda tsa fafaɗa taŋ yehaya, gwal kul tsaku fafaɗa taŋ yehaya, gwal ma mtak yehaya, gwal kul gunaku ghəŋa taŋ yehaya, la vuʼa yeya, gwal flaʼu vgha taŋ yehaya ya kəʼa wa. Mamu *Kristi ta nzakway ka hɗatani ma inda taŋ.

Kwalus 3:24

Ɗina ka snaŋta ghuni kazlay: Dzaʼa plaghuna pla Mgham Yesu nda skwi ya payana tsi ta mnduha ni kəʼa. Vərɗa daŋahəga ni həga ná, Kristi ya. Tsatsi mndu ta maganata kuni ta slna.

Kwalus 3:25

Mndu ta maga ghwaɗaka skwi ná, va tsa ghwaɗaka ni ya ŋa ni dzaʼa mutsay, kabga haɗ Lazglafta ta gala mndu nda gala wa.

Hebru 10:35

Mantsa tama, ŋavawa ŋa ka dzaʼa kuni ta kəma ta kəma nda fata ghəŋa ghuni ta Lazglafta. Ka ŋava ŋa kuni, dzaʼa mutsay kuni ta nisəla ghuni dagala.

Hebru 11:26

Mal ghuyɗipta mnduha ta ɗaŋwa manda ya dzaʼa ghuyanapta lu ta *Kristi ya, ka inda skwa gadghəl ta haɗika Masar, » kaʼa, kabga nda fa ŋuɗufa ni ta skwi ya dzaʼa vlaŋta Lazglafta ta kəma.