Afisus 6:5 - Hdi

⁵ Kaghuni la kwalva, snawa sna ta gwaɗa da daŋahəga ni həga ghuni ma na ghəŋa haɗik na. Zləŋawa zləŋa ta həŋ, ka vla kuni ta glaku ŋa taŋ nda ŋuɗufa ghuni turtuk, manda skwi ŋa *Kristi ta maga kuni.

Afisus 6:5 ပူးပေါင်းရင်းမြစ်များ

Zlrafta 16:9

Ka duhwala Yawe nda tsi mantsa: « Vra da maŋahəga gha, ka sna ka ta gwaɗa da tsi, » kaʼa.

1Rus 29:17

Nda sna yu, Lazglafta ɗa kazlay na ta nghadam ngha kagha ta ŋuɗufa mndu, zɗəgagha zɗa mndu ta nzakw tɗukwa kəʼa. Guli ná, magaghaf maga yu ta na mbəhu nda ɗvay na, nda ŋuɗuf tɗukwa. Ta nghay yu ndanana nda rfu ta mnduha gha hadna ta vla mbəhu ŋa gha nda ɗvay taŋ.

Mata 6:22

« Iri ná, manda pitirla vgha gha nzakwa ni. Ka tsiɗiɗ ira gha, tsuwaɗak inda vgha gha.

Mata 6:24

« Haɗ mndu dzaʼa laviŋta gwafta ksanatá slna ta mghamha his, ta magay magay ŋa ya, ta magay magay ŋa ya, ma va tsa fitik turtuk ya wa. Nda husaŋta sani, ta ɗvutá tsi ta sani. Nda ndiʼa nzakwa ni nda sani, ta wuɗiŋtá tsi ta sani. Laviŋ a kuni ta gwaftá maga slna ŋa Lazglafta, ta magay magay kuni ŋa tsedi wa. »

Mata 8:9

Iʼi guli ná, mista maliha nziŋta yu, mamu sludziha mista iʼi guli. “Ka la!” ka yu nda sani, gi sliʼa ni. Ka “sagha sa!” ka yu nda sani, gi sagha ni. Ka “maga ta ya!” ka yu nda kwalva ɗa, gi magay ni, » ka tsa mghama sludzi ya.

Slna gwal ghunay 2:46

Inda fitik həŋ ta tskavata ma həga Lazglafta. Ka skwa turtuk ta nzata həŋ ka za skwa zay ma wa tgha taŋ. Nda rfu nda rfu, nda ŋuɗuf turtuk ta za həŋ.

La Ruma 9:3

ta ghəŋa zwana ma ɗa ta nzakway ka mndəra ini. Ta dər ma Ksiʼafta Lazglafta ta iʼi, ka dgihata nda Kristi, ta mbanaftá tsi ta hahəŋ, ka yu.

1Kwa 2:3

Ma tsa nzakwa ɗa da kaghuni ya ná, kulembet nzakwa ɗa, ta zləŋ yu, ta ghudzaku yu.

1Kwa 7:22

Ka dər ka vuʼa mndu ta hgafta mgham Lazglafta katsi, nda pla vgha tsa mndu ya da Mgham Lazglafta. Manda tsaya, mndu kul haɗ ka vuʼa ta hgafta Lazglafta ná, ka vuʼa *Kristi tsatsi guli.

2Kwa 1:12

Skwi ya ta vlaŋnatá tsafara vgha ná, nzuvusnza ŋni ta nzaku ɗina nda inda mnduha ka ŋni ta ɗaslay ma ghəŋa ŋni. Katkata ni mataba nzaku ya nzuvus mu nda kaghuni. Nzunza ŋni ta tsa nzaku ya ndəʼets nda hanatá ghəŋ manda ya vlaŋna Lazglafta. Manda ya ta kum ɗifila sluʼuvgha a nza ŋni ta tsa nzaku ya wu, ama Lazglafta ta kataŋnata nda zɗakatahuɗa ni.

2Kwa 7:15

Havapta ni ka tsa zləŋata zləŋa kuni, ka slavaptá kuni ka tsuʼafta nda ya ka kuni fata ghəŋa ghuni ka snanatá gwaɗa ni ya ná, ta sganagha sga ta yifatá kaghuni ma ŋuɗufa ni.

Afisus 5:22

Kaghuni miʼaha, ka hanagana hana dər wati ma marakw ta ghəŋ mista zəʼala taŋ. Manda tsaya dzaʼa maraŋta kuni ta hanatá ghəŋa ghuni mista Mgham *Yesu.

Afisus 6:24

Ka vlaŋ vla Lazglafta ta zɗakatahuɗa ni ta inda gwal ta ɗvutá Mghama mu Yesu Kristi nda ɗvu ya kul haɗ ta kɗaku.

Filip 2:12

Zwana ma ɗa gwal ta ɗvu yu nda ŋuɗufa ɗa, ya wya nda sna kuni ka *Yesu hanaganatá ghəŋa ni mista Lazglafta ya, hanaganawa hana kaghuni guli ta ghəŋa ghuni mista ni. Ma fitika nzakwa mu kawadaga ná, si ta snay kuni ta gwaɗa ni. Magawa maga manda va tsaya daga ndanana dər haɗ yu kawadaga nda kaghuni. Kawadaga nda zləŋa Lazglafta, magawa maga kaghuni guli ta slna nda tsa mbaku vlaghuna lu ya.

Filimuŋ 1:16

Ndanana ná, ta ka vuʼa a nzakwa ni wu, mal tsatsi ka vuʼa, nda nza ka zwaŋama mu tegeɗ tegeɗ. Ɗvu ɗva iʼi, kagha yeya dzaʼa kwal kul ɗvafta rki. Mnda səla ya, zwaŋama gha ya guli ma Kristi.

Yəhusuwa 24:14

Ka Yəhusuwa sganaghata guli mantsa: « Ndanana tama, zləŋawa Yawe, ka maganata kuni ta slna manda ya ta raku nda inda kahwathwata. Ka hliŋta kuni mataba ghuni ta lazglaftaha ya si ta tsəlɓu dzidzíha ghuni ta tsəlɓu ŋa taŋ ta tsa ɓla zala Yufratis, nda ya ma Masar ya. Ka tsəlɓa kuni ta tsəlɓu kuni ta Yawe.

1 Piyer 3:2

Dzaʼa nghaŋ ngha həŋ ta ŋərmata nzakwa ghuni, nda ya ká kuni ta sna gwaɗa da həŋ.