Afisus 6:23 - Hdi

²³ Inda kaghuni zwana ma, ka vlaghuna vla Lazglafta ta nzakway ka Da, nda Mghama mu *Yesu *Kristi ta zɗaku, nda tva ɗvuvustá vgha sani nda sani, ka dzaʼa kuni ta kəma ta kəma nda zlghay ya zlghaf kuni ta Kristi.

Afisus 6:23 ပူးပေါင်းရင်းမြစ်များ

Zlrafta 43:23

Ka tsa mndu ya mantsa: « Ka nza zɗaku kawadaga nda kaghuni, ma zləŋ kuni, Lazglafta ghuni ta nzakway ka Lazglafta da ghuni ta faghunamtá ghazlu ma buhwa ghuni. Zlghaf zlgha yu ta tseda ghuni, » kaʼa. Ka zliniŋtá tsi ta həŋ ta Simghuŋ.

Yuhwana 14:27

« Zɗaku ya ta zlaghunaŋta yu. Zɗakwa ɗa ya ta vlaghunata yu. Vla a yu ŋa ghuni manda ya ta vlə mnduha ma ghəŋa haɗik wa. Yaha ŋuɗufa ghuni da tɗu, yaha kuni da zləŋ.

La Ruma 1:7

Inda kaghuni ta nzakway ma luwa Ruma, ɗvu ɗva Lazglafta ta kaghuni, ka hgaftá tsi ta kaghuni ŋa nzakway ka ŋa ni. Ka nza zɗakatahuɗa Da mu Lazglafta nda Mghama mu Yesu Kristi ta ghəŋa ghuni.

La Ruma 15:33

Ka nza Lazglafta ta vla zɗaku kawadaga nda kaghuni demdem. Ka nza tsi mantsa ya.

1Kwa 1:3

Ka nza zɗakatahuɗa i Da mu Lazglafta nda Mghama mu Yesu Kristi kawadaga nda kaghuni. Mista ghuni ka zɗakwa taŋ guli.

2Kwa 13:11

Zwana ma ɗa, ɗughwana ka kuni nzata, ka nzata kuni nda rfu, zbawa zba ta nzata tsiɗiɗ, brusuvuswa vgha ghuni, nda dzratá wi ka kuni nzata, nzawa nza nda zɗaku mataba ghuni. Mantsa ya ná, dzaʼa nza nza Lazglafta ya ta ɗvutá mnduha, ta vla zɗaku ŋa mnduha nda kaghuni.

Galat 5:6

Ka nda ndiʼa mndu nda *Yesu Kristi katsi, dər nda tsa fafaɗa ni, dər tsa a tsi wu, haɗ ghəzliwa ni wa. Zlghafta nda ŋuɗuf, ka mara tsa zlghay ya nda ma ɗvutá sanlaha vərɗa skwi.

Galat 6:16

Ka nza zɗakwa Lazglafta nda tawa hiɗahiɗa ni ta ghəŋa inda gwal ta snatá na skwi ta tagh yu na. Mantsa ya guli ta ghəŋa gwal ta nzakway ka vərɗa Israʼila Lazglafta.

Afisus 6:24

Ka vlaŋ vla Lazglafta ta zɗakatahuɗa ni ta inda gwal ta ɗvutá Mghama mu Yesu Kristi nda ɗvu ya kul haɗ ta kɗaku.

1Tes 5:8

Amu ya, gifitik ta mbaɗa amu ta mbaɗa. Zlaha ma vgha mu. Klafma zlghay nda ŋuɗuf nda ɗvu ka nzakwa həŋ manda suɗatá lguta kfur ŋa wara nda tsi. Fafma ghəŋa mu ta mbaku manda fatá takazak ma ghəŋ.

2Tes 1:3

Zwana ma ɗa, haɗ ŋni ta zlaŋta rfanaghatá Lazglafta ta ghəŋa kaghuni wa. Nda nza tsaya tɗukwa, kabga ta dzaʼa ta kəma ta kəma zlghay nda ŋuɗufa ghuni, nda ɗvu ta dzaʼa ta kəma ta kəma ta mag inda kaghuni ŋa sanlaha ya.

2Tes 3:16

Ka vlaghuna vla Mgham Yesu tsatsi ka ghəŋa ni ta vla zɗaku ya, ta zɗaku dər ta wati luwa tsi. Ka nza Mgham Yesu kawadaga nda kaghuni demdem.

1Tim 1:14

Ka zɗəɗiŋtá Mghama mu ta huɗi katakata, ka vlihatá zlghay nda ŋuɗuf, nda ɗvu ya ta mutsu lu ma guyatá vgha nda Yesu Kristi.

1Tim 1:3

Manda ya si ta mnə yu ŋa gha ma sliʼa ɗa da luwa Mekaduniya ya kay, ka nzata ka ma luwa Afisus, kabga mamu gwal ta tagha tsakalawi ŋa mnduha. Ka dvanaghata ka ta həŋ ŋa zlaŋta taŋ.

1Tim 5:8

Ka haɗ mndu ta nghapta ka la taŋ, katkatatani la ma həga ga taŋ wu katsi, ɓliŋ ɓla tsa mndu ya ta zlghay nda ŋuɗuf, mal tsatsi badzatani ka mndu kul zlghaftá *Yesu.

1 Piyer 5:14

Guvuswa ga ta zgu sani nda sani nda brusa vgha hmətət. Ka nza zɗakatahuɗa Lazglafta nda kaghuni demdem, kaghuni gwal ma Kristi ya.

3 Yuhwana 1:14

Nzəɗavata a yu ka lab da kaghuni wu, ŋa guyakwa u tsa, ŋa gwaɗay u.

Suna Yuhwana 1:4

Iʼi Yuhwana ta vinday ŋa ghuɓa Iglizha ndəfáŋ ta haɗika Asiya. Ka vlaghuna vla Lazglafta ta zɗakatahuɗa ni nda zɗakwa ni. Tsatsi Lazglafta daga manda ghalya, va tsa tsatsi ya guli ndanana, tsa tsatsi ya guli ta kəma. Ka vlaghuna vla tsa Sulkumha ni ndəfáŋ ta nzaku ta vata dughurukwa ni ya, ta zɗakatahuɗi nda zɗaku guli.

1Sam 25:6

Ka kuni dzaʼazlay nda tsi na: “Ta mblam ka hafa gha! Ka nza zɗaku nda kagha, nda gwal ga ghuni, nda ya nda inda skwiha gha!