Afisus 6:14 - Hdi

¹⁴ Hbafwa vgha! Ka nza kahwathwata da kaghuni manda hbatá huɗi nda ɓanava. Magawa tɗukwa skwi, kabga maga skwi tɗukwa ná, manda suɗa ta gudum ŋa kata vgha ya nzakwa ni.

Afisus 6:14 ပူးပေါင်းရင်းမြစ်များ

2Mgh 3:21

Ma tsa fitik ya, ka snaŋtá inda la Muwav kazlay ta saf sa tsa mghamha hkən ya da vulu nda həŋ kəʼa. Ka hagaftá həŋ ta inda gwal prək ka kla huzla vulu, nduk nda gwal malap ima taŋ tani, ka ŋaftá həŋ ta mukuma.

Lukwa 12:35

« Hbawahba ta vgha ŋa maga slna, tsamwa vu ma pitirla ghuni,

La Ruma 13:12

Nda dga rviɗik, ndusa tsaɗakwa vli. Slurtiŋmaslurta ta slna grusl, ka pghavata mu ta huzla vulu ta nghanatá tsuwaɗak.

2Kwa 6:7

Ka gwal ta mna vərɗa gwaɗa, ka gwal nda mbakwa Lazglafta ma həŋ. Huzla vula ŋni ma zlaɓa nda zeghwi ná, tsaya kahwathwata.

Afisus 5:9

Kəl yu ka mnay mantsa ya ná, ta sliʼagapta ma tsuwaɗak na skwiha ɗina ɗina, nda skwiha tɗukwa tɗukwa, nda kahwathwata.

Afisus 6:13

Tsaya tama, hlawa hla ta inda tsa huzla vulu ta vlaghunata Lazglafta ya, da hwayaftá kuni saghar ghuya ɗaŋwa, ŋa dihavata ghuni ka ŋɗaŋɗa ka ghəzlafta, ta darra kaghuni.

1Tes 5:8

Amu ya, gifitik ta mbaɗa amu ta mbaɗa. Zlaha ma vgha mu. Klafma zlghay nda ŋuɗuf nda ɗvu ka nzakwa həŋ manda suɗatá lguta kfur ŋa wara nda tsi. Fafma ghəŋa mu ta mbaku manda fatá takazak ma ghəŋ.

1 Piyer 1:13

Tsaya tama, payavawa paya ŋa ksa slna, nzawa nza nda fata ghəŋ hzleŋa. Fafwa fa ta ndana ghuni ta zɗakatahuɗi ya dzaʼa vlaghunata lu baɗu zlagapta *Yesu *Kristi.

Suna Yuhwana 9:17

Mantsa ya mariɗiŋta lu. Ka nghaŋtá yu ta plisha nda mnduha tida, nda suɗatá lguta kfur manda vu ta vgha taŋ. Ka kubwalkubwal manda pala ta hgə lu ka Saffir nzakwa ni. Ka ghuvazwaŋ ghuvazwaŋ ghandand kay guli. Ghəŋa tsa plis ya ná, Manda tsatá ghəŋa rveri nzakwa ni. Skwi ta sabi ma wa taŋ ná, vu, nda ɗiŋ, nda ghandandatá vu ya.

Suna Yuhwana 9:9

Nda skwi manda zalama kfur mbəghata ghuva taŋ. Manda ghudzaga mwata plisha ta hwaya da vla vulu ya ghudzaga zlambaka taŋ.