Afisus 6:10 - Hdi

¹⁰ Wya kɗavakta gwaɗa ɗa ta mnaghunata yu: Mbrawa vgha ma guyatá vgha ghuni nda *Kristi, nda tsa mbrakwa ni dagala ya.

Afisus 6:10 ပူးပေါင်းရင်းမြစ်များ

1Rus 28:10

Ngha ndanana ɓa, zbap zba Yawe ta kagha ŋa banaftá həga ka vla ni nda ghuɓa. Ŋava ŋa, ka maga ka ta slna! » kaʼa.

1Rus 28:20

Ka Dawuda nda zwaŋa ni Salumuŋ mantsa: « Mbra ta vgha, ka ŋavata ka ka maga slna! Yaha ka da zləŋ, yaha ka da ghudzaku, kawadaga Yawe, Lazglafta, ka Lazglafta ɗa, nda kagha. Haɗ dzaʼa zlaghata wu, haɗ dzaʼa zlaghata ŋa zləmbuta gha wu, ha ka kɗatá inda tsa slna ba həga Yawe ya wa.

2Rus 15:7

Ama kaghuni, mbrawa mbra ta vgha, ma rwu kuni ta vgha, kabga mamu nisəla slna ghuni, » kaʼa.

1Kwa 16:13

Nzawa nza hzleŋa, ka dihavata kuni ma zlghay nda ŋuɗuf, yaha kuni da zləŋ, ka mbra kuni ta vgha.

2Kwa 13:11

Zwana ma ɗa, ɗughwana ka kuni nzata, ka nzata kuni nda rfu, zbawa zba ta nzata tsiɗiɗ, brusuvuswa vgha ghuni, nda dzratá wi ka kuni nzata, nzawa nza nda zɗaku mataba ghuni. Mantsa ya ná, dzaʼa nza nza Lazglafta ya ta ɗvutá mnduha, ta vla zɗaku ŋa mnduha nda kaghuni.

Afisus 1:19

Ta kumay yu ta snaŋta ghuni kazlay: Malaghu mala mbrakwa ni ta inda skwi, nda ya kəʼa ta kata amu gwal ta zlghafta kəʼa. Katakata tsa mbrakwa ni ya.

Afisus 3:16

Tsaya ta kəl yu ka ndəɓa dzvu da tsi ka ksa tsi ta slna nda tsa mbrakwa ni dagala ya ma ŋuɗufa ghuni, ka vlaghunata tsi ta mbraku kahwathwata nda ma Sulkuma ni.

Vrafta ta zlahu 31:23

Ka Yawe mnanaftá Yəhusuwa, zwaŋa Nuŋ mantsa: « Mbra ta vgha ka dihavata ka, kabga kagha dzaʼa hladamtá la Israʼila da tsa haɗik waɗata yu ta həŋ ya. Iʼi ná, dzaʼa nza nza yu kawadaga nda kagha, » kaʼa.

Filip 3:1

Kɗavakta gwaɗa ɗa zwana ma ná, rfawa rfa ta rfu kabga ndiʼatá vgha ghuni nda Mgham *Yesu. Va tsa gwaɗa si vindaghunaf yu ya tata vrafta yu tida, hərfava a yu ma vəl vindgəlta wu, ɗina tsaya ŋa haghunamta ma ghəŋ ŋa kata kaghuni.

Filip 4:13

Laviŋ lava yu ta ŋaftá tsa skwiha ya nda mbrakwa Yesu *Kristi ta vlihata.

Filip 4:8

Zwana ma ɗa, wya kɗavakta gwaɗa ɗa: Skwi ŋa ŋanata ghuni ná, ŋanawa ŋa ta inda kahwathwata, nda inda skwi ɗina ta ghubu lu, nda inda skwi tɗukwa, nda inda skwi nda tsala, nda inda skwi ta raku ka mamay, nda inda skwi ta raku, nda inda skwi ta ɗinuta, nda inda skwi ta raku ka zləzlvay. Tsaha ya skwiha ŋa ŋanata ghuni ma ghəŋa ghuni.

Kwalus 1:11

Dzaʼa mbray Lazglafta ta kaghuni nda mbrakwa ni dagala dər ma wati ma skwi, ŋa laviŋta ghuni ta sladata his his səla ka suʼa inda skwi nda rfu.

2Tim 2:1

Kagha tama zwaŋa ɗa, mbra ta vgha ma zɗakatahuɗi vlama lu ma *Yesu *Kristi.

2Tim 4:17

Tsaw nza nza Mgham Lazglafta kawadaga nda iʼi, ka vlihatá tsi ta mbraku, kəl yu ka kɗanaktá mna gwaɗa ni, ka snaŋtá inda gwal kul nzakway ka la *Yahuda. Katigipkata Lazglafta guli ma wa rveri.

Yəhusuwa 1:9

Mnaghaf a yu kazlay na ka ŋavata ka, ka mbra ka ta vgha kəʼa kay ra? Yaha ka da ghudzaku, yaha ka da zləŋ, kabga kawadaga Yawe, Lazglafta gha nda kagha, ma inda vli ta dzaʼa ka, » kaʼa.

1 Piyer 3:8

Ŋa kɗiŋta ná, guyawa guyatá ndana ghuni ka skwa turtuk, tawavuswa hiɗahiɗa, ɗvuvuswa vgha ghuni ka zwana ma nda kwaghama, magawa zɗaku nzawa nza nda hanatá ghəŋ.

1 Piyer 4:11

Ka vlaŋ vla Lazglafta ta mbrakwa gwaɗa ta mndu katsi, ka mna tsi ta skwi mnana Lazglafta. Mndu ya vlaŋ Lazglafta ta mbrakwa maganatá slna ta mndu guli, ka maga tsi nda mbraku ya vlaŋ Lazglafta. Magawa maga mantsa ya ŋa zləzlvay mnduha ta Lazglafta ma inda skwi, kabga Yesu Kristi. Ŋa ni glaku, nda mbraku, ŋa kɗekedzeŋ. Amin!

1 Piyer 5:10

Tahula ghuyta ghuni ta ɗaŋwa ma fitik kwitikw ya, dzaʼa vlaghuna vla Lazglafta ya ta gɗata ta vla zɗakatahuɗi, ta hgaftá kaghuni ma *Yesu Kristi, ŋa lami da glakwa ni ya ŋa kɗekedzeŋ, ŋa payafta tsatsi ka ghəŋa ni ta kaghuni, ŋa dihaghunatani, ŋa mbraghunaftani, ŋa kwala skwi kul gigɗaŋtá kaghuni.

1 Yuhwana 2:14

Kaghuni zwani, ka yu ta vindaghunafta na: « Nda sna kaghuni ta Da mu Lazglafta. » Kaghuni dadaha, ka yu ta vindaghunafta na: « Nda sna kaghuni ta tsa mndu ta nzakway daga ta kul zlraftá inda skwi ya. » Kaghuni duhwalha, ka yu ta vindaghunafta na: « Nda mbra kaghuni, nzam nza gwaɗa Lazglafta ma kaghuni, ka ghuɓasaptá kuni ta halaway. »

1Sam 23:16

Ka sliʼaftá Yunataŋ, zwaŋa Sawulu da slanaghatá Dawuda ma Hursa ŋa vlaŋtá mbraku ŋa fafta ni ta ghəŋ ta Lazglafta.