Afisus 5:3 - Hdi

³ Ya nda nza kuni ka ŋa Lazglafta ya, yaha kuni walaŋtá hliri, yaha kuni maga skwa hula, yaha kuni tsagana, yaha mndu da razaghunafta ta ghəŋa tsa skwiha ya.

Afisus 5:3 ပူးပေါင်းရင်းမြစ်များ

Sabi 18:21

Zabap zaba mataba mnduha demdem ta sanlaha ma gwal nda sgit ta həŋ, ta zləŋa Lazglafta, ta vərɗa mnduha, gwal husaŋ nənɓu. Pagha pagha ta həŋ ka maliha ta ghəŋa mnduha dəmbuʼ dəmbuʼ, nda mnduha dərmək dərmək, nda mnduha hutaf mbsak hutaf mbsak, nda mnduha ghwaŋ ghwaŋ.

Sabi 20:17

Ma harauʼa ka ta həga ga sləvda gha, ma haraʼu ka ta markwa sləvda gha, dər kwalva ni, dər kurɗa ni, dər sla ni, dər kəɗiha ni, dər inda skwa ni, » kaʼa.

Sabi 23:13

Ka ŋanata kuni ɗina ta inda tsa gwaɗaha managhuna yu ya. Yaha kuni hgaŋtá hga sana lazglaftaha, dər snaŋtá kulay ma wa ghuni. »

La Levi 15:18

Ka hana hana mndu nda marakw, dzaʼa mbazaghu mbaza həŋ ta mbaza. Dzaʼa nza nza həŋ ka gwal ta tsaɗ lu ha ga hawu. »

Mbsak 25:1

Ka nzatá la Israʼila ma Sitim, ka zlraftá mnduha ta maga sliʼiŋsliʼiŋ nda kwagha la Muwav.

Mata 15:19

Tazlay ná, ma ŋuɗufa mndu ta sliʼagapta ghwaɗaka ndanuha manda: Psla mndu, hliri, sliʼiŋsliʼiŋ, ghali, tsanavata gwaɗa ta mndu, vza rutsak ta mndu.

Lukwa 12:15

« Ɗasuwa ka kuni nda tsagana. Vəl nzakwa skwa mndu mamu ka nutá tsi ka gadghəl a kəl tsi ka nzata nda hafu wu, ka Yesu kay guli nda inda mnduha. »

Lukwa 16:14

Ka ghuɓasu la *Farisa ta sna inda tsa gwaɗa ya ta *Yesu, kabga ɗvu ɗva hahəŋ ta tsedi.

Slna gwal ghunay 15:20

Skwi ŋa vindanaftá həŋ na: Zlaŋta taŋ ta wuya skwi, nda hliri, nda za skwi ɓərtá lu nda ɓərta, nda za us, kabga

Slna gwal ghunay 20:33

Ma nzakwa ɗa ná, gvalaŋ a yu ta dər tseda mndu, dər dzindara mndu, dər lguta mndu wa.

La Ruma 1:29

Ndəghundəgha ghwaɗaka skwiha kavghakavgha ta mag həŋ: Ta ŋaslu həŋ, ta tsagana həŋ, ta sidi həŋ, ta draku həŋ, ta psla mndu həŋ, ta zlərɗa wi həŋ, ta tsaghutá mndu həŋ, ka matsaŋwaslay həŋ, ta tsa mndəra mndu həŋ,

La Ruma 16:2

Ka ɓhadagha ɓha tsi da kaghuni, ka tsuʼafta kuni manda ya ta raŋta mnduha Lazglafta. Ka kataŋta kuni ma skwi ya zbaŋ tsi ta kataŋta ghuni. Tsatsi guli ná, dagala mnduha katana tsi, katiha kata ta vərɗa iʼi ka ghəŋa ɗa guli.

La Ruma 6:13

Ma zlanaŋ kuni ta dmaku ta fawayha ghuni ŋa maga dmaku. Katək ná, vlaŋwa vla ta ghəŋa ghuni ta Lazglafta, kabga nda nza kuni ka gwal nda hafu ta sliʼagapta ma mtaku. Zlanaŋwa fawayha ghuni ta Lazglafta, ka maga tsi ta skwiha ya tɗukwa nda həŋ.

1Kwa 10:8

Ma hlə kuni ta iri manda ya mag sanlaha mataba taŋ, kəl həŋ ka rwuta dəmbuʼ hisambsak hkən mida ta fitika turtuk ya.

1Kwa 5:1

Ka lu ta mnay ta snə yu ma luwa ná, mamu hliri mataba ghuni. Dər gwal kul snaŋtá Lazglafta ná, haɗ həŋ ta nzaku manda tsaya wa. Ta hani sana mndu nda markwa da ni, ka lu.

1Kwa 6:13

« Skwa zay ná, ŋa huɗi a ra? Huɗi guli ná, ŋa skwa zay a ra? » ka kuni ta mnay guli. Tsaw nda skwa zay tani, nda huɗi tani, dzaʼa ɓadziŋ ɓadza Lazglafta ta həŋ his his. Sluʼuvgha ná, magaf a Lazglafta ŋa maga sliʼiŋsliʼiŋ nda tsi wa. Nda nza sluʼuvgha ŋa Mgham *Yesu, ta nzata Mgham Yesu ka ŋa sluʼuvgha.

1Kwa 6:18

Tsaya tama, zlaŋwa sliʼiŋsliʼiŋ. Hamata dmakuha ta mag lu ná, ta ɓla vgha ta magaʼata lu. Mndu ta fatá sliʼiŋsliʼiŋ ka slna ni, ŋa vərɗa sluʼuvgha ni ta ga tsi ta dmaku.

2Kwa 12:21

Sana skwi ta zləŋ yu ma tsa lab dzaʼa lab yu da kaghuni ya guli ná, duŋwa yu da nzata ma hula ta kaghuni, ta kəma Lazglafta ɗa ná, ka yu. Zləŋa ɗa ná, da slanaghatá yu ta gwal ta maga dmaku manda va ya snu həŋ ta kwalaghutá paya tva taŋ ta ghəŋa hliri ta hlə həŋ, nda maga sliʼiŋsliʼiŋ ta mag həŋ, nda sanlaha ma mndərga tsa ghwaɗaka skwiha ya.

Afisus 5:12

Ta ksaku ka hula dər gwaɗay ma wi ta tsa skwi ta mag həŋ ma ɗifa ma ɗifa ya.

Afisus 5:5

Wya skwi ŋa snaŋta ghuni: Haɗ gwal ta hliri, nda gwal ta maga skwa hula, nda gwal ta tsagana, dzaʼa mutsaftá skwa za mgham ma luwa ga mghama i Lazglafta nda Kristi wa. Tsa gwal malaghu mala ɗvafta taŋ ta tsagana ka Lazglafta ya ná, ka guram nda wya skwi tsaya.

Filip 1:27

Skwi ná, nzawa nza ta nzaku ya ta raku ŋa nghaŋta mnduha kazlay: Gwal ta maga skwi manda ya ta mnə gwaɗa *Kristi kuni kəʼa. Skwi ta kum yu ta snaŋta ná, ta nzaku ka kuni manda ya ta raku. Dər má lab la yu da kaghuni, dər má lab a yu da kaghuni wu, nda guya ka ghəŋa ghuni. Ta ŋava ŋa ka kuni nda ŋuɗuf turtuk ka dzaʼa ta kəma ta kəma nda mna gwaɗa Lazglafta.

Kwalus 3:5

Zaɗanawa zaɗa ta ŋa ghəŋa haɗik ma kaghuni ta nzakway ka: Sliʼiŋ sliʼiŋ, ghurduɓaku, hliri, haraʼutiri, tsagana, ka guram tsa tsagana ya nda wya skwi.

1Tes 4:3

Skwi ya kum Lazglafta ná, nzata ghuni hezleʼ a ta kəma ni kul haɗ hliri.

1Tes 4:7

Hgaf a Lazglafta ta amu ŋa maga sliʼiŋsliʼiŋ wa. Hgaf ŋa nzata mu hezleʼ a ta amu.

1Tim 2:10

Ka rka həŋ ta rka nda ŋərmata slnaha taŋ, manda ya ta raŋta miʼaha ta maraŋtá zləŋay taŋ ta Lazglafta.

1Tim 3:3

ma nza tsi ka mndu ta sa ima inabi, ma nza tsi ka mndu ta sidi, ama leɓtekw ka nzakwa ni. Ma nza tsi ka mndu ta ghazeŋzeŋ, ma nza tsi ka mndu ɗvutá ta tsedi.

1Tim 6:10

Ɗvutá tsedi ná, ta klak kla ta slrəŋa inda ghwaɗaka skwi. Ma tsa ɗvuta taŋ ta tsedi ya, ka zlanavatá həŋ ta zlghay nda ŋuɗufa taŋ, ka garaɓ tsi ta həŋ katakata.

2Tim 3:2

kabga dzaʼa nzakway mnduha ka gwal ta ɗvutá ghəŋa taŋ, ka gwal ta ɗvutá tsedi, ka gwal ta ghərɓaku, ta gla ghəŋ, ka gwal ta kwara kwara ta ghəŋa Lazglafta, ka gwal kul haɗ nziʼiŋa taŋ ta dadaha taŋ, ka gwal kul haɗ ta rfa mndu, ka gwal kul haɗ ta zləŋa Lazglafta.

Titus 1:11

Ka hanafta lu ta wi ta həŋ, kabga ta ɓadza nzaku ma həga ga mndu həŋ nda tagha skwiha kul raku ŋa mndu, ŋa mutsa skwi ta tvi kul ɗinaku.

Titus 1:7

Mndu kul haɗ gwaɗa ta ghəŋa ni katsi, kabga slna Lazglafta ta mag tsi. Má ma nza tsi ka mndu tsuʼaslaŋslaŋa, ka mndu ta gufwaku ŋuɗufa ni, ka mndu ta ghuyaku, ka mnda ghazeŋzeŋ, ma nza tsi ka mndu ta nənɓaptá mndu ma tsedi.

Titus 2:3

Mantsa ka ka da mnanatá la galata miʼaha guli, ŋa magay taŋ ta ŋərma skwi manda ya ta zɗəganatá Lazglafta. Yaha həŋ da tsa mndəra mndu, yaha həŋ da ghuyaku, ka tagha həŋ ta skwi ɗina ɗina ŋa sanlaha.

Hebru 12:16

Ɗasuwa ka kuni, yaha gwal ta hliri nzakway mataba ghuni. Yaha mndu dər turtuk mataba ghuni da vziŋtá skwi ta nzakway ka ŋa Lazglafta, manda Ghesav ta skwaptá mamali mala ni nda skwa zay kweŋkweŋ ya.

Yəhusuwa 7:21

Ma skwiha zləɗa lu, ka slaftá yu ta sana lgut mndərga ŋa la Babila, ká ka nda ɗinakwa ni, nda tsedi ta maga kiluʼ his, nda rita kiluʼ a dasu. Ka magatá yu ta haraʼutiri, ka hlaftá yu. Dzaʼa slanagha sla kuni lam yu ma haɗik ma takataka tumpula ɗa, mista ni pəghiŋta yu guli ta tsa tsedi ya, » kaʼa.

1 Piyer 5:2

Wyawa dzvu, ka ngha kuni ta bra ya faghunam Lazglafta ma dzvu. Nghawa ngha nda ŋuɗuf turtuk manda ya ta kum Lazglafta. Ma nza tsi ka mbla kaghuni nda mbla. Ma mag kuni kabga ŋa mutsa tsedi, ama magawa maga kabga ɗvu.

2 Piyer 2:10

Katkatatani ná, ta ghəŋa gwal ta maga ghwaɗaka skwi kumaŋ sluʼuvgha taŋ, nda gwal ta hərtətatá ga mghama Lazglafta, dzaʼa tsi giri ŋa taŋ. Tsa mnduha ta tagha ghwaɗaka skwi ya ná, haɗ hula ta wa ira taŋ wa. Ta gla ghəŋ həŋ. Vla a həŋ ta glaku ŋa duhwala Lazglafta ta luwa wa. Ta razu nda raza həŋ.

2 Piyer 2:14

Ta taɗaku ira taŋ ta miʼaha, hərfava a həŋ ma vəl maga dmaku wa. Bla a ta barafta həŋ ta gwal nda hta mbrakwa taŋ ka pghamtá həŋ da dmaku wa. Yukyukyuk ka ira taŋ ta taɗaku ta skwiha. Mndərga tsaha ya ma mnduha ná, nda ghada ksuta guma Lazglafta ta həŋ.

2 Piyer 2:3

Ta taɗaku ira tsa ghwaɗaka mnduha ya ta skwa mndu, ŋa tsakalay taŋ ta wi ŋa gatugadughunustá skwa ghuni. Tsaw nda ghada tsatá guma ta ghəŋa taŋ daga manda ghalya, ta kzlaykzlay zaɗaku ta həŋ.

Suna Yuhwana 2:14

Ama wya skwiha ta dvaghaghata yu: Mamu sanlaha mataba ghuni ta ɗvutá tagha skwa Bilʼam, ya ta taghanaftá Balak, ka pghamta zwana la Israʼila da ga dmaku, ŋa za sluʼa skwa wuyay, nda ya ŋa maga sliʼiŋsliʼiŋ ya.

Suna Yuhwana 2:21

Zlanaŋ zla yu ta fitik ma ŋa mbəɗanaftani ta nzakwa ni, ama va a ta zlaŋta maga tsa sliʼiŋsliʼiŋani ya wa.

Suna Yuhwana 21:8

Ama gwal ta yaɗi, nda gwal ta mbrəs, nda gwal ta maga manzakɗaway skwiha, nda gwal ta pslatá mndu, nda gwal ta maga sliʼiŋsliʼiŋ, nda gwal ta mbaɗaku, nda gwal ta wuya skwi, nda inda gwal ta tsakalawi ya, da duda vu ghandand dzaʼa pghaghata lu ta həŋ. Tsaya ta nzakway ka mahisa mtaku, » kaʼa.

Suna Yuhwana 22:15

Ama gwal ta nzakway ta magaku manda kriha, nda gwal ta mbəɗaku, nda gwal ta maga sliʼiŋsliʼiŋ, nda gwal ta pslatá mndu, nda gwal wya skwi, nda inda gwal zɗəgana tsakalawi, ta tsakalay həŋ guli ya, mabli dzaʼa zlanata lu ta tsaha ya.

Suna Yuhwana 9:21

Ka kɗaŋtá həŋ ta va psla mndu, ka va mbaɗakwa taŋ, nda va hlira taŋ, ka va ghala taŋ, Zlana a həŋ ɗekɗek wa.

1Sam 8:3

Ama ksaf a tsa zwana ni ya ta saɗa ni wa. Ka tɗaghatá tsedi ta həŋ, ka tsaʼu həŋ ta sməɗha, ka mbəɗiŋtá həŋ ta kahwathwata ma guma.