Afisus 5:21 - Hdi

²¹ Hanaganawa hana ta ghəŋa ghuni mista sani nda sani, kabga ta zləŋay kaghuni ta *Kristi.

Afisus 5:21 ပူးပေါင်းရင်းမြစ်များ

Zlrafta 16:9

Ka duhwala Yawe nda tsi mantsa: « Vra da maŋahəga gha, ka sna ka ta gwaɗa da tsi, » kaʼa.

1Rus 29:24

Ka haniŋtá inda maliha, nda gwal ka bikwira vulu, nduk nda inda zwana mgham Dawuda ta ghəŋ mista mgham Salumuŋ.

2Rus 19:7

Ndanana, ka nza zləŋa Yawe da kaghuni. Ɗasuwa ka kuni nda slna ghuni, kabga haɗ Yawe, Lazglafta mu ta maga skwi kul nzakway tɗukwa wu, haɗ ta gala mndu, haɗ ta ɗva sməɗ wu, » kaʼa.

Nəhemiya 5:15

Makəɗ iʼi, tsa guvnaha ta laghu nda hul ya ná, ta mnduha si nzafta həŋ. Si ta hlaghu hla həŋ ta skwa zay, nda ima inabi, nda sulay fwaɗ mbsak ta ghəŋa ni, da həŋ. Ndaɗaʼa ka gwal si ta ksa slna kawadaga nda həŋ si ta ghuya mnduha wa. Ama iʼi, magaŋ a yu mantsa wu, kabga ta zləŋay yu ta Lazglafta ɗa.

Nəhemiya 5:9

Ka kɗaŋtá yu ta gwaɗa: « Ɗina a tsa skwi maga kuni ya wa. Nzawa nza ta nzaku ma zləŋa Lazglafta mu, ŋa wara razuha da sanlaha ma mndəra mnduha, ta nzakway ka ghumaha mu.

1Kwa 16:16

Snawa sna ta gwaɗa da mndərga tsa mnduha ya, nda ya da inda gwal ta maga mndərga tsa ŋa ni slna ya kəʼa.

2Kwa 5:11

Ya wya nda sna amu ta skwi ta hgə lu ka zləŋa Mgham *Yesu ya, tsaya ta kəl aŋni ka ŋavata ka kasaktá ghəŋa mnduha. Nda sna Lazglafta ta aŋni dar, ta grafta aŋni guli ná, nda sna kaghuni ma ŋuɗufa ghuni ta aŋni.

2Kwa 7:1

Zwana ma ɗa, ya mantsa ya ka lu tamaftá imi ta sləməŋ ya ná, suɗapma ghəŋa mu ma skwi dzaʼa ŋəriŋtá vgha mu nda ŋuɗufa mu. Ka kɗanakta mu ta nzakwa mu hezleʼ ma zləŋa Lazglafta.

Galat 5:13

Zwana ma ɗa, hgaghuna hga Lazglafta ŋa kwala ghuni nzakway ka vuʼa zlahu. Ala ka si mantsa tsi, ma klaf kuni ta tsa plata vgha ghuni ya ka skwi ŋa dzaʼa ghuni maga skwi ta kum sluʼuvgha. Katək ná, ɗvuvuswaɗva ta vgha ghuni, ka katuvusta kuni ta vgha ghuni mataba ghuni.

Afisus 5:22

Kaghuni miʼaha, ka hanagana hana dər wati ma marakw ta ghəŋ mista zəʼala taŋ. Manda tsaya dzaʼa maraŋta kuni ta hanatá ghəŋa ghuni mista Mgham *Yesu.

Afisus 5:24

Mantsa ya guli, inda miʼaha, ka hanagana hana dər wati ta ghəŋa ni mista zəʼala taŋ ma inda skwi, manda ya ta hanaganata Igliz ta ghəŋ mista Kristi ya.

Filip 2:3

Ma dagə kuni ta vgha ka gla ghəŋ, leɓtekwa ka kuni nzata. Ka mali ta ghəŋa kaghuni ka kuni ngha mnduha.

1Tim 2:11

Ma fitika tagha skwi ya guli, seftekwa ka marakw nzata, nda hanatá ghəŋ.

1Tim 3:4

Nda sna katsi ta ŋanatá həga ni, nda sna katsi ta zlaha zwana ni ŋa nzakwa taŋ ka zwani ta sna gwaɗa nda hanata ghəŋ guli.

Hebru 13:17

Snawa sna ta gwaɗa da maliha ghuni, ka sna kuni ta skwi ta mnaghunata həŋ. Hahəŋ ta nghapta ka hafa ghuni, kabga dzaʼa zlghay həŋ ta wa ni da Lazglafta. Snawa sna ta gwaɗa da həŋ, ya dzaʼa kəl həŋ ka maga slna taŋ nda rfu, nda ŋa ɗa ghəŋ a wa. Ka nda ŋa ɗa ghəŋ tsi ná, kataghunaftá a tsa wa.

1 Piyer 2:13

Ma tsa nzakwa ghuni ka ŋa *Yesu *Kristi ya, hanaganawa hana ta ghəŋa ghuni mista inda gwal ta ga mgham ta ghəŋa mnduha. Haniŋwa ghəŋ mista mgham dagala, ta ga mgham ta ghəŋa inda skwi.

1 Piyer 2:17

Vlawa vla ta glaku ŋa inda mndu, ɗvuwa ɗva ta zwana ma ghuni ma zlghay nda ŋuɗuf, zləŋawa zləŋa ta Lazglafta, vlawa vla ta glaku ŋa Mgham dagala.

1 Piyer 5:5

Kaghuni guli duhwalha, hanaganawa ghəŋ mista la galata mndu ta ngha Igliz. Kaghuni demdem nzawa nza nda hanatá ghəŋ ma gwaya vgha ghuni, kabga « zɗəgana a gwal ta gla ghəŋ ta Lazglafta wu, ama ta zɗanaŋ zɗa ta huɗi ta gwal ta hanaganatá ghəŋ. »