Afisus 5:2 - Hdi

² Ma slnaha ghuni ta mag kuni inda fitik, maraŋwa mara ta ɗvu ŋa sanlaha. Mantsa ya ɗvuta *Kristi ta amu ma mtuta ni ŋa mbamafta. Tsa skwi maga tsi ya ná, zɗəgana zɗa ta Lazglafta manda skwa pla ghəŋ ta vlaŋta lu.

Afisus 5:2 ပူးပေါင်းရင်းမြစ်များ

Zlrafta 8:21

Həlhəla nzakwa ni ta wa htsiŋa Yawe, ka zɗəganatá tsi. Ka Yawe ma ŋuɗufa ni mantsa: « Haɗ yu dzaʼa ksiʼiglaftá haɗik dabga mndu wa. Aŋ mndani, nda ɓadza ndana mndu daga ma ga zwaŋa ni, ama zaɗglanata a yu ta inda skwi nda hafu mida manda na maga yu na wa.

Sabi 29:18

Ka drafta ka ta tsa maŋazak ya demdem ta gwir. Tsaya skwa pla ghəŋ ŋa dray tsuh tsuh ŋa Yawe. Tsa skwa pla ghəŋ draf lu ta vu ya ná, zɗəgana həlata ni ta Yawe.

Sabi 29:25

Tahula tsa, ka hlapta ka guli ma dzva taŋ, ka drafta ka ta gwir ta ghəŋa skwa pla ghəŋ ŋa dray tsuh tsuh. Tsa skwa pla ghəŋ draf lu ta vu ta kəma Yawe ya ná, zɗəgana zɗa həlata ni ta Yawe.

La Levi 1:13

Ka ghwaɓiŋta tsa mndu ya ta nihuɗa ni, nda dagulamaha ni. Tahula tsa, ka drafta mnda dra skwi ŋa Lazglafta demdem ta gwir. Tsaya skwa pla ghəŋ ŋa dray tsuh tsuh draf lu ta vu, zɗəgana həlata ni ta Yawe.

La Levi 1:17

Ka ŋaŋanata tsi ta guŋugh ka kuhwanapta ma takataka, ama haɗ dzaʼa dganatá tsa sləɓahuha ni ya wu, ŋa drafta mnda dra skwi ŋa Lazglafta ta hasuʼu ta ghəŋa vu ta gwir. Tsaya skwa pla ghəŋ ŋa dray tsuh tsuh draf lu ta vu, zɗəgana həlata ni ta Yawe. »

La Levi 1:9

Ka ghuɓiŋta tsa mndu ya ta nihuɗa ni, nda dagulamaha ni. Tahula tsa, ka drafta mnda dra skwi ŋa Lazglafta demdem ta gwir. Tsaya skwa pla ghəŋ ŋa dray tsuh tsuh draf lu ta vu, zɗəgana həlata ni ta Yawe.

La Levi 3:16

Ka drafta mnda dra skwi ŋa Lazglafta ta gwir. Tsaya skwa zay draf lu ta vu zɗəgana həlata ni ta Yawe. Inda ghwaviɗ ná, ŋa Yawe ya.

Mbsak 7:21

nda lghəŋ dɓakwa turtuk, nda maŋazak turtuk, nda slaɓalakwa tuwak turtuk vakwa ni ŋa pla ghəŋ ŋa dray tsuh tsuh,

Mata 20:28

Manda va tsaya ná, sa a *Zwaŋa mndu ŋa maganata lu ta slna wa. Ama sasa ŋa maganatá slna ta mnduha, ŋa vlata ni ta hafa ni ŋa mbanaftá ndəghata mnduha, » kaʼa.

Yuhwana 13:34

Wana lfiɗa zlahu ta vlaghunata yu. Ɗvuwa ɗva ta vgha ghuni sani nda sani. Manda va ya ɗvu iʼi ta kaghuni ya, ɗvuwa ɗva kaghuni guli ta vgha ghuni sani nda sani.

Yuhwana 6:51

Iʼi buradi ta vla hafu ta saha daga ta luwa. Kata zay mndu ta tsa buradi ya, dzaʼa nzaku tsa mndu ya nda hafu ŋa kɗekedzeŋ. Tsa buradi ta vlə yu ya ná, sluʼuvgha ɗa ya. Dzaʼa vlay yu, kada nzakwa mnduha ta ghəŋa haɗik nda hafu, » ka Yesu nda həŋ.

La Ruma 15:16

ka faftá iʼi ka kwalva *Yesu *Kristi mataba gwal kul nzakway ka la *Yahuda. Ka faghutá tsi ta iʼi ŋa mna Lfiɗa Gwaɗa ni, ŋa nuta gwal kul nzakway ka la Yahuda ka skwi vlaŋ lu ta zɗəganatá Lazglafta. Sulkum nda ghuɓa ta nanaftá tsa skwi ya vla lu ya ka skwi ta raŋta Lazglafta.

La Ruma 4:25

Lazglafta ta vlatá tsa Yesu ya ma dzva mnduha ŋa dzata ta ghəŋa dmakwa mu. Ka sliʼaganaptá tsi guli ma mtaku ŋa nzakwa mu ka gwal tɗukwa ta wa ira ni.

La Ruma 8:3

Trap tra zlaha Musa ta maga tsa slna ya, kabga hta ta mbrakwa mnda səla ta pyafta ka magata. Ama ka magatá Lazglafta ma ghunagatani ta zwaŋa ni turtuktuk ma sluʼuvgha manda ŋa gwal dmaku, ŋa klagamapta ma dmaku. Nda tsaya tsanaghata Lazglafta ta guma ta dmaku ta mag mnda səla.

La Ruma 8:37

Ma inda tsa skwiha ya ná, fərtapfərta amu ma zatá ghwa, nda ma mndu ya ta ɗvutá amu.

1Kwa 16:14

Ma inda skwi ta mag kuni, ka maga kuni nda ɗvutá mndu.

1Kwa 5:7

Kliŋwa kla ta tsa dmaku ta nzakway manda is ya mataba ghuni, dzaʼa kəl kuni ka nzata hezleʼ manda hwaɗatá hpwa buradi kul haɗ is mida. Aŋ mndani, nda sna yu kazlay: Ghuɓighunis ghuɓa Lazglafta hezleʼ nda ma mta ta Yesu *Kristi kəʼa. Tsatsi ná, nda nza manda Zwaŋa Tuwak ta hnə lu ŋa za skala Pak ya.

2Kwa 2:14

Rfu da Lazglafta! Tsatsi ta vlaŋnatá za ghwa inda fitik ma *Kristi. Klaf kla ta aŋni ŋa mnaŋtá Kristi ma inda vli. Nda nza aŋni manda urdi zɗa vərtiktika ta pusata lu.

2Kwa 2:15

Manda va tsaya, nda nza aŋni manda urdi zɗa vərtikatani klaf Kristi ka vlaŋtá Lazglafta. Tsa urdi ya ná, nda nza ka ŋa gwal ta mutsa mbaku, nda gwal ta zaɗiŋtá ghəŋa taŋ tani.

2Kwa 8:9

Nda sna kaghuni ta zɗakatahuɗa Mgham Yesu *Kristi. Tsatsi ná, galipi ya, ka niŋtá tsi ta ghəŋa ni ka pɗu ŋa naghunaftá kaghuni ka gadghəl nda ma tsa pɗa ni ya.

Galat 1:4

Vərɗa Yesu ka ghəŋa ni ta vlatá ghəŋa ni ŋa mbamafta ma dmakwa mu. Ka hlagamaptá ma na ghwaɗaka nzaku ta na zamana ná, manda ya kumaŋ Da mu Lazglafta.

Galat 2:20

Iʼi, kata hafay yu ta hafu katsi, iʼi a ta hafay wa. Tsa Kristi ta nzakway ma iʼi yeya. Ka ta nzaku yu nda hafu ma sluʼuvgha ɗa ndanana guli katsi, ta nzaku yu nda hafu ma zlghay nda ŋuɗuf ma Zwaŋa Lazglafta ta ɗvutá iʼi ka vlatá tsi ta ghəŋa ni ta gwaɗa ta iʼi.

Afisus 1:4

Ma kɗaku Lazglafta zlaganaptá ghəŋa haɗik, zabap zaba ta amu ŋa nzaku ka mnduha ni, ka guyamafta nda Yesu, kada nzakwa mu hezleʼ ŋa nzakwa mu kul haɗ ghwaɗaka skwi ta amu.

Afisus 3:17

Ta ɗaway yu da tsi guli ta gɗavata *Kristi ma ŋuɗufa ghuni ma zlghafta ya zlghaf kuni. Ta ndəɓay yu ta dzvu da tsi guli, ka ŋavata kuni ka ɗvuvustá vgha ghuni sani nda sani. Ka ta ɗvuvusɗva kuni ta vgha ghuni kahwathwata katsi ná, dzaʼa nzakway kuni manda dihatá fu laghu slrəŋha ni da ghuvata haɗik. Dzaʼa nzakway kuni guli manda dihata həga thaf lu ta mndəra ni ta vəl təŋ təŋa.

Afisus 3:19

Aŋ mndani, haɗ mndu ta laviŋtá snaŋtá vər vəra ɗvuta ɗvu Kristi ta amu mndani wu, dər má mantsa tsi, ta ɗaway yu da Lazglafta ŋa laviŋta ghuni ta snaŋta, kada ksafta nzakwa ghuni ta saɗa Lazglafta.

Afisus 4:15

Nzata a mantsa ya wu, kahwathwata skwi ta nghanatá Lazglafta dzaʼa mnuvusta mu ma ɗvuvusta mu ta vgha mu, ŋa glakwa mu ma inda skwi ma ndiʼatá amu nda Kristi ta nzakway ka ghəŋ ta ghəŋa gwal zlghay nda ŋuɗuf ya.

Afisus 4:2

Ma inda skwi ta mag kuni, nda hana ka ghəŋa ghuni, leɓtekwa ka nzakwa ghuni, ta ksay ka kuni ta ŋuɗuf. Suʼuwawa ta skwi ta magaghunata sanlaha, ka ɗvuta kuni ta həŋ.

Afisus 5:15

Mantsa tama, ɗasuwa ka kuni nda nzaku ta nzaku kuni. Ma nzaku kuni manda la rgha, nzawa nza manda gwal nda mahizl ma ghəŋa taŋ.

Afisus 5:25

Kaghuni zəʼalha, ka ɗvuta dər wati ma zgun ta markwa taŋ manda ya ta ɗvu Kristi ta Igliz, ka mtutá tsi kabgani ya.

Vrafta ta zlahu 27:6

Nda pala kul fiɗata lu nda fiɗa dzaʼa dzihwanafta kuni ta gwir ta Yawe, Lazglafta ghuni. Ta tsa gwir ya dzaʼa pla kuni ta ghəŋ ŋa dray tsuh tsuh ŋa Yawe, Lazglafta ghuni.

Filip 4:18

Zlghaf zlgha yu ta tsa zɗakatahuɗa ghuni tsghaf kuni ta Yufratis ya. Haɗ skwi ta pəɗəgəlta yu wu, hwaslu hwasla katakata. Tsa skwi vla kuni ya ná, manda skwi dranaf lu ta Lazglafta ta zɗəganata katakata ya nzakwa ni.

Kwalus 3:14

Ya ta malapta katək ná, ɗvuvusta ghuni ta vgha ghuni. Tsa ɗvuvustá vgha ya ta nzakway ka tɓaŋ ta ŋərzlaghunata.

1Tes 4:9

Ta ghəŋa ɗvuvusta ghuni ta ghəŋa ghuni ná, ta dzaʼa vindaghunafta nda vinda a lu wu, kabga ghada ghada Lazglafta ka ghəŋa ni ta taghaghunafta.

1Tim 2:6

ta vlatá ghəŋa ni ŋa varatá inda mnduha demdem. Tsaya skwi ya maga tsi ma fitik ya fa Lazglafta.

1Tim 4:12

Yaha mndu da hərtətatá nzakwa gha ta ka zwaŋ. Katək ná, nza nza ka ŋa gwal zlghay nda ŋuɗuf, ka mndu ŋa kla saɗa ni ma tva gwaɗa, ma tva nzaku, nda ya ma tva nzaku nda ghuɓa.

Titus 2:14

ta vlatá ghəŋa ni ka mtuta ma vla mu ŋa varagamapta ma dmakwa mu, ŋa nzakwa mu ka gwal nda ghuɓa ta kəma ni, kada nuta mu ka mnduha ni ta mama maga ŋərma slnaha inda fitik.

Hebru 8:3

Inda mali ta ghəŋa gwal ksa slna Lazglafta ná, fa fa lu ŋa vla skwi ta vlata lu, nda skwa pla ghəŋ tani. Nda ra ka mutsafta ŋa amu ma mali ta ghəŋa gwal ksa slna Lazglafta guli ta skwi ŋa vlay ni.

Hebru 9:14

Ka si mantsa ya tsi, malaghu mala usa Kristi pyu ka tsaha ya. Ga a Kristi ta dmaku wu, ama ka klaftá tsi ta ghəŋa ni ka vlaŋtá Lazglafta nda mbrakwa Sulkum nda ghuɓa. Ŋa kɗekedzeŋ tsa Sulkum ya. Tsa usa Kristi ya ta ghuɓiŋtá ŋuɗufa mu, ŋa zlaŋta mu ta maga ghwaɗaka skwiha ya ta kla mndu da mtaku, ka magay mu ta slna Lazglafta ya ta vla hafu.

Hebru 9:23

Nda ra ka ghuɓiŋta mantsa ya ta tsəna skwiha ta ghəŋa haɗik na, kabga fwata vərɗa tsa skwiha ta luwa ya həŋ. Tsaha ta nzakway ka vərɗakani ta luwa ya guli ná, nda ra ŋa taŋ nda pla ghəŋ ya ta malaptá tsa taŋtaŋa ni ya.

Hebru 9:26

Ka má mantsa tsi ná, má mbəɗava a fitika ghuyay ni ta ɗaŋwa daga ka yawu zlagapta ghəŋa haɗik wa. Turtuktuk səla zlagapta tsatsi ma na kɗavakta fitik na. Ka vlaŋtá tsi ta ghəŋa ni ta Lazglafta ŋa hərɗiŋtá dmakwa mu ɗekɗek.

1 Piyer 4:8

Mali ma inda skwi ná, tsaya gɗavata ghuni nda ɗvuvustá vgha nda ŋuɗuf turtuk sani nda sani, kabga ta tiŋway ɗvu ta mndu ŋa plinistá ndəghata dmakwa mnduha.

1 Yuhwana 3:16

Wya tvi kəl amu ka snaŋtá skwi ta hgə lu ka ɗva mndu: Ɗvu ɗva *Yesu *Kristi ta amu, ka saha tsi vlatá ghəŋa ni ma vla amu. Amu guli ná, vlama vla amu ta ghəŋa mu guli ma vla zwana ma mu.

1 Yuhwana 3:23

Ká tsa zlaha Lazglafta ya ta mnay na: « Fafwa fa ta ghəŋa ghuni ta hga Yesu Kristi zwaŋa ni, ka ɗvuvusta kuni ta vgha ghuni sani nda sani, » ka zlaha ni ta mnamata.

Suna Yuhwana 1:5

Ka vlaghuna vla *Yesu *Kristi ta nzakway ka vərɗa masləmtsək ya guli, ta zɗakatahuɗi nda zɗaku. Tsatsi na taŋtaŋa mndu ta sliʼagapta ma mtaku nda hafu. Tsatsi ta ga mgham ta ghəŋa inda mghamha ta ga mgham ta ghəŋa haɗik. Ɗvu ɗva tsa Yesu Kristi ya ta amu. Ka pghiŋtá tsi ta usa ni ŋa varagamapta ma dmaku.

Suna Yuhwana 5:9

Ka fə həŋ ta lfiɗa laha. Ka həŋ mantsa: « Nda ra ka ka klafta na defteri na, ka ɓlanaptá ŋizlaha ni, kabga si dza dza lu ta kagha, ka varanaktá ka ta Lazglafta nda usa gha ta inda mndəra mndu ma inda mndəra gwaɗa ta gwaɗ lu, nda inda mnduha, nda inda zivira mnduha.