Afisus 5:15 - Hdi

¹⁵ Mantsa tama, ɗasuwa ka kuni nda nzaku ta nzaku kuni. Ma nzaku kuni manda la rgha, nzawa nza manda gwal nda mahizl ma ghəŋa taŋ.

Afisus 5:15 ပူးပေါင်းရင်းမြစ်များ

2Sam 24:10

Manda mbəɗafta Dawuda ta mbsaka mnduha, ka snə tsi ta babamakwa ŋuɗufa ni, kaʼa nda Yawe mantsa: « Gaga yu ta dmaku dagala ma magata ɗa ta tsa skwi ya. Ndanana, wya dzvu Yawe, plana pla ta krughuva kwalva gha, kabga ma ga təkda magata yu, » kaʼa.

Sabi 23:13

Ka ŋanata kuni ɗina ta inda tsa gwaɗaha managhuna yu ya. Yaha kuni hgaŋtá hga sana lazglaftaha, dər snaŋtá kulay ma wa ghuni. »

Mata 10:16

« Wana yu ta ghuna kaghuni manda tuwakha da taba kramtak mtakha. Ka nzata kuni nda hiɗa manda nahaɗik, manda ghərbuʼ kul haɗ gwaɗa ta ghəŋa ni ya ká kuni da nzata guli.

Mata 25:2

Mataba taŋ, hutaf gwal kul hiɗaku, hutaf gwal nda hiɗa.

Mata 27:24

Nghay Pilat ná, zlramta a mataba taŋ wu, ta sgaku nda sga sliʼavafta ŋuɗufa mnduha, ka taʼatá tsi ta imi, « wya dzva ɗa, wya dzva ɗa, » kəʼa mbaziŋtá dzva ni ta kəma mnduha. « Sab sa dzva ɗa ta ghəŋa gwaɗa ta na mndu na, dzik nda kaghuni tsa, » kaʼa.

Mata 27:4

« Gaga yu ta dmaku ta vlatá mndu kul haɗ dmakwa ni ŋa dzata, » kaʼa nda həŋ. « Nu gwaɗa aŋni! Dzik nda kagha tsaya, » ka həŋ nda tsi.

Mata 8:4

Ka Yesu nda tsi mantsa: « Yaha yaha ka mnanaŋtá mndu! La ka dzaʼa ka da maranaŋtá vgha gha ta mnda dra skwi ŋa Lazglafta, ka plata ka ta ghəŋ nda skwi manda ya mna zlaha Musa, kada snaŋta mnduha nda mba ka kəʼa, » kaʼa nda tsi.

Lukwa 24:25

Ka Yesu nda həŋ mantsa: « Mnduha kul haɗ mahizl ma ghəŋa taŋ, ta daramay nda darama ta zlgha inda skwi mna la anabi!

1Kwa 14:20

Zwana ma ɗa, ma nza ndana ghuni manda ŋa zwani. Ka təv ghwaɗaka skwi tsi katsi, manda zwani kwitikw kwitikw ka kuni nzata, ama ndana mndərha ka kuni ndanay.

Galat 3:1

Aya la Galat ksu skwi! Nya sughunus lu na? Ya wya maraghuna mara yu tsiɗiɗ ta *Yesu *Kristi ta mtuta ta udza zləŋay.

Galat 3:3

Nu ta ksutá kaghuni! Wya tiŋəl nda Sulkum nda ghuɓa zlrafta kuni, ndanana tama ná, ta kumay kuni ta kɗiŋta nda slna sluʼuvgha rki?

Afisus 5:2

Ma slnaha ghuni ta mag kuni inda fitik, maraŋwa mara ta ɗvu ŋa sanlaha. Mantsa ya ɗvuta *Kristi ta amu ma mtuta ni ŋa mbamafta. Tsa skwi maga tsi ya ná, zɗəgana zɗa ta Lazglafta manda skwa pla ghəŋ ta vlaŋta lu.

Afisus 5:33

Tsaw nghaghunagha ngha tsa gwaɗa ya ta kaghuni guli. Inda mndu ka ɗvuta tsi ta markwa taŋ manda ya ta ɗvuta tsi ta ghəŋa ni. Inda marakw guli, ka sna tsi ta gwaɗa da zəʼala taŋ.

Filip 1:27

Skwi ná, nzawa nza ta nzaku ya ta raku ŋa nghaŋta mnduha kazlay: Gwal ta maga skwi manda ya ta mnə gwaɗa *Kristi kuni kəʼa. Skwi ta kum yu ta snaŋta ná, ta nzaku ka kuni manda ya ta raku. Dər má lab la yu da kaghuni, dər má lab a yu da kaghuni wu, nda guya ka ghəŋa ghuni. Ta ŋava ŋa ka kuni nda ŋuɗuf turtuk ka dzaʼa ta kəma ta kəma nda mna gwaɗa Lazglafta.

Kwalus 1:9

Tsaya tama, manda kɗakwa ŋni ta snaŋtá gwaɗa ta kaghuni, zlana a ŋni ta maga duʼa ta ghəŋa kaghuni, ŋa ndəghaghunaftani nda hiɗaku, nda ɗifil ya ta vlə Sulkum wa. Tsaya dzaʼa kəl kuni ka snaŋta ta skwi ya ta kum tsatsi,

Kwalus 4:5

Nzawa nza nda ɗifil ta vata gwal kul zlghafta Kristi. Dər yawu mutsafta kuni ta katsaftá maga ŋərma skwi ya, ma zlidiŋ kuni ta tsa fitik ya.

1Tes 5:15

Ɗaswa ka kuni, da vranamtá mndu ta ŋaslu ta mndu nda ŋaslu. Ŋavawa ŋa katək, ka maga skwi ya ɗina mataba ghuni, nda ya ŋa hamata sanlaha tani.

1Tim 6:9

Ama gwal ta zba nzaku ka gadghəl ná, ta dəɗamdəɗa həŋ da skwi ta dzəgha mndu. Ŋa dəɗamta taŋ da dəɓəla ghwaɗaka mnduha ta ɓadza mndu, nda ya ta zaɗanatá mndu ŋa ɗekɗek.

Hebru 12:25

Ɗasuwa ka kuni! Yaha kuni da kwalaghutá snaŋtá lwa Lazglafta ya ta gwaɗa nda kaghuni! Ghalya, tsa gwal ta kwalaghutá snatá gwaɗa tsa mndu ta mnay ŋa taŋ ta ghəŋa haɗik ya ná, ndap a həŋ ma guma wa. Amu yeya dzaʼa ndapta ka mbəɗana mbəɗa mu ta hul ta Lazglafta ta gwaɗa nda amu daga ta luwa rki tama?

Yakubu 3:13

Wati ma mndu ya nda ɗifil ma ghəŋa ni nda sna ta skwi na? Ka mara tsi ta slnaha ni nda ma nzaku ɗina, nda hanata ghəŋa ya ta mutsu lu ma ɗifil.

1 Piyer 1:22

Nda nza kuni ka gwal nda ghuɓa, ma snanata ghuni ta gwaɗa Lazglafta, ŋa ɗvuta ghuni ta zwana ma ghuni nda ŋuɗufa ghuni. Gɗawa gɗa tama ta ɗvuvustá vgha ghuni kahwathwata nda ŋuɗuf turtuk.

Suna Yuhwana 19:10

Na tsa snaŋta ɗa mantsa ya, ka zləmbata yu ka tsəlɓu ta kəma ni. Ama kaʼa nda iʼi mantsa: « Nawa, ma mag ka mantsa! Mnda ksanatá slna ta Lazglafta yu manda va kagha, manda va zwana ma gha ta ŋanatá kahwathwata ya marigiŋ lu nda ma Yesu. Ŋa Lazglafta dzaʼa tsəlɓa ka ta tsəlɓu, » kaʼa. Tsa kahwathwata marigiŋ lu nda ma Yesu ya ta vlata mbrakwa kla lwa Lazglafta.