Afisus 5:11 - Hdi

¹¹ Ma fam kuni ta ghəŋa ghuni da ghwaɗaka skwiha ta mag gwal ma grusl, haɗ ghəzliwa ni wa. « Na skwi ta mag kuni na ná, » ɗina a wu, ka kuni mnanaŋtá həŋ baŋluwa katək.

Afisus 5:11 ပူးပေါင်းရင်းမြစ်များ

Zlrafta 20:16

Kaʼa nda Sara mantsa: « Wya vlaŋ vla yu ta sulay dəmbuʼ ta zwaŋama gha. Tsaya dzaʼa nzakway ka ŋizla da inda gwal ndusa nda kagha kazlay ga a ka ta dmaku wu kəʼa, nda ya da inda mnduha kazlay ksagha a sana skwi wu kəʼa ma na gwaɗa na, » kaʼa.

La Levi 19:17

Ma nza kuni nda dgun nda zwaŋama ghuni. Ka maga maga mndu ta skwi kul raku, mnanaŋwa mna baz ta dmakwa ni. Ka mantsa a tsi wu, dguv ta ghəŋa ghuni dmaku ni.

Mata 18:15

« Ka gagha ga zwaŋama gha ta dmaku ná, la slanaghata ka dzraŋta kaghuni histaghuni. Ka snagha sna tsi katsi, kataf katá ka ta zwaŋama gha.

Lukwa 3:19

Ka dvanaghatá Yuhwana ta mgham Hiridus ta ghəŋa klugudunustani ta Hiridiya markwa zwaŋama ni Filip, nda ya ta ghəŋa ndəghata sanlaha ma ghwaɗaka skwi ta mag tsi.

Slna gwal ghunay 26:18

Ŋa gwananata gha ta iri ta həŋ, Ŋa sliʼagapta taŋ ma grusl ka lam da tsuwaɗak, ŋa kwala halaway ka gəgəlta mgham ta ghəŋa taŋ. Lazglafta ta dzaʼa ga mgham ta ghəŋa taŋ. Mantsa ya dzaʼa kəl həŋ ka mutsafta planata dmakwa taŋ, ŋa mutsafta taŋ ta vla nzaku kawadaga nda gwal ta zlghaftá Lazglafta,” » kaʼa.

La Ruma 13:12

Nda dga rviɗik, ndusa tsaɗakwa vli. Slurtiŋmaslurta ta slna grusl, ka pghavata mu ta huzla vulu ta nghanatá tsuwaɗak.

La Ruma 16:17

Zwana ma ɗa, wyawa dzvu, ɗaswa ka kuni nda gwal ta kladamtá daga vgha da taba ghuni ya, nda nza həŋ ka tuthun, ta irna həŋ nda tsa tagha skwi taghaf kuni ya, tsaghwa vgha nda həŋ.

La Ruma 6:21

Slənawu tsa maga kuni tama? Wya ka skwa hula tsa skwiha ya ndana, kabga mtaku kɗavakta tsa skwiha ya.

Galat 6:8

Ka ŋa sluʼuvgha slga mndu katsi, ŋa sluʼuvgha dzaʼa tskə tsi, ŋa zaɗamtani mida. Ala ka ŋa Sulkum slga mndu, ŋa Sulkum dzaʼa tsi tskay, ta nzakway ka hafu ŋa kɗekedzeŋ.

Afisus 4:22

Skwi taghaghunaf lu ná, zlaŋta ghuni ta tsa tva nzaku si ta nzaku kuni ghalya ya. Tsa tva nzaku si ta nzaku kuni ghalya ya si ta ɓadza kaghuni, kabga si ta haraʼuway kuni ta inda ghwaɗaka skwi ta nana kaghuni.

Afisus 5:12

Ta ksaku ka hula dər gwaɗay ma wi ta tsa skwi ta mag həŋ ma ɗifa ma ɗifa ya.

Afisus 5:7

Ma guy kuni ta vgha nda tsa gwal ta maga mndərga tsa ghwaɗaka skwiha ya.

Kwalus 1:12

Rfawa rfa ta Dada. Tsatsi ta vlaghunatá mbrakwa mutsa skwiha ɗina ɗina ya payanaf tsi ta mnduha ni ma ga mghama tsuwaɗak.

1Tes 5:7

Gwal ta hani ná, girviɗik ta hana həŋ ta hani, girviɗik ta ghuyakwa həŋ ta ghuyaku guli.

2Tes 3:14

Ka haɗ yu ta sna tsa gwaɗa vindaf lu ya wu, ka mndu katsi, mnanaŋwa mnduha demdem, ka dgaghuta kuni ta vgha nda tsi, ŋa ksafta ni ka hula.

2Tes 3:6

Zwana ma ɗa, ma hga Mghama mu *Yesu *Kristi ta mna ŋni ta na gwaɗa na ŋa ghuni, tsaghwa vgha ta vata mnda zlghay nda ŋuɗuf ta yaɗi, kul haɗ ta maga skwi taghaghunaf ŋni.

1Tim 5:20

Gwal ta ga dmaku ya, dvanaghadva ta həŋ ta kəma inda mnduha, kada ganafta tsi ta zləŋ ta sanlaha.

1Tim 5:22

Yaha ka da gi hwaya fanaghatá dzvu ta ghəŋa mndu ŋa vlaŋtá slna mataba Igliza Lazglafta. Yaha ka da hba huta mista mndu ta gatá dmaku. Ngha ta ghəŋa gha, yaha ka faftá rutsak ta vgha gha.

1Tim 6:5

nda zlərɗutawi kul kɗavakta mataba gwal kul haɗ ghunislak ma ghəŋa taŋ. Snəgla a həŋ ta kahwathwata wa. Dina ná, skwi ŋa mutsa gadghəl ya ka hahəŋ ta ndanay.

2Tim 3:5

Manda va gwal ta tsəlɓu ŋa Lazglafta ka həŋ ta nghə lu, ama va a həŋ ta snaŋtá mbrakwa Lazglafta wa. Ma guy ka ta vgha nda mndərga tsa mnduha ya guli.

2Tim 4:2

mna ta gwaɗa Lazglafta, ka gɗata ka ta vrafta tida, dər ma fitika ni tsi, dər ma fitika ni a tsi wu. Zlaha ta gwal ta maga ghwaɗaka skwi, dva ta həŋ, vla ta mbraku ŋa taŋ, hbatá ŋuɗuf ka tagha ka ta skwi ŋa taŋ,

Titus 2:15

Mantsa ya ká ka da taghanaftá həŋ. Ka vlaŋta ka ta mbraku ta həŋ. Ka dvanaghata ka ta gwal kul sna gwaɗa nda inda mbraku ya vlagha Lazglafta. Yaha mnduha da hərtətata kagha.

Suna Yuhwana 18:4

Ka snaŋtá yu guli ta sana lwi ta gwaɗagata ta luwa. Kaʼa mantsa: « Mnduha ɗa! Sliʼapwa sliʼa ma tsa luwa ya, kabga yaha kuni da ŋlamta ma tsa dmakwa ni ya, da dəɗamtá kuni ma ghuya ɗaŋwa manda ŋa ni guli.